នាយករដ្ឋមន្ត្រី តាមដានការប្រឡងចំរៀង ក្នុងកម្មវិធី The Voice Cambodia រីឯលោកជំទាវធំ សរសើរថា រើសនេះ ពិតជាត្រឹមត្រូវណាស់!
ភ្នំពេញ: កម្មវិធីប្រឡងចំរៀង The Voice Cambodia វគ្គផ្តាច់ព្រ័ត្រ ដែលបានផ្សាយបន្តផ្ទាល់តាមកញ្ចក់ទូរទស្សន៍ហង្សមាស កាលពីយប់ថ្ងៃអាទិត្យ ទី១៦វិច្ឆិកា ត្រូវបានសម្តេចនាយករដ្ឋមន្ត្រីហ៊ុនសែន និងសម្តេចជំទាវធំ តាមដាន មិនប្តូរប៉ុស្តិ៍ តាំងពីដើមដល់ចប់។ ក្នុងនោះ សម្តេចជំទាវធំ បានលាន់មាត់សរសើរថា ការជ្រើសរើសបេក្ខជនជ័យលាភី លើកពាន លោក ប៊ុត សីហា ពិតជាត្រឹមត្រូវណាស់។
ចំណាប់អារម្មណ៍របស់សម្តេចនាយករដ្ឋមន្ត្រី និងសម្តេចជំទាវទី១ ខាងលើនេះ ត្រូវបានបញ្ជាក់តាមរយៈលោកខៀវកាញារីទ្ធ រដ្ឋមន្ត្រីក្រសួងព័ត៌មាន ដែលបានអញ្ជើញចូលរួមទស្សនាដោយផ្ទាល់ ជាមួយនឹងភរិយា ក្នុងការប្រឡងវគ្គផ្តាច់ព្រ័ត្រ នៃកម្មវិធី The Voice Cambodia កាលពីយប់ថ្ងៃទី១៦។
ក្នុងហ្វេសប៊ុក នាព្រលប់ថ្ងៃចន្ទ ទី១៧វិច្ឆិកា លោករដ្ឋមន្ត្រី ខៀវ កាញារីទ្ធ បានលើកឡើងថា "ព្រឹកមិញ នាយករដ្ឋមន្ត្រី និងលោកជំទាវធំ សួរថា នៅកម្មវិធី The Voice របស់ហង្សមាស យប់មិញ បោះអោយអ្នកណា ព្រោះឃើញចុចញាប់ដៃពីរនាក់ប្តីប្រពន្ធ? ឃើញថា លោកតាមមើលជាប់ដែរ ហើយលោកជំទាវធំសរសើរថា រើសនេះ ពិតជាត្រឹមត្រូវណាស់"។
ជាការកត់សម្គាល់ កម្មវិធីប្រឡងចំរៀង The Voice Cambodia រដូវកាលដំបូង របស់ស្ថានីយទូរទស្សន៍ ហង្សមាស បានចូលដល់វគ្គផ្តាច់ព្រ័ត្រ កាលពីយប់ថ្ងៃអាទិត្យ ទី១៦វិច្ឆិកា។ ប៊ុត សីហា ជាបេក្ខជន មកពីខេត្តកំពង់ស្ពឺ បានលើកពានរង្វាន់ The Voice Cambodia ព្រមទាំងប្រាក់រង្វាន់ ១០០ លានរៀល និងក្លាយជាអ្នកចម្រៀង ប្រចាំផលិតកម្មរស្មី ហង្សមាស ព្រមទាំងចូលជាសមាជិកអ្នកចម្រៀងរបស់កម្មវិធី The Voice ពិភពលោក។
លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងភរិយា បានចូលរួមទស្សនាផ្ទាល់ ហើយបានប្រគល់ពានរង្វាន់ ដល់បេក្ខជនជ័យលាភី ប៊ុត សីហា។
ប៊ុត សីហា ជាកូនក្រុមរបស់គ្រូបង្វឹកលោក ឆន សុវណ្ណរាជ។ សីហា បានទទួលការបោះឆ្នោតគាំទ្រច្រើនជាងគេ តាមទូរស័ព្ទពីទស្សនិកជន ថាជាអ្នកច្រៀងពិរោះជាងគេ ក្នុងចំណោមបេក្ខជនសរុបទាំង ៤ នាក់ នៅវគ្គផ្តាច់ព្រ័ត្រ កាលពីយប់មិញ។
ក្រៅពីពាន និងទឹកប្រាក់ ១០០ លានរៀល បេក្ខជនជ័យលាភី ប៊ុត សីហា ក៏ទទួលបានម៉ូតូ Dream 2105 មួយគ្រឿង និងស្រាបៀរកម្ពុជា ២០ កេស ពីក្រុមហ៊ុនស្រាបៀរកម្ពុជា។
