យុវជន៣នាក់របស់ បក្សសង្គ្រោះជាតិត្រូវ តុលាការកោះហៅ ឲ្យចូលបំភ្លឺជាថ្មី
ក្រុម
យុវជនគណបក្សសង្គ្រោះជាតិ ៣នាក់
ដែលទើបនឹងដោះលែងឲ្យនៅក្រៅឃុំបណ្ដោះអាសន្នកាលពីថ្ងៃទី២២ សីហា
កន្លងទៅនោះ ត្រូវសាលាដំបូងរាជធានីភ្នំពេញ
ចេញដីកាកោះហៅទៅសាកសួរជាថ្មីទៀត នៅចុងខែកញ្ញា នេះ
និងនៅដើមខែតុលា ខាងមុខ។
ក្រុមយុវជនគណបក្សសង្គ្រោះជាតិ
បានចាត់ទុកការចេញដីកាកោះហៅសាកសួរពួកគេជាថ្មីនេះ
គឺជាការដាក់សម្ពាធផ្នែកនយោបាយទៅលើសិទ្ធិសេរីភាពបញ្ចេញមតិ
និងជាការរំខានដល់ពួកគេ។
យុវជនទាំងបីនាក់នោះមានឈ្មោះ សាន គឹមហេង នាង សុឃុន និងឃិន ជំរឿន។ អ្នកទាំងបី ត្រូវតុលាការចាប់ដាក់ពន្ធនាគារបណ្ដោះអាសន្នម្តងរួចមកហើយ កាលពីដើមខែសីហា កន្លងទៅ ហើយមេធាវីប្ដឹងឧទ្ធរណ៍សុំនៅក្រៅឃុំ ហើយចុងបញ្ចប់ សាលាឧទ្ធរណ៍ក៏សម្រេចដោះលែងពួកគេនោះវិញកាលពីថ្ងៃទី២២ សីហា។
យុវជន សាន គឹមហេង ដែលទទួលបានដីកាកាលពីថ្ងៃទី៥ កញ្ញា ឲ្យដឹងថា ដីកានោះចេញដោយចៅក្រមស៊ើបសួរនៃសាលាដំបូងរាជធានីភ្នំពេញ លោក កែវ មុនី ឲ្យចូលទៅបំភ្លឺលើបទចោទដដែល គឺចូលរួមធ្វើកុបកម្មប្រឆាំងអាជ្ញាធរមានសមត្ថកិច្ច នៅតំបន់ស្ពាននាគកាលពីថ្ងៃទី១៥ កក្កដា ឆ្នាំ២០១៤។
លោក សាន គឹមហេង បន្តថា នេះគ្រាន់តែជារូបភាពនយោបាយ ដើម្បីដាក់សម្ពាធទៅក្រុមយុវជនកុំឲ្យចេញមុខតវ៉ា ឬតស៊ូមតិលើបញ្ហាអ្វីមួយនៅក្នុងសង្គម ហើយលោកមិនគិតថា នឹងមានការចាប់ខ្លួនរូបលោកទៀតទេ៖ «ព្រោះអីកាលនៅសាលាឧទ្ធរណ៍ មុននឹងគេដោះលែងពួកខ្ញុំ គេមានលក្ខខណ្ឌ៤ មិនឲ្យចេញក្រៅប្រទេស និងបង្កហេតុផ្សេងៗ ហើយពួកខ្ញុំអត់មានធ្វើឲ្យប៉ះពាល់ដល់លក្ខខណ្ឌទាំងអស់ហ្នឹងទេ អ៊ីចឹងខ្ញុំគិតថាមិនអីទេ»។
