Zwipe ផលិត MasterCard ស្កេនក្រយៅដៃដ៏មានសុវត្ថិភាពបំផុត
ព្រួយបារម្ភរឿងមានអ្នកបន្លំលួចដកប្រាក់ដោយប្រើ MasterCard របស់អ្នកមែនទេ? អស់កង្វល់ហើយ ព្រោះពេលនេះ ក្រុមហ៊ុន Zwipe របស់ន័រវែសបានផលិត MasterCard ថ្មីមានសុវត្ថិភាពខ្ពស់ដោយប្រើក្រយៅដៃស្កេនដើម្បីប្រើប្រាស់បាន។
MasterCard ដែលមានបង្កប់ Fingerprint Sensor
MasterCard ថ្មីនេះគឺជា Credit Card ដំបូងគេដែលមានបំពាក់ Fingerprint Sensor នៅពីក្នុងសម្រាប់សម្គាល់អ្នកប្រើប្រាស់យ៉ាងមានសុវត្ថិភាព។ សម្រាប់ ដំណើរការដកប្រាក់ អ្នកប្រើប្រាស់គ្រាន់តែធានាឲ្យច្បាស់ថា ខ្លួនបានដាក់ម្រាមដៃត្រឹមត្រូវនៅលើម៉ាស៊ីនស្កេន Biometric Sensor។ ហើយបន្ទាប់ពីស្កេនច្បាស់ថា អ្នកជាម្ចាស់ប្រាកដហើយ អ្នកអាចប្រើប្រាស់សេវាកម្មដែលខ្លួនចង់ប្រើតាមការគួរ។ ក្នុងករណីអ្នកបាត់ ឬមាននរណាម្នាក់លួចយក MasterCard គឺគេមិនអាចដកប្រាក់ចេញទេ ព្រោះក្រយៅដៃខុសគ្នាមិនអាចឲ្យកាតនេះដំណើរការបានឡើយ។
ឧបករណ៍ស្កេនក្រយៅដៃដើម្បីផ្ទៀងផ្ទាត់នឹង MasterCard
ក្រុមហ៊ុនខាងលើបានសិក្សាលើការបង្កើតនេះតាំងពីឆ្នាំ ២០០៩ មកម្ល៉េះ ហើយគេសង្ឃឹមថា វាអាចនឹងដាក់ដំណើរការនៅឆ្នាំ ២០១៥ ខាងមុខ៕
