ថ្ងៃនេះ Zuckerberg បង្អួតកម្មវិធីថ្មីលើ Facebook
ថ្ងៃនេះស្ថាបនិក និងនាយកប្រតិបត្តិរបស់ Facebook លោក Mark Zuckerberg បានបង្ហាញកម្មវិធីថ្មីឈ្មោះថា “Facebook Home ឬ Home” ដែលមានលក្ខណៈប្លែក ខុសពីកម្មវិធីរបស់ក្រុមហ៊ុនដទៃ។
@: Cover Feed : ជាមុខងារមួយដែលអ្នកគ្រាន់តែដាក់ដៃចុចលើរូបភាពប៉ុណ្ណោះ នោះរូបភាពនឹង រីកធំពេញអេក្រង់ទូរសព្ទ។ បើចុចលើរូបភាព ២ដង មានន័យថាអ្នកបានចុច Like រូបភាពនោះ។
@: Chat heads : ជាមុខងារមួយបង្ហាញពី “សារ”។ នៅពេលគេផ្ញើរសារ Text Message ឬ Facebook Message នោះមុខងារនេះនឹងបង្ហាញសារ និង រូបអ្នកផ្ញើនៅលើអេក្រង់ទូរសព្ទ ដើម្បីឲ្យអ្នកប្រើបានដឹងថាជានរណា។
@: Gestures: ជាមុខងារបន្ថែមដែលFacebook បានដាក់បន្ថែមលើ Home ដើម្បីឲ្យជួយលុប Notification។ បើចង់លុប Notification ផ្សេងៗ អ្នកប្រើប្រាស់គ្រាន់តែ យកដៃដាក់លើ Notification នោះវានឹងប្រមូលផ្ដុំរួមគ្នាដែលអាចឲ្យអ្នកប្រើលុបបាន។
ពិត ជាសំណាងណាស់សម្រាប់អ្នកប្រើប្រព័ន្ធប្រតិបត្តិការ Android ព្រោះ Facebook នឹងដាក់ឲ្យប្រើកម្មវិធី “ Home” នៅលើ Google Play នៅថ្ងៃទី ១២ ខែ មេសា ឆ្នាំ ២០១៣ខាងមុខនេះហើយ។ ទោះបីជាយ៉ាងណា Facebook មិនបានបញ្ជាក់ថា Android Version ណានោះទេ គ្រាន់តែបង្ហើបថាក្នុងនោះអាចប្រើនៅលើ Galaxy S4, S III, Note II, HTC One និង One X+ ជាដើម។
កាលពីសប្ដាហ៍មុន (ថ្ងៃ ព្រហស្បតិ៍ ទី ០៤ ខែ មេសា) Facebook បានបង្ហាញលិខិតអញ្ជើញ និងប្រកាសបើកព្រឹត្តិការណ៍ Android របស់ខ្លួននៅរដ្ឋ California ដោយក្នុងនោះមានមតិជាច្រើនបានលើកឡើងថា Facebook នឹងបង្ហាញ Facebook Phone, OS App Store, App API’s និងអ្នកខ្លះទៀតថា ក្រុមហ៊ុននឹងបង្ហាញ Facebook app ។ អ្វីដែលត្រឹមត្រូវនោះគឺថា បណ្ដាញទំនាក់ទំនងយក្សនេះ បានធ្វើឲ្យមនុស្សជាច្រើនភ្ញាក់ផ្អើល និងកម្មវិធី Facebook Home ថ្មីរបស់ខ្លួនដែលមានលក្ខណៈពិសេសដូចបានបង្ហាញខាងលើ។