ចំណែកយុវជនពីរនាក់ផ្សេងទៀត គឺលោក នាង សុឃុន និងលោក ឃិន ជំរឿន បានឲ្យដឹងថា រហូតមកដល់ពេលនេះ ពួកគាត់មិនទាន់បានទទួលដីកាផ្ទាល់ដៃនៅឡើយទេ ប៉ុន្តែមេធាវីរបស់ពួកគេបញ្ជាក់ថា គាត់បានឃើញមានដីកានោះហើយ គឺ ឃិន ជំរឿន ត្រូវចូលទៅបំភ្លឺនៅព្រឹកថ្ងៃទី៣០ កញ្ញា សាន គឹមហេង ត្រូវចូលទៅបំភ្លឺនៅថ្ងៃទី១ តុលា និង នាង សុឃុន ចូលទៅនៅថ្ងៃទី២ តុលា ខាងមុខនេះ។
លោក នាង សុឃុន បង្ហាញទស្សនៈថា នេះជាការរំខានពីអ្នកនយោបាយដែលមិនចង់ឲ្យយុវជនចេញមុខជួយតវ៉ា ដើម្បីការពារផលប្រយោជន៍ជាតិ ផលប្រយោជន៍សង្គម៖ «ប៉ុន្តែខ្ញុំគិត ឃើញថា ការចូលទៅបំភ្លឺ មើលទៅតុលាការអត់មានសួរអីច្រើនទេ ហើយបំភ្លឺអីបើខ្លួនខ្ញុំអត់មានធ្វើអីខុសដូចតុលាការចោទប្រកាន់ នោះផង ហើយគាត់អត់មានភស្តុតាងអីដែលត្រូវដាក់បន្ទុកខ្ញុំផង ហើយគាត់ត្រូវសួរអី គាត់សួរដដែលៗ អ៊ីចឹងមានន័យថា តុលាការកំពុងធ្វើការអុកឡុកចំពោះយុវជន»។
ទាក់ទងបញ្ហានេះដែរ មន្ត្រីសិទ្ធិមនុស្សនៃអង្គការលីកាដូ (Licadho) លោក អំ សំអាត ក៏បានបង្ហាញឲ្យឃើញស្រដៀងគ្នានេះដែរ ដោយសារការចោទប្រកាន់កន្លងមកមិនមានភស្តុតាងជាក់ស្តែង ដើម្បីដាក់បន្ទុក ឬចោទប្រកាន់នោះឡើយ ហើយស្របពេលគ្នានោះដែរ លោកថា ខាងសង្គមស៊ីវិលក៏បានទទូចសុំឲ្យតុលាការបញ្ឈប់ចេញដីកាកោះហៅ និងទម្លាក់ចោលរាល់ការចោទប្រកាន់ទាំងឡាយមកលើក្រុមយុវជននោះបន្ត ទៀត៖ «ពីព្រោះជៀសវាងយើងមិនចង់ឲ្យមានការបន្ទោសទៅលើតុលាការ ថាអ្នកនយោបាយប្រើប្រាស់តុលាការជាឧបករណ៍នយោបាយ ដើម្បីបម្រើផលប្រយោជន៍ផ្នែកនយោបាយនោះទេ។ អ៊ីចឹងទាក់ទងនឹងការកោះហៅនេះ យើងឃើញម្តងហើយម្តងហើយម្តងទៀត អស់ពីឲ្យនៅក្រៅឃុំ ហើយកោះហៅបន្តទៀត វាជាផ្នែកមួយនៃការគំរាមកំហែង ជាការរំខានយាយីដល់ពួកគាត់ណា»។
