ការ៉ុតជួយឲ្យស្បែកមុខផូរផង់
ការ៉ុតក្រៅពីមានវីតាមីន A ជំនួយដល់ភ្នែក វាក៏សម្បូរទៅដោយវីតាមីន C ដែលជួយឲ្យស្បែកកាន់តែស្រស់ថ្លា។ យ៉ាងណាមិញ ក្រៅពីយកការ៉ុតទៅបរិភោគ អ្នកក៏អាចច្នៃវាយកទៅបិទមុខដើម្បីធ្វើឲ្យស្បែកមុខរបស់អ្នកកាន់តែទន់រលោង ផូរផង់ និងមានសំណើម។
របៀបធ្វើម៉ាសបិទមុខពីការ៉ុត អ្នកត្រូវការ ការ៉ុតពីរមើម និងទឹកឃ្មុំ។ យកការ៉ុតទៅក្រឡុក រួចលាយទឹកឃ្មុំ៤ស្លាបព្រាបាយ។ បន្ទាប់មកយកមកបំពោកលើមុខទុករយៈពេល១០នាទី រួចលុបមុខចេញជាមួយទឹកក្ដៅឧណ្ហៗ។
ធ្វើបែបនេះមួយសប្ដាហ៍ម្ដងអ្នកនឹងទទួលបានស្បែកមុខស្រស់ស្អាតភ្លឺរលោង៕
