Apple ប្រហែលជាបាត់ឱកាសដ៏ធំនៅលើទីផ្សារសម្រាប់ផលិតផល Mac
ក្រុមហ៊ុន Apple កាលពីឆ្នាំមុនបានសហការជាមួយក្រុមហ៊ុន IBM (International Business Machines Corporation) ដើម្បីលក់ផលិតផល iPads ឲ្យបានច្រើននៅលើទីផ្សារ ប៉ុន្តែវាប្រហែលជា ការបាត់បង់ឱកាសដ៏ធំមួយទៅវិញ។ នេះបើតាមការអះអាងរបស់ លោក Gene Munster អ្នកជំនាញស្រាវជ្រាវរបស់ធនាគារវិនិយោគ Piper Jaffray។
លោក Gene Munster ជឿជាក់ថា ផលិតផល Mac របស់ក្រុមហ៊ុនApple មានឱកាសទីផ្សារធំជាងផលិតផល iPad ព្រោះថា មនុស្សភាគច្រើន ជាពិសេសអ្នកបម្រើការងារនៅតាមក្រុមហ៊ុន ឬ ស្ថាប័ន ប្រើកុំព្យូទ័រច្រើនជាង tablet ដើម្បីធ្វើកិច្ចការផ្សេងៗ។
ការលើកឡើងរបស់អ្នកជំនាញខាងលើ គឺស្របពេលដែល ក្រុមហ៊ុនApple មានយុទ្ធសាស្ត្រជំរុញឲ្យអតិថិជនប្រើប្រាស់ tablet ឲ្យបានច្រើនជាងកុំព្យូទ័រ ដែលនេះគឺជាធ្វើឲ្យផលិតផលMac មានការចុះអន់ខ្សោយ ។
យ៉ាងណាក៏ដោយ លោកGene Munster បានយល់ឃើញថា ផលិតផលMac នឹងនៅតែអាចវាយលុកលើទីផ្សារបានយ៉ាងល្អ ដែលធ្វើឲ្យគូប្រជែងមិនងាយនឹងយកឈ្នះដោយងាយនោះឡើយ៕
ប្រែសម្រួល៖ រស្មី
ប្រភព៖ businessinsider.com
