ឡើងកំពូលភ្នំ ប្រទះសាកសពត្រូវទឹកកក “ក្លាស្សេ”
ពលរដ្ឋនៅឯតំបន់នោះ១ក្រុម បានប្រទះនូវសាកសពត្រូវបង្កក ពេលពួកគេផ្សងគ្រោះថ្នាក់ធ្វើដំណើរទៅកាន់កំពូលភ្នំខ្ពស់បំផុត នាប្រទេសម៉ិចស៊ីកូ ។
ដំបូង ពួកគេប្រទះនូវរាងកាយមនុស្សម្នាក់ត្រូវបានបង្កក ដោយពួកគេទាក់ជើងនឹងប្រអប់ខួរ ហើយក៏ដួលទៅលើដងខ្លួនតែម្តង ។
សាកសពបង្កកនេះ គេបានរកឃើញនៅរយៈកម្ពស់ ៣១០ ម៉ែត្រ គិតពីកំពូលភ្នំ Pico de Orizaba កាលពីថ្ងៃទី ៣ មីនា កន្លងមកនេះ ។ រីឯកំពូលភ្នំ Pico de Orizaba មានរយៈកម្ពស់ ៥៦១០ ម៉ែត្រ ប្រៀបនឹងទឹកសមុទ្រ ។
ផ្នែកក្បាលដែលស្ថិតនៅខាងលើផ្ទាំងទឹកកក
វាអាចជាសាកសពត្រូវបានបង្កករបស់អ្នកឡើងភ្នំបានបាត់ខ្លួនមុននេះ ៥៥ ឆ្នាំ គ្រាមានព្យុះព្រិល១ ។
បន្ទាប់មក ពលរដ្ឋនៅតំបន់នេះទាំង ១២ នាក់ បន្តឆ្ពោះទៅកំពូលភ្នំ គេក៏បានឃើញសាកសពបង្កកគួរឲ្យតក់ស្លុតទី២ ។ វាក៏ស្ថិតនៅរយៈកម្ពស់ប្រហែលគ្នានេះដែរ ។
សមត្ថកិច្ចម៉ិចស៊ីកូ សង្ស័យថា វាជាសាកសព២ ក្នុងចំណោមមនុស្ស ៣ នាក់ បានបាត់ខ្លួនកាលពី ៥៥ ឆ្នាំ មុន ។ មុនោះ ពួកគេពុំមានតម្រុយនឹងរុករក ។
សំណល់សម្លៀកបំពាក់សេសសល់របស់សាកសពបង្កក
អត្តសញ្ញាណរបស់សាកសពបង្កកទាំងពីរអាចត្រូវបានដឹង លុះត្រាគេបញ្ជូនមកដល់ក្រោមបាន ។ ប៉ុន្តែ ពេលនេះការជញ្ជូនសាកសពចុះមក គឺមានការលំបាក ដោយសារអាកាសធាតុអាក្រក់ពេក ។
ឥឡូវនេះ គេកំពុងរៀបចំប្រតិបត្តិការដឹកជញ្ចូន១ រួមទាំងការចូលរួមរបស់ឧទ្ធម្ភាគចក្រ ។
សាកសពទាំងពីរនឹងត្រូវបានបញ្ជូនទៅកាន់ការិយាល័យអយ្យការនៃរដ្ឋ Puebla ដើម្បីវិភាគ ADN កំណត់អត្តសញ្ញាណ ៕
