ក្រុមចោរគាស់ផ្ទះ ភ្ជង់ចាប់ប្រពន្ធចង គម្រាមប្លន់ យកមាសប្រាក់អស់ ជិត២ម៉ឺនដុល្លារ
បាត់ដំបង: ក្រុមចោរគាស់ផ្ទះមានគ្នា ២ នាក់ប្រដាប់ដោយកាំភ្លើងខ្លីមួយដើម បានភ្ជង់គម្រាបស្ត្រីជាប្រពន្ធម្ចាស់ផ្ទះរងគ្រោះ ខណៈដែលស្ត្រីម្ចាស់ផ្ទះត្រឡប់មកពីទិញម្ហូបវិញ ហើយចូលទៅទាន់ក្រុមចោរកំពុងតែរើរុះឥវ៉ានក្នុងផ្ទះ ប្លន់យកមាសប្រាក់អស់ជិត ២ ម៉ឺនដុល្លារ ហើយគេចខ្លួនបាត់។
ហេតុការណ៍ក្រុមចោរគាស់ផ្ទះប្លន់យកមាសប្រាក់នេះ បានកើតឡើងកាលពីវេលាម៉ោង៨និង៣០នាទីព្រឹកថ្ងៃទី១៨ខែកញ្ញាឆ្នាំ២០១៤ នៅចំណុចផ្ទះមួយកន្លែងស្ថិតក្នុងក្រុមទី៣ភូមិពពាលខែឃុំអូរតាគីស្រុកថ្មគោលខេត្តបាត់ដំបង។
លោកហៀង ប៊ុនថា អធិការងប៉ូលិសស្រុកថ្មគោល បានឲ្យដឹងថា ម្ចាស់ផ្ទះរងគ្រោះដែលក្រុមចោរគាស់ទ្វារផ្ទះចូលទៅរើរុះឥវ៉ាន់ប្លន់យកមាសប្រាក់អស់ឈ្មោះគី គិត អាយុ៦១ឆ្នាំ ជាប្ដី និងប្រពន្ធឈ្មោះលឿង ឃិញ អាយុ៦១ឆ្នាំ (នៅក្នុងផ្ទះតែ២នាក់ចាស់ៗមានជំងឺជរាមិនទៀងទាត់) រស់នៅក្នុងភូមិកើតហេតុខាងលើ មានកូន៣នាក់ តែមិនបាននៅជាមួយទេ គឺទៅរៀនសូត្រនៅភ្នំពេញនិងបែកផ្ទះ។
លោកបានបញ្ជាក់ថា ក្រុមចោរមានគ្នា ២ នាក់ប្រដាប់ដោយកាំភ្លើងខ្លីមួយដើម បានគាស់បំបាក់ទំពក់ក្រវិលចាក់សោរម្ខាង បើកទ្វារចូល
ទៅគាស់កាត់សោរទូរខាងក្នុងផ្ទះរើរុះយកខ្សែដៃខ្សែកមាសចិញ្ជៀនពេជ្រ និងប្រាក់កាស ព្រមទាំងភ្ជង់ចាប់គម្រាមស្ត្រីជាប្រពន្ធម្ចាស់ផ្ទះ ចងផ្ដាច់យកខ្សែករពាក់ជាប់នៅនិងខ្លួនទៀត។ ប៉ុន្តែក្នុងករណីនេះ ពុំមានមនុស្សណាម្នាក់រងរបួសនោះទេ។
ស្ត្រីម្ចាស់ផ្ទះឈ្មោះលឿង ឃិញ អាយុ៦០ឆ្នាំ បានរៀបរាប់ប្រាប់សមត្ថកិច្ចថា ក្រុមចោរគាស់ផ្ទះមានគ្នា២នាក់ប្រដាប់ដោយកាំភ្លើងខ្លីមួយដើម (មិនស្គាល់ម៉ាកទេ)។ នៅប្រហែលម៉ោងជាង៧ព្រឹកថ្ងៃទី១៨ខែកញ្ញានោះ គឺគាត់និងប្ដីបាននាំគ្នាទៅផ្សារទិញម្ហូប ហើយត្រឡប់មកផ្ទះដល់វិញប្រហែលម៉ោងជាង៨ព្រឹក។ ប៉ុន្តែពេលត្រឡប់មកពីផ្សារនោះ គឺគាត់និងប្ដីបានជិះឡានមកវិញជាមួយគ្នា ហើយប្ដីគាត់បានឈប់ឲ្យគាត់ចុះនៅឯថ្នល់ជាតិរួចគាត់ (ប្ដី) បានបើកឡានយកទៅលាងនៅចម្ងាយពីផ្ទះប្រហែល៥០០ម៉ែត្រ។ ចំណែកគាត់ (ប្រពន្ធ) បានដើរចូលទៅផ្ទះ។ ពេលបើកទ្វារចូលទៅដល់ក្នុងផ្ទះ ស្រាប់តែប្រទះឃើញមនុស្សប្រុស២នាក់នៅក្នុងផ្ទះជាស្រាច់។ ពេលនោះពួកចោរបានស្ទុះចេញមកដកកាំភ្លើងខ្លីភ្ជង់គាត់ ដោយគម្រាមបាញ់សម្លាប់។ ភ្លាមនោះគាត់បានអង្វរពួកចោរ យកអ្វីយកទៅសុំទុកជីវិតកុំសម្លាប់។ ពេលនោះពួកចោរបានចាប់គាត់ចងស្លាបសេកទាំងដៃនិងជើងឲ្យដេកផ្កាប់មុខ ហើយគ្នាវាម្នាក់បានទាញផ្ដាច់ខ្សែកមាស់ទម្ងន់២ដំឡឹង បណ្ដោងពេជ្រមួយ។ ស្ត្រីរងគ្រោះបានប្រាប់សមត្ថកិច្ចថា នៅក្នុងទូរគឺមានប្រាក់ខ្មែរប្រាក់ដុល្លារខ្សែដៃមាសមួយខ្សែទម្ងន់មួយដំឡឹងគិតជាប្រាក់អស់ប្រមាណជិត ២ ម៉ឺនដុល្លារ។
ទៅគាស់កាត់សោរទូរខាងក្នុងផ្ទះរើរុះយកខ្សែដៃខ្សែកមាសចិញ្ជៀនពេជ្រ និងប្រាក់កាស ព្រមទាំងភ្ជង់ចាប់គម្រាមស្ត្រីជាប្រពន្ធម្ចាស់ផ្ទះ ចងផ្ដាច់យកខ្សែករពាក់ជាប់នៅនិងខ្លួនទៀត។ ប៉ុន្តែក្នុងករណីនេះ ពុំមានមនុស្សណាម្នាក់រងរបួសនោះទេ។
ស្ត្រីម្ចាស់ផ្ទះឈ្មោះលឿង ឃិញ អាយុ៦០ឆ្នាំ បានរៀបរាប់ប្រាប់សមត្ថកិច្ចថា ក្រុមចោរគាស់ផ្ទះមានគ្នា២នាក់ប្រដាប់ដោយកាំភ្លើងខ្លីមួយដើម (មិនស្គាល់ម៉ាកទេ)។ នៅប្រហែលម៉ោងជាង៧ព្រឹកថ្ងៃទី១៨ខែកញ្ញានោះ គឺគាត់និងប្ដីបាននាំគ្នាទៅផ្សារទិញម្ហូប ហើយត្រឡប់មកផ្ទះដល់វិញប្រហែលម៉ោងជាង៨ព្រឹក។ ប៉ុន្តែពេលត្រឡប់មកពីផ្សារនោះ គឺគាត់និងប្ដីបានជិះឡានមកវិញជាមួយគ្នា ហើយប្ដីគាត់បានឈប់ឲ្យគាត់ចុះនៅឯថ្នល់ជាតិរួចគាត់ (ប្ដី) បានបើកឡានយកទៅលាងនៅចម្ងាយពីផ្ទះប្រហែល៥០០ម៉ែត្រ។ ចំណែកគាត់ (ប្រពន្ធ) បានដើរចូលទៅផ្ទះ។ ពេលបើកទ្វារចូលទៅដល់ក្នុងផ្ទះ ស្រាប់តែប្រទះឃើញមនុស្សប្រុស២នាក់នៅក្នុងផ្ទះជាស្រាច់។ ពេលនោះពួកចោរបានស្ទុះចេញមកដកកាំភ្លើងខ្លីភ្ជង់គាត់ ដោយគម្រាមបាញ់សម្លាប់។ ភ្លាមនោះគាត់បានអង្វរពួកចោរ យកអ្វីយកទៅសុំទុកជីវិតកុំសម្លាប់។ ពេលនោះពួកចោរបានចាប់គាត់ចងស្លាបសេកទាំងដៃនិងជើងឲ្យដេកផ្កាប់មុខ ហើយគ្នាវាម្នាក់បានទាញផ្ដាច់ខ្សែកមាស់ទម្ងន់២ដំឡឹង បណ្ដោងពេជ្រមួយ។ ស្ត្រីរងគ្រោះបានប្រាប់សមត្ថកិច្ចថា នៅក្នុងទូរគឺមានប្រាក់ខ្មែរប្រាក់ដុល្លារខ្សែដៃមាសមួយខ្សែទម្ងន់មួយដំឡឹងគិតជាប្រាក់អស់ប្រមាណជិត ២ ម៉ឺនដុល្លារ។
លោកឡាច ប្រុស នាយការិយាល័យស្រាវជ្រាវបទល្មើសព្រហ្មទណ្ឌអាវុធហត្ថខេត្តបាត់ដំបង បានឲ្យដឹងថា ករណីនេះសមត្ថកិច្ចកំពុងស្រាវជ្រាវកំណត់មុខសញ្ញា តាមពន្លឺសង្ស័យ ដើម្បីឈានទៅឃាត់ខ្លួនមុខសញ្ញាយកមកផ្ដន្ទាទោសទៅតាមច្បាប់៕L
ប្រភពពី CEN