ដោយឡែក បេក្ខជន ៣ នាក់ទៀត ដែលឈានមកដល់វគ្គផ្តាច់ព្រ័ត្រនេះ ក៏ទទួលបានរង្វាន់ពីស្រាបៀរកម្ពុជា នូវម៉ូតូ Dream 2105 ម្នាក់មួយគ្រឿង និងស្រាបៀរកម្ពុជា ២០ កេស ម្នាក់ ព្រមទាំងលុយ ម្នាក់ ១០០០ ដុល្លារ ផ្តល់ដោយអគ្គនាយកក្រុមហ៊ុនហង្សមាស៕
ចំណាប់អារម្មណ៍របស់សម្តេចនាយករដ្ឋមន្ត្រី និងសម្តេចជំទាវទី១ ខាងលើនេះ ត្រូវបានបញ្ជាក់តាមរយៈលោកខៀវកាញារីទ្ធ រដ្ឋមន្ត្រីក្រសួងព័ត៌មាន ដែលបានអញ្ជើញចូលរួមទស្សនាដោយផ្ទាល់ ជាមួយនឹងភរិយា ក្នុងការប្រឡងវគ្គផ្តាច់ព្រ័ត្រ នៃកម្មវិធី The Voice Cambodia កាលពីយប់ថ្ងៃទី១៦។
ក្នុងហ្វេសប៊ុក នាព្រលប់ថ្ងៃចន្ទ ទី១៧វិច្ឆិកា លោករដ្ឋមន្ត្រី ខៀវ កាញារីទ្ធ បានលើកឡើងថា "ព្រឹកមិញ នាយករដ្ឋមន្ត្រី និងលោកជំទាវធំ សួរថា នៅកម្មវិធី The Voice របស់ហង្សមាស យប់មិញ បោះអោយអ្នកណា ព្រោះឃើញចុចញាប់ដៃពីរនាក់ប្តីប្រពន្ធ? ឃើញថា លោកតាមមើលជាប់ដែរ ហើយលោកជំទាវធំសរសើរថា រើសនេះ ពិតជាត្រឹមត្រូវណាស់"។
ជាការកត់សម្គាល់ កម្មវិធីប្រឡងចំរៀង The Voice Cambodia រដូវកាលដំបូង របស់ស្ថានីយទូរទស្សន៍ ហង្សមាស បានចូលដល់វគ្គផ្តាច់ព្រ័ត្រ កាលពីយប់ថ្ងៃអាទិត្យ ទី១៦វិច្ឆិកា។ ប៊ុត សីហា ជាបេក្ខជន មកពីខេត្តកំពង់ស្ពឺ បានលើកពានរង្វាន់ The Voice Cambodia ព្រមទាំងប្រាក់រង្វាន់ ១០០ លានរៀល និងក្លាយជាអ្នកចម្រៀង ប្រចាំផលិតកម្មរស្មី ហង្សមាស ព្រមទាំងចូលជាសមាជិកអ្នកចម្រៀងរបស់កម្មវិធី The Voice ពិភពលោក។
លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងភរិយា បានចូលរួមទស្សនាផ្ទាល់ ហើយបានប្រគល់ពានរង្វាន់ ដល់បេក្ខជនជ័យលាភី ប៊ុត សីហា។
ប៊ុត សីហា ជាកូនក្រុមរបស់គ្រូបង្វឹកលោក ឆន សុវណ្ណរាជ។ សីហា បានទទួលការបោះឆ្នោតគាំទ្រច្រើនជាងគេ តាមទូរស័ព្ទពីទស្សនិកជន ថាជាអ្នកច្រៀងពិរោះជាងគេ ក្នុងចំណោមបេក្ខជនសរុបទាំង ៤ នាក់ នៅវគ្គផ្តាច់ព្រ័ត្រ កាលពីយប់មិញ។
ក្រៅពីពាន និងទឹកប្រាក់ ១០០ លានរៀល បេក្ខជនជ័យលាភី ប៊ុត សីហា ក៏ទទួលបានម៉ូតូ Dream 2105 មួយគ្រឿង និងស្រាបៀរកម្ពុជា ២០ កេស ពីក្រុមហ៊ុនស្រាបៀរកម្ពុជា។
ដោយឡែក បេក្ខជន ៣ នាក់ទៀត ដែលឈានមកដល់វគ្គផ្តាច់ព្រ័ត្រនេះ ក៏ទទួលបានរង្វាន់ពីស្រាបៀរកម្ពុជា នូវម៉ូតូ Dream 2105 ម្នាក់មួយគ្រឿង និងស្រាបៀរកម្ពុជា ២០ កេស ម្នាក់ ព្រមទាំងលុយ ម្នាក់ ១០០០ ដុល្លារ ផ្តល់ដោយអគ្គនាយកក្រុមហ៊ុនហង្សមាស៕
