បទ "មានថ្ងៃណាដូចថ្ងៃមុន" VCD Vol.12 របស់ Bigman កំពុងអង្រួនអារម្មណ៍យុវវ័យ
នំពេញ៖ បន្ទាប់ពីចម្រៀងមនោសញ្ចេតនា ជាច្រើនបទ ក្នុងផលិតកម្ម ប៊ីកមេន (Bigman) ទទួលបានការគាំទ្រ យ៉ាងខ្លាំងពីសំណាក់មហាជន ជាពិសេសស្រទាប់យុវវ័យហើយនោះ ផលិតកម្មមួយនេះ បានបន្តចេញជាអាល់ប៊ុម CD និងVCD ចរាចរលក់នៅលើទីផ្សារ ជាបន្តបន្ទាប់ ក្នុងនោះទស្សនិកជន បានសង្កេតឃើញបទ "មានថ្ងៃណាដូចថ្ងៃមុន" ក្នុង VCD Vol.12 ដែលជាសំនៀង បកស្រាយរួមគ្នារវាង លោក ម៉ារីអូ និងកញ្ញា អេឡា កំពុងតែត្រូវបានយុវវ័យ និយមចូលចិត្តស្ដាប់ គ្រប់ៗគ្នា មិនថាអ្នករស់នៅទីក្រុង ឬជនបទនោះឡើយ ។ បទ "មានថ្ងៃណាដូចថ្ងៃមុន" ត្រូវបានផលិតកម្ម ប៊ីកមេន (Bigman) សម្រិតសម្រាំងឡើងទាំងអត្ថន័យ និងរូបភាព បានបង្ហាញពីស្នេហាស៊ីជម្រៅ រវាងស្នេហាបែបយុវវ័យមួយគូ ដែលបានជួបគ្នាហើយ តែបែរជាត្រូវបែកគ្នាវិញ គួរឲ្យសោកស្ដាយជាទីបំផុត ។ ក្នុងអត្ថន័យនេះហើយ បានធ្វើឲ្យអ្នកទាំងពីរពោលពាក្យថា "មានថ្ងៃណាដូចថ្ងៃមុន" ដែលជាថ្ងៃបង្កើតនូវអនុស្សាវរីយ៍ ស្នេហាគ្រាដំបូង មិនអាចបំភ្លេចបាន ហើយមិនអាចមានថ្ងៃណា ដូចថ្ងៃមុនបានជាដាច់ខាត។
ចង់ដឹងថា តើបទ "មានថ្ងៃណាដូចថ្ងៃមុន" " មានអត្ថន័យ និងទិដ្ឋភាពល្អយ៉ាងណា សូមទស្សនា ជាមួយ Domneng7ដូចខាងក្រោម៖
