ចាប់បានឃាតក សម្លាប់ស្ដ្រីមេម៉ាយ បែរជាជនសង្ស័យឆ្លើយ ថាព្រោះស្ដ្រីរងគ្រោះ បង្ខំឱ្យរួមរ័ក
ខេត្ដឧត្ដរមានជ័យ ៖ សមត្ថកិច្ចនគរបាលក្រុងសំរោងសហការជាមួយនគរ
បាលយុត្ដិធម៌នៃស្នងការដ្ឋាននគរបាល
ខេត្ដឧត្ដរមានជ័យបានឃាត់ខ្លួនជនសង្ស័យ
ម្នាក់បន្ទាប់ពីមានករណីប្រទះឃើញ
សាកសពស្ដ្រីមេម៉ាយម្នាក់ស្លាប់អាក្រាត
កាយនៅតាមបណ្ដោយផ្លូវលំក្នុងភូមិ តែជនសង្ស័យជាឃាតកបានបញ្ជាក់ថា
មិនមែនជាករណីឃាតកម្មទេ ប៉ុន្ដែជា
រឿងស្ដ្រីរងគ្រោះបង្ខំជនសង្ស័យឱ្យរួមរ័កជាមួយ។
ហេតុការណ៍ប្រទះឃើញសាកសព
ស្ដ្រីរងគ្រោះបានបង្កការភ្ញាក់កាលពីព្រឹកថ្ងៃទី២ ខែកញ្ញា
ឆ្នាំ២០១៤ នៅចំណុច តាមបណ្ដោយផ្លូវលំក្រួសក្រហមមួយ
ស្ថិតក្នុងភូមិដូនកែន សង្កាត់សំរោង ក្រុងសំរោង ខេត្ដឧត្ដរមានជ័យ
។
ក្រោយមានការភ្ញាក់ផ្អើលសមត្ថកិច្ចបានបើកការស្រាវជ្រាវរហូតឈានដល់
ឃាត់ខ្លួនជនសង្ស័យម្នាក់នៅវេលាម៉ោងជាង១១ព្រឹកថ្ងៃដដែល ។
មន្ដ្រីនគរបាលក្រុងសំរោងបាននិយាយ
ឱ្យដឹងថា ក្រោយមានសេចក្ដីរាយការណ៍
ពីករណីប្រទះឃើញសាកសពស្ដ្រីរងគ្រោះ
កម្លាំងសមត្ថកិច្ចនគរបាលក្រុងសំរោង
បានសហការជាមួយកម្លាំងជំនាញក្រោម ការដឹកនាំបញ្ជាពីលោកវរសេនីយ៍ឯក
ឡឹក សុខា ស្នងការរងនិងជានាយ ការិយាល័យកណ្ដាលយុត្ដិធម៌បើកការ
ស្រាវជ្រាវរហូតឈានដល់ឃាត់ខ្លួនជនសង្ស័យទៅសាកសួរនៅអធិការដ្ឋាន
នគរបាលក្រុងដើម្បីកសាងសំណុំរឿង បញ្ជូនទៅសាលាដំបូងខេត្ដ។
មន្ដ្រីនគរ បាលដដែលបន្ដថា ជនសង្ស័យដែល សមត្ថកិច្ចឃាត់ខ្លួនឈ្មោះ
លឿត ចំរើន ភេទប្រុស អាយុ២៣ឆ្នាំ រស់នៅភូមិអូរ កន្សែង
សង្កាត់សំរោង ក្រុងសំរោង ខេត្ដ ឧត្ដរមានជ័យ។
ដោយឡែកស្ដ្រីរងគ្រោះ ឈ្មោះ គង់ សុរា អាយុ៣៨ឆ្នាំ
ជាស្ដ្រីមេម៉ាយរស់នៅភូមិដូនកែន សង្កាត់ សំរោងក្រុងសំរោង ។
បើតាមជនសង្ស័យឆ្លើយថា នៅល្ងាច
ថ្ងៃទី១ ខែកញ្ញា ឆ្នាំ២០១៤ ស្ដ្រីរងគ្រោះ គង់ សុរា
បានបបួលជនសង្ស័យ លឿត ចំរើន ទៅផឹកស៊ីច្រៀងខារ៉ាអូខេរហូត
ដល់ស្រវឹងរៀងៗខ្លួន លុះដល់វេលាម៉ោង
ជាង១១យប់ពួកគេបានត្រឡប់មកវិញ
ហើយស្ដ្រីរងគ្រោះបានបង្ខំឱ្យជនសង្ស័យរួមភេទជាមួយ
តែដោយជនសង្ស័យមិន ព្រមក៏កើតជារឿងជម្លោះវាយប្រតាយ
ប