ឈ្ងុយ!បង្គាបំពងអត់?
បង្គាបំពង ជាអាហារសម្រាប់ញ៉ាំលេង ឬសម្រាប់ក្លែមមិនអាចចាត់ទុកជាម្ហូបថ្ងៃត្រង់ ឬពេលល្ងាចបានទេ ក៏ព្រោះ អាហារមួយបែបនេះ ត្រូវបានរំលេចលើតុសម្រាប់តែញ៉ាំកំដរមាត់ ជជែកគ្នាលេងប៉ុណ្ណោះ។
បង្គាបំពង មានរសជាតិប្រៃល្មម ជាមួយម្សៅរុំពីក្រៅ កាន់តែពិសេសបើសិនជាអ្នកញ៉ាំភ្លាម ពេលដែលវានៅក្ដៅ ព្រោះសាច់ម្សៅរុំពីក្រៅមានសភាពស្រួយខ្លាំង ប៉ះជាមួយអណ្ដាតរបស់អ្នក មុននឹងទៅដល់ សាច់បង្គាដែលមានរសជាតិគួរឲ្យចាប់មាត់តែម្ដង។
បង្គាបំពងនេះ មិត្តយុវវ័យ អាចរកញ៉ាំបាននៅហាង ម្លិះទួលទំពូង។ បង្គាបំពងនេះត្រូវបានបកសំបកចោល និងប្រឡាក់គ្រឿងឡើងឈ្ងុយ លាយជាមួយម្សៅស្រួយ ទើបយកមកបំពងប្រេង រហូតដល់ប្រែពណ៌លឿង ដែលសម្គាល់ថា បង្គាបំពងនោះ អាចញ៉ាំបានហើយ ។
ក្រៅពីនេះ ម្លិះទួលទំពូង ក៏មានឆ្អឹងជំនីរជ្រូកអាំង កង្កែបឆាក្ដៅ បង្គាបំពង ក្រលៀនជ្រូកអាំងផងដែរ។ សម្រាប់ បង្គាបំពងនេះវិញ គឺត្រឹម ១៦០០០ប៉ុណ្ណោះក្នុងមួយចាន ។
ហាងសាច់អាំងម្លិះទួលទំពូង ស្ថិតនៅតាមបណ្ដោយផ្លូវ ៤៥៤ ផ្ទះលេខ២០ សង្កាត់ទួលទំពូង២ ខណ្ឌចំការមន រាជធានីភ្នំពេញ ឬអាចទំនាក់ទំនងតាមរយៈ ទូរសព្ទ 015 678 513 ។