ប៉ុន្តែ ខាងរដ្ឋាភិបាលវិញ មន្ត្រីអ្នកនាំពាក្យនៃទីស្ដីការគណៈរដ្ឋមន្ត្រី លោក ផៃ ស៊ីផាន មានប្រសាសន៍ថា រឿងនេះមិនជាប់ពាក់ព័ន្ធនឹងរឿងនយោបាយ ហើយក៏មិនពាក់ព័ន្ធនឹងរដ្ឋាភិបាលនោះទេ ផ្ទុយទៅវិញវាជានីតិវិធីរបស់តុលាការ៖ «ខ្ញុំមិនឲ្យតម្លៃនៃការ លើកឡើងនោះទេ ប៉ុន្តែគួរតែមេធាវីរបស់ពួកគេលើកឡើងវិញល្អជាង ថាតើនីតិវិធីនៃការកោះហៅហ្នឹងជាការឆ្លើយតបនឹងអ្វីដែលបានចែង ក្នុងច្បាប់ដែរឬទេ? ចំពោះអ្នកអ្នកនយោបាយ ខ្ញុំមិនចង់ឲ្យរឿងហ្នឹងក្លាយជាបរិបទនយោបាយទេ ចង់ឲ្យតុលាការច្បាស់ជាតុលាការ»។
យ៉ាងណាក៏ដោយចុះ លោក អំ សំអាត មានប្រសាសន៍ថា តាមការសង្កេតជាទូទៅឃើញថា របត់នយោបាយ និងសកម្មភាព ឬនីតិវិធីរបស់តុលាការកន្លងមក ហាក់រត់តាមទំនោររបស់អ្នកនយោបាយ។ លោកបន្តថា យ៉ាងណាក៏ដោយ ក៏មិនគួរយកនីតិវិធីរបស់តុលាការ ធ្វើជាលេសក្នុងការបម្រើឲ្យផលប្រយោជន៍គណបក្សនយោបាយមួយណានោះទេ។
ក្រៅពីយុវជនបីនាក់នេះ សាលាដំបូងរាជធានីភ្នំពេញ ក៏ធ្លាប់កោះហៅសកម្មជនបក្សសង្គ្រោះជាតិ ៥នាក់ ឲ្យចូលខ្លួនបំភ្លឺទាក់ទងរឿងប្រើអំពើហិង្សានៅទីលានប្រជាធិបតេយ្យ កាលពីថ្ងៃទី១៥ កក្កដា នោះដែរ កាលពីចុងខែសីហា ប៉ុន្តែមិនមានការចាប់ឃាត់ខ្លួនទេ ដោយគ្រាន់តែសម្រេចដាក់អោយស្ថិតនៅក្រោមការតាមដានរបស់តុលាការ បន្ទាប់ពីធ្វើការសាកសួររួច៕
ប្រភពពី វិទ្យុអាស៊ីសេរី
ក្រុមយុវជនគណបក្សសង្គ្រោះជាតិ
បានចាត់ទុកការចេញដីកាកោះហៅសាកសួរពួកគេជាថ្មីនេះ
គឺជាការដាក់សម្ពាធផ្នែកនយោបាយទៅលើសិទ្ធិសេរីភាពបញ្ចេញមតិ
និងជាការរំខានដល់ពួកគេ។យុវជនទាំងបីនាក់នោះមានឈ្មោះ សាន គឹមហេង នាង សុឃុន និងឃិន ជំរឿន។ អ្នកទាំងបី ត្រូវតុលាការចាប់ដាក់ពន្ធនាគារបណ្ដោះអាសន្នម្តងរួចមកហើយ កាលពីដើមខែសីហា កន្លងទៅ ហើយមេធាវីប្ដឹងឧទ្ធរណ៍សុំនៅក្រៅឃុំ ហើយចុងបញ្ចប់ សាលាឧទ្ធរណ៍ក៏សម្រេចដោះលែងពួកគេនោះវិញកាលពីថ្ងៃទី២២ សីហា។
យុវជន សាន គឹមហេង ដែលទទួលបានដីកាកាលពីថ្ងៃទី៥ កញ្ញា ឲ្យដឹងថា ដីកានោះចេញដោយចៅក្រមស៊ើបសួរនៃសាលាដំបូងរាជធានីភ្នំពេញ លោក កែវ មុនី ឲ្យចូលទៅបំភ្លឺលើបទចោទដដែល គឺចូលរួមធ្វើកុបកម្មប្រឆាំងអាជ្ញាធរមានសមត្ថកិច្ច នៅតំបន់ស្ពាននាគកាលពីថ្ងៃទី១៥ កក្កដា ឆ្នាំ២០១៤។
