ទូរស័ព្ទ Lenovo P780 មានអេក្រង់ទំហំ 5-inch និង ថាមពលថ្ម 4,000mAh
នៅថ្ងៃនេះក្រុមហ៊ុន Lenovo បានប្រកាសចេញទូរស័ព្ទទំនើបមួយម៉ូដែលគឺ Lenovo P780 ដែលជាប្អូនរបស់ Lenovo P770 និង មានរូបរាងស្រដៀងនឹង Lenovo K900 ដែលត្រៀមនឹងចេញលក់លើទីផ្សារប្រទេសចិននៅថ្ងៃទី០៦ ខែឧសភានេះ ។ ប្រភពពីគេហទំព័រ gizchina.com បានឲ្យដឹងថាទូរស័ព្ទទំនើបរបស់ក្រុមហ៊ុន Lenovo ម៉ូដែលថ្មីនេះ (Lenovo P780) មានការធ្វើឲ្យប្រសើរឡើងច្រើនខុសពីរៀមច្បងរបស់ខ្លួនដូចជា មានរាងស្អាត អេក្រង់ធំ និងថាមពលថ្មធំជាង Lenovo P770 ។
លក្ខណសម្បត្តិបច្ចេកទេសរបស់ Lenovo P780 មានដូចខាងក្រោម៖
- អេក្រង់ទំហំ 5-inch
- កម្រិតភាពច្បាស់ 720p
- CPU Quad-core MT6589
- RAM 1 GB
- អង្គផ្ទុកទិន្នន័យជាប់ម៉ាស៊ីន 8 GB
- ប្រើប្រព័ន្ធប្រតិបត្តិការ Android 4.2 Jelly Bean
- កាមេរ៉ាក្រោយទំហំ 8 MP
- ថាមពលថ្ម 4,000mAh
ក្រុមហ៊ុន Lenovo នឹងចាប់ផ្ដើមបញ្ចេញទូរស័ព្ទនេះទៅលើទីផ្សារប្រទេសចិននៅចុងខែនេះ ប៉ុន្តែចំពោះតម្លៃ និងលក្ខណសម្បត្តិបច្ចេកទេសលម្អិតជាងនេះមិនទាន់ត្រូវបានបង្ហើបឲ្យដឹងនៅឡើយទេ ៕
