អាហារគួរចៀសវាង ប្រសិនបើអ្នក មិនចង់មាន ក្លិនខ្លួនមិនល្អ
ក្លិនខ្លួនក្រអូបប្រហើរ គឺជាជំនឿចិត្តនៃការទំនាក់ទំនងប្រកប ដោយភាពស្និទ្ធស្នាល ប៉ុន្តែបើក្លិនខ្លួនមិនល្អវិញ ធ្វើឱ្យការទំនាក់ទំនងរបស់អ្នកបរាជ័យស្ទើរតែពាក់កណ្តាលទៅហើយ ដោយសារអ្នកដទៃពិបាកស្និទ្ធស្នាលជាមួយអ្នក ។ ប្រសិនបើអ្នកមានបញ្ហាជាមួយក្លិនខ្លួនមិនល្អ ហើយប្រើថ្នាំបំបាត់ក្លិនអាក្រក់ក៏មិនមានប្រសិទ្ធភាពទៀ់តនោះ វាប្រហែលជាដល់ពេលដែលអ្នកត្រូវគិតពីរបបអាហារវិញម្តងហើយ... តើអ្នកបានទទួលទានអាហារអ្វីខ្លះបានជាបង្កឱ្យអ្នកមានក្លិនអាក្រក់បែបនេះ?
១- កំណត់កម្រិតទទួលទានសាច់ពណ៌ក្រហម ៖ សាច់ពណ៌ក្រហមអាចជាមូលហេតុនៃការបង្កឱ្យមានក្លិនខ្លួនមិនល្អ ព្រោះពេលខ្លះវាបង្កឱ្យបំពង់រំលាយអាហារមិនមានសកម្មភាព ដែលជាប្រការមួយធ្វើឱ្យអាហារស្អុយរលួយបង្កឱ្យទៅជាការបញ្ចេញជាតិពុលទៅក្នុងលំហូរឈាម ហើយកើតជាញើសក្លិនមិនល្អ ។
២- ចៀសវាងអាហារកញ្ចប់ ៖ របបអាហារដែលផលិតឡើងពីម្សៅចម្រាញ់ពណ៌ស,ប្រេងដែលមានលាយអីុដ្រូហ្សែន, ស្ករ និងគ្រឿងផ្សំកញ្ចប់ផ្សេងៗអាចជាមូលហេតុដែលធ្វើឱ្យអ្នកមានក្លិនខ្លួនមិនល្អ ។
៣- ទទួលទានជាតិសរសៃឱ្យបានគ្រប់គ្រាន់ ៖ របបអាហារដែលមានជាតិសរសៃទាបអាចបង្កឱ្យមានបញ្ហាទល់លាមក និងអាចបង្កទៅជាក្លិនខ្លួនមិនល្អ។
៤- ចៀសវាងអាហារដែលមានជាតិក្លរ ៖ ដូចជាស៊ុត ថ្លើម ត្រី និងពពួកសណ្តែកជាដើម ហើយអាហារប្រភេទនេះអាចបង្កឱ្យមានក្លិនខ្លួនមិនល្អ ចំពោះមនុស្ស ។ ខណៈពេលទទួលទានហើយសរីរាង្គមិនអាចធ្វើការបំលែងប្រភេទអាហារទាំងនោះឱ្យបានល្អវានឹងជះក្លិនខ្លួនឆ្អាបដូចត្រី ។
៥- ចៀសវាងអាហារហីរ និងមានក្លិន ៖ ការបរិភោគខ្ទឹមបារាំង ខ្ទឹម.ស និងអាហារហឹរច្រើនអាចធ្វើឱ្យរាង្គកាយរបស់អ្នកបង្កើតក្លិនមិនល្អធុំក្លិនក្រពុល ។
៦- កំណត់កម្រិតនៃការទទួលទានកាហ្វេ និងគ្រឿងស្រវឹង ក៏ជាមូលហេតុធ្វើឱ្យរាងកាយបញ្ចេញជាតិក្រពុលផងដែរ។
៧- ចៀសវាងការបរិភោគអាហរបំពង ឬដុត (កម្រិតទាប) ៕
