Huawei លក់ទូរសព្ទបំបែក ឯតទគ្គកម្មនៅកម្ពុជា
ក្នុងរយៈពេល ៧ ខែ ឆ្នាំ ២០១៤ នេះ ការលក់ទូរសព្ទ Huawei នៅកម្ពុជាកើនឡើង ២៥០ ភាគរយពោលជាឯតទគ្គកម្មថ្មី និងឈានដល់គោលដៅលក់របស់ខ្លួនសម្រាប់ឆ្នាំនេះ។ នេះបើតាមការប្រកាសពីក្រុមហ៊ុន Huawei ប្រចាំនៅកម្ពុជា។
ក្រុមហ៊ុន Huawei បានឲ្យដឹងថា សន្ទុះលក់ទូរសព្ទ Huawei មានការកើនឡើងខ្លាំងនៅឆ្នាំនេះ បន្ទាប់ពីក្រុមហ៊ុនបានបញ្ចេញលក់ទូរសព្ទស៊េរីថ្មីៗជាបន្តបន្ទាប់ ដែលប្រកបដោយបច្ចេកវិទ្យាខ្ពស់និងតម្លៃសមរម្យ។
ក្នុងឆ្នាំ ២០១៤ ក្រុមហ៊ុន Huawei បានបង្កើតហាងដៃគូចំនួន ៣៥០ កន្លែង នៅទូទាំងប្រទេសកម្ពុជា ដែលចំនួននេះច្រើនជាង ៥ ដង នៃហាងដែលក្រុមហ៊ុននេះមាននៅក្នុងរយៈពេលដូចគ្នាកាលពីឆ្នាំមុនដែលមានត្រឹមតែ ៧០ ហាងប៉ុណ្ណោះនៅទូទាំងប្រទេស។
ក្រុមហ៊ុន Huawei បានឲ្យដឹងថា ការពង្រីកហាងជាដៃគូនៅទូទាំងប្រទេសកាន់តែច្រើន ជាចំណែកដ៏ធំដែលបានជួយជំរុញការលក់ទូរសព្ទ Huawei មានការកើនឡើងហួសការរំពឹងទុក។
អត្ថបទ៖ ប៊ុណ្ណារ៉ា
