សាលាមធ្យមសិក្សាមួយ ក្នុងប្រទេសឥណ្ឌូនេស៊ី បានធ្វើឱ្យពិភពលោកភ្ញាក់ផ្អើល នៅពេលដាក់
វិញ្ញាសារចម្លែកមួយ ទៅក្នុងការប្រឡងបាក់ឌុប នោះគឺវិញ្ញាសារ “ពិនិត្យព្រហ្មចរិយ”។សិក្សស្រី
ដែលត្រូវបានគេរកឃើញថា បាត់បង់ព្រហ្មចរិយ នឹងត្រូវធ្លាក់ដោយស្វ័យប្រវត្ត។

វិញ្ញាសារពិនិត្យព្រហ្មចរិយ ចំពោះសិក្សស្រីដែល​ប្រឡង​បាក់​ឌុប កំពុង​រង​ការ​រិះ​គន់ពី
​អង្គការ​ក្រៅ​រដ្ឋា​ភិបាល

ទីក្រុង Jember នៃខែត្រ Java ខាងកើត របស់ ឥណ្ឌូនេស៊ី កំពុងតែឧទ្ទេសនាមនូវវិញ្ញាសារពិនិត្យ
ព្រហ្មចរិយ ចំពោះសិក្សស្រីដែលកំពុងសិក្សាកម្រិតមធ្យម។ សិស្សស្រីទាំងឡាយណា ដែលត្រូវ
បានគណកម្មការ ឬមេប្រយោគ ពិនិត្យឃើញថា មានទំនាក់ទំនងផ្លូវភេទ មុនពេលរៀបការ គឺ​អាចនឹងត្រូវបាត់បង់សិទ្ធីទទួលសញ្ញាបត្របន្ទាប់ពីប្រឡងបាក់ឌុប។

ទំព័រ Jakarta Globe ឱ្យដឹងថា ករណីខាងលើនេះ ត្រូវបានធ្វើឡើងដោយអាជ្ញាធរក្រុង Jember 
សហការណ៍ជាមួយក្រុមមេធាវី បំណងទប់ស្កាត់មិនឱ្យសិក្សស្រី មានទំនាក់ទំនងផ្លូវភេទជាមួយ
ដៃគូច្រើននាក់ មុនពេលរៀបការ។មេធាវីម្នាក់ថ្លែងថា លោកសង្ឃឹមថា វិញ្ញាសារនេះ នឹងអាច
អនុវត្តនៅទូទាំងខែត្រ Java ខាងកើត។ មេធាវីនេះ បកស្រាយថា ៖ “ប្រសិនបាត់បង់ព្រហ្មចារី 
សិស្សស្រី នឹងមិនត្រូវបានគេអនុញ្ញាតឱ្យជាប់បាក់ឌុបនោះទេ។ នេះគឺដើម្បីផលប្រយោជន៍នៅ
ថ្ងៃអនាគតរបស់ពួកគេ”។

អង្គការសិទ្ធិមនុស្ស HRW ឱ្យដឹងថា ការលើកឡើងរបស់អាជ្ញាធរនេះ មិនមានអ្វីថ្មី ព្រោះថា តាំង
ពីឆ្នាំ ១៩៦៥ នគរបាលជាតិឥណ្ឌូនេស៊ី ធ្លាប់បានកំណត់ឱ្យសិស្សស្រីរាប់ពាន់នាក់ ពិនិត្យព្រហ្ម
ចរិយដូចគ្នានេះផងដែរ។

ការ​ពិនិត្យ​ព្រហ្ម​ចរិយ ក៏បានក្លាយជាវិញ្ញាសារចាំបាច់ នៅពេលគេជ្រើសរើសទាហានស្រី

ទំព័រ Ibtimes ចេញផ្សារថា ឆ្នាំ ២០១៤ ឥណ្ឌូនេស៊ី បានប្រកាសដាក់ចេញនូវវិញ្ញាសារត្រួតពិនិត្យ
ព្រហ្មចរិយ ហើយវាបានក្លាយជាវិញ្ញាសារចាំបាច់ នៅពេលគេជ្រើសរើសទាហានស្រី។ វិញ្ញាសារ
បែបនេះ គឺបានរំលោភទៅលើកិច្ចព្រមព្រៀងបំបាត់រាល់រូបភាពនៃការរើសអើងចំពោះស្ដ្រី ដែល ឥណ្ឌូនេស៊ីក៏ជាម្ចាស់ហត្ថលេខីមួយផងដែរនោះ៕

ប្រែសម្រួលដោយ ៖ តារា
ប្រភព ៖ Dailymail/Human Rights Watch‎