លោក សាន គឹមហេង បន្តថា នេះគ្រាន់តែជារូបភាពនយោបាយ ដើម្បីដាក់សម្ពាធទៅក្រុមយុវជនកុំឲ្យចេញមុខតវ៉ា ឬតស៊ូមតិលើបញ្ហាអ្វីមួយនៅក្នុងសង្គម ហើយលោកមិនគិតថា នឹងមានការចាប់ខ្លួនរូបលោកទៀតទេ៖ «ព្រោះអីកាលនៅសាលាឧទ្ធរណ៍ មុននឹងគេដោះលែងពួកខ្ញុំ គេមានលក្ខខណ្ឌ៤ មិនឲ្យចេញក្រៅប្រទេស និងបង្កហេតុផ្សេងៗ ហើយពួកខ្ញុំអត់មានធ្វើឲ្យប៉ះពាល់ដល់លក្ខខណ្ឌទាំងអស់ហ្នឹងទេ អ៊ីចឹងខ្ញុំគិតថាមិនអីទេ»។
ចំណែកយុវជនពីរនាក់ផ្សេងទៀត គឺលោក នាង សុឃុន និងលោក ឃិន ជំរឿន បានឲ្យដឹងថា រហូតមកដល់ពេលនេះ ពួកគាត់មិនទាន់បានទទួលដីកាផ្ទាល់ដៃនៅឡើយទេ ប៉ុន្តែមេធាវីរបស់ពួកគេបញ្ជាក់ថា គាត់បានឃើញមានដីកានោះហើយ គឺ ឃិន ជំរឿន ត្រូវចូលទៅបំភ្លឺនៅព្រឹកថ្ងៃទី៣០ កញ្ញា សាន គឹមហេង ត្រូវចូលទៅបំភ្លឺនៅថ្ងៃទី១ តុលា និង នាង សុឃុន ចូលទៅនៅថ្ងៃទី២ តុលា ខាងមុខនេះ។
លោក នាង សុឃុន បង្ហាញទស្សនៈថា នេះជាការរំខានពីអ្នកនយោបាយដែលមិនចង់ឲ្យយុវជនចេញមុខជួយតវ៉ា ដើម្បីការពារផលប្រយោជន៍ជាតិ ផលប្រយោជន៍សង្គម៖ «ប៉ុន្តែខ្ញុំគិត ឃើញថា ការចូលទៅបំភ្លឺ មើលទៅតុលាការអត់មានសួរអីច្រើនទេ ហើយបំភ្លឺអីបើខ្លួនខ្ញុំអត់មានធ្វើអីខុសដូចតុលាការចោទប្រកាន់ នោះផង ហើយគាត់អត់មានភស្តុតាងអីដែលត្រូវដាក់បន្ទុកខ្ញុំផង ហើយគាត់ត្រូវសួរអី គាត់សួរដដែលៗ អ៊ីចឹងមានន័យថា តុលាការកំពុងធ្វើការអុកឡុកចំពោះយុវជន»។
ទាក់ទងបញ្ហានេះដែរ មន្ត្រីសិទ្ធិមនុស្សនៃអង្គការលីកាដូ (Licadho) លោក អំ សំអាត ក៏បានបង្ហាញឲ្យឃើញស្រដៀងគ្នានេះដែរ ដោយសារការចោទប្រកាន់កន្លងមកមិនមានភស្តុតាងជាក់ស្តែង ដើម្បីដាក់បន្ទុក ឬចោទប្រកាន់នោះឡើយ ហើយស្របពេលគ្នានោះដែរ លោកថា ខាងសង្គមស៊ីវិលក៏បានទទូចសុំឲ្យតុលាការបញ្ឈប់ចេញដីកាកោះហៅ និងទម្លាក់ចោលរាល់ការចោទប្រកាន់ទាំងឡាយមកលើក្រុមយុវជននោះបន្ត ទៀត៖ «ពីព្រោះជៀសវាងយើងមិនចង់ឲ្យមានការបន្ទោសទៅលើតុលាការ ថាអ្នកនយោបាយប្រើប្រាស់តុលាការជាឧបករណ៍នយោបាយ ដើម្បីបម្រើផលប្រយោជន៍ផ្នែកនយោបាយនោះទេ។ អ៊ីចឹងទាក់ទងនឹងការកោះហៅនេះ យើងឃើញម្តងហើយម្តងហើយម្តងទៀត អស់ពីឲ្យនៅក្រៅឃុំ ហើយកោះហៅបន្តទៀត វាជាផ្នែកមួយនៃការគំរាមកំហែង ជាការរំខានយាយីដល់ពួកគាត់ណា»។
ប៉ុន្តែ ខាងរដ្ឋាភិបាលវិញ មន្ត្រីអ្នកនាំពាក្យនៃទីស្ដីការគណៈរដ្ឋមន្ត្រី លោក ផៃ ស៊ីផាន មានប្រសាសន៍ថា រឿងនេះមិនជាប់ពាក់ព័ន្ធនឹងរឿងនយោបាយ ហើយក៏មិនពាក់ព័ន្ធនឹងរដ្ឋាភិបាលនោះទេ ផ្ទុយទៅវិញវាជានីតិវិធីរបស់តុលាការ៖ «ខ្ញុំមិនឲ្យតម្លៃនៃការ លើកឡើងនោះទេ ប៉ុន្តែគួរតែមេធាវីរបស់ពួកគេលើកឡើងវិញល្អជាង ថាតើនីតិវិធីនៃការកោះហៅហ្នឹងជាការឆ្លើយតបនឹងអ្វីដែលបានចែង ក្នុងច្បាប់ដែរឬទេ? ចំពោះអ្នកអ្នកនយោបាយ ខ្ញុំមិនចង់ឲ្យរឿងហ្នឹងក្លាយជាបរិបទនយោបាយទេ ចង់ឲ្យតុលាការច្បាស់ជាតុលាការ»។
យ៉ាងណាក៏ដោយចុះ លោក អំ សំអាត មានប្រសាសន៍ថា តាមការសង្កេតជាទូទៅឃើញថា របត់នយោបាយ និងសកម្មភាព ឬនីតិវិធីរបស់តុលាការកន្លងមក ហាក់រត់តាមទំនោររបស់អ្នកនយោបាយ។ លោកបន្តថា យ៉ាងណាក៏ដោយ ក៏មិនគួរយកនីតិវិធីរបស់តុលាការ ធ្វើជាលេសក្នុងការបម្រើឲ្យផលប្រយោជន៍គណបក្សនយោបាយមួយណានោះទេ។
ក្រៅពីយុវជនបីនាក់នេះ សាលាដំបូងរាជធានីភ្នំពេញ ក៏ធ្លាប់កោះហៅសកម្មជនបក្សសង្គ្រោះជាតិ ៥នាក់ ឲ្យចូលខ្លួនបំភ្លឺទាក់ទងរឿងប្រើអំពើហិង្សានៅទីលានប្រជាធិបតេយ្យ កាលពីថ្ងៃទី១៥ កក្កដា នោះដែរ កាលពីចុងខែសីហា ប៉ុន្តែមិនមានការចាប់ឃាត់ខ្លួនទេ ដោយគ្រាន់តែសម្រេចដាក់អោយស្ថិតនៅក្រោមការតាមដានរបស់តុលាការ បន្ទាប់ពីធ្វើការសាកសួររួច៕
ប្រភពពី វិទ្យុអាស៊ីសេរី
