របៀបសម្គាល់ស្នេហ៍ពិត
ខាងក្រោមនេះជាវិធីដើម្បីធ្វើអោយអ្នកចេះបែងចែកឱ្យដាច់រវាងស្នេហា ការងប់ និងតណ្ហា៖
1.សំគាល់មើលថាតើអ្នកចាត់ទុកមនុស្សដែលអ្នកចាប់អារម្មណ៍ជាមនុស្ស ឬវត្ថុ។ អ្នកខ្វល់ខ្វាយពីមនុស្សម្នាក់នេះទោះបីជាគេមានកំហុសក៏ដោយ។ អ្នកប្តេជ្ញាចិត្តនឹងនៅជាមួយគ្នារហូតទោះបីជួបឧបសគ្គលំបាកយ៉ាងណាក៏ដោយ។ អ្នកអាចប្រាប់មនុស្សម្នាក់នេះពីអ្វីៗទាំងអស់អំពីអ្នក ទោះបីជាការពិត មិនធ្វើអោយអ្នកសប្បាយចិត្តក៏ដោយ ក៏អ្នកដឹងថាគេនឹងទទួលយកអ្នកបាន។
2.វាស់ស្ទង់អារម្មណ៍ជឿជាក់របស់អ្នក។ អ្នកដឹងថាដៃគូអ្នកនឹងឈរក្បែរអ្នករហូតទោះមានរឿងអ្វីក៏ដោយ ហើយអ្នកត្រៀមចិត្តនឹងរួមរស់នឹងគេពេញមួយជីវិត។
3.គិតពីរយៈពេលដែលអ្នកមានទំនាក់ទំនងនេះ។ អ្នកស្គាល់គេរយៈពេលយូរ ហើយអ្នកមិនអាចរស់បានបើគ្មានគេ។
4.ពិនិត្យមើលថាតើការរួមរក្សប៉ះពាល់អារម្មណ៏អ្នកឬទេ។ បន្ទាប់ពីអ្នករួមរក្សជាមួយគេហើយ អ្នកមានអារម្មណ៍ស្និទ្ធស្នាលខ្លាំង។ សំរាប់អ្នក ការស្រលាញ់ និងការណែបនិត្យគ្នាបន្ទាប់ពីរួមរក្សរួច មានសារសំខាន់ដូចការរួមរក្សដែរ។
5.វិភាគពីអ្វីដែលអ្នកគិតអំពីគេ។ មានរឿងកើតឡើងចំពោះអ្នកនៅកន្លែងធ្វើការ ហើយអ្នកចង់ប្រាប់គេភ្លាមៗ មិនអាចចាំបាន។ ជួនកាលអ្នកមានរឿងអាក្រក់កើតឡើង ហើយត្រូវការមនុស្សម្នាក់ដើម្បីយល់ពីអ្នក ហើយបើដៃគូអ្នកជាមនុស្សដំបូងដែលអ្នកនឹកឃើញមុនគេ នោះអ្នក មានស្នេហាជាមួយគេប្រាកដណាស់។
6.មើលពីរបៀបអ្នកដោះស្រាយបញ្ហា។ ពេលអ្នកមានការឈ្លោះប្រកែកគ្នាជាមួយដៃគូ អ្នកព្យាយាមរកដំណោះស្រាយទាល់តែអ្នកទាំងពីរ យល់ស្របគ្នាវិញ។ គ្មានការឈ្លោះប្រកែកណា ធ្វើអោយប៉ះពាល់ដល់ការប្តេជ្ញាចិត្តរួមរស់ជាមួយគេឡើយ ហើយអ្នកពេញចិត្តនឹងអោយគេនិយាយការពិត ទោះបីជាការពិតនោះធ្វើអោយឈឺចាប់ក៏ដោយ។
7.ពិចារណាអារម្មណ៏អ្នក អំពីការឈានមួយជំហានទៀតនៃទំនាក់ទំនង។ អ្នកមានអារម្មណ៍ស្រណុក និងកក់ក្តៅជាមួយដៃគូ ហើយអ្នកមានចំណងជឿជាក់ខ្លាំង៕
