មន្ត្រីស្និទ្ធនឹងនាយករដ្ឋមន្ត្រីរងការគំរាមសម្លាប់
មន្ត្រីជាន់ខ្ពស់ក្នុងអង្គភាពប្រឆាំងអំពើពុករលួយ ដែលគេស្គាល់ថា ជាទីប្រឹក្សានាយករដ្ឋមន្ត្រី អះអាងនៅថ្ងៃអាទិត្យនេះថា គាត់ត្រូវបានគេគំរាមសម្លាប់ជាច្រើនលើក ខណៈចុះបង្ក្រាបអ្នកប្រព្រឹត្តអំពើពុករលួយ។
ការអះអាងនេះ ធ្វើឡើងនៅពេលលោក ឆ្លើយតបទៅនឹងការចោទសួររបស់អ្នកវិភាគ ក្រុមនិស្សិត និងពលរដ្ឋប្រមាណ២០០នាក់ ដែលបានចូលរួមសិក្ខាសាលាពិគ្រោះយោបល់ស្តីពី «ការបញ្ចប់និទណ្ឌភាពនៅកម្ពុជា» ក្នុងសកលវិទ្យាល័យខេមរៈនៅព្រឹកថ្ងៃនេះ។
ប្រធានអង្គភាពប្រឆាំងអំពើពុករលួយ លោក ឱម យ៉ិនទៀង កាលពីកន្លងទៅ (រូបថត៖ ឡាយ សាមាន)
ប្រធានអង្គភាពប្រឆាំងអំពើពុករលួយ លោក ឱម យ៉ិនទៀង មានប្រសាសន៍ថា
លោកត្រូវបានជនមិនស្គាល់មុខគំរាមសម្លាប់ ២ដង
ដោយសារលោកបង្ក្រាបអ្នកប្រព្រឹត្តអំពើពុករលួយ។ លោកបញ្ជាក់ថា
ការគំរាមសម្លាប់នោះ គឺគេមិនសម្លាប់ដោយអាវុធទេ
ប៉ុន្តែគឺគេសម្លាប់ក្នុងរូបភាពគ្រោះថ្នាក់ចររាចរណ៍។ លោកថា
មានករណីគំរាមបោះគ្រឿងញៀនចូលរថយន្តរបស់ពួកលោក
បន្ទាប់ពីអង្គភាពនេះចាប់អ្នកប្រព្រឹត្តល្មើសផ្ទួនៗក្នុងរយៈពេល
ចុងក្រោយនេះ។
លោក ឱម យ៉ិនទៀង បន្ថែមថា ការចុះបង្ក្រាបអំពើពុករលួយនេះមិនងាយស្រួលនោះទេ ដោយសារអង្គភាពត្រូវការភស្តុតាងច្បាស់លាស់ច្រើន ដើម្បីអាចដាក់បន្ទុកលើអ្នកប្រព្រឹត្តល្មើស ព្រោះជនល្មើសមានប្រព័ន្ធតុលាកាការពារ។ លោកបន្ថែមថា ករណីប្រព្រឹត្តអំពើពុករលួយក្នុងវិស័យសុខាភិបាល កន្លងមក ដែលអង្គភាពតម្រូវឲ្យត្រឹមតែសងប្រាក់ទៅម្ចាស់ជំនួយវិញនោះ ដោយសារ ករណីនេះកើតឡើងមុនពេលច្បាប់ប្រឆាំងអំពើពុករលួយចូលជាធរមាន។
ប្រធានក្រុមអ្នកស្រាវជ្រាវការអភិវឌ្ឍន៍សង្គម លោក កែម ឡី បានសរសើរពីការបំពេញការងារ របស់អង្គភាពប្រឆាំងអំពើពុករលួយ។ តែលោកថា ប្រសិនបើសូម្បីតែប្រធានអង្គភាពប្រឆាំងអំពើពុករលួយ ជាមន្ត្រីជាន់ខ្ពស់រដ្ឋាភិបាល ក៏រងការគំរាមសម្លាប់ដែរនោះ មានន័យថា អំពើពុករលួយ និងនិទណ្ឌភាពនៅកម្ពុជាស្ថិតក្នុងសភាពធ្ងន់ធ្ងរណាស់៕ ប្រភព ៖ VOD
ការអះអាងនេះ ធ្វើឡើងនៅពេលលោក ឆ្លើយតបទៅនឹងការចោទសួររបស់អ្នកវិភាគ ក្រុមនិស្សិត និងពលរដ្ឋប្រមាណ២០០នាក់ ដែលបានចូលរួមសិក្ខាសាលាពិគ្រោះយោបល់ស្តីពី «ការបញ្ចប់និទណ្ឌភាពនៅកម្ពុជា» ក្នុងសកលវិទ្យាល័យខេមរៈនៅព្រឹកថ្ងៃនេះ។
ប្រធានអង្គភាពប្រឆាំងអំពើពុករលួយ លោក ឱម យ៉ិនទៀង កាលពីកន្លងទៅ (រូបថត៖ ឡាយ សាមាន)
លោក ឱម យ៉ិនទៀង បន្ថែមថា ការចុះបង្ក្រាបអំពើពុករលួយនេះមិនងាយស្រួលនោះទេ ដោយសារអង្គភាពត្រូវការភស្តុតាងច្បាស់លាស់ច្រើន ដើម្បីអាចដាក់បន្ទុកលើអ្នកប្រព្រឹត្តល្មើស ព្រោះជនល្មើសមានប្រព័ន្ធតុលាកាការពារ។ លោកបន្ថែមថា ករណីប្រព្រឹត្តអំពើពុករលួយក្នុងវិស័យសុខាភិបាល កន្លងមក ដែលអង្គភាពតម្រូវឲ្យត្រឹមតែសងប្រាក់ទៅម្ចាស់ជំនួយវិញនោះ ដោយសារ ករណីនេះកើតឡើងមុនពេលច្បាប់ប្រឆាំងអំពើពុករលួយចូលជាធរមាន។
ប្រធានក្រុមអ្នកស្រាវជ្រាវការអភិវឌ្ឍន៍សង្គម លោក កែម ឡី បានសរសើរពីការបំពេញការងារ របស់អង្គភាពប្រឆាំងអំពើពុករលួយ។ តែលោកថា ប្រសិនបើសូម្បីតែប្រធានអង្គភាពប្រឆាំងអំពើពុករលួយ ជាមន្ត្រីជាន់ខ្ពស់រដ្ឋាភិបាល ក៏រងការគំរាមសម្លាប់ដែរនោះ មានន័យថា អំពើពុករលួយ និងនិទណ្ឌភាពនៅកម្ពុជាស្ថិតក្នុងសភាពធ្ងន់ធ្ងរណាស់៕ ប្រភព ៖ VOD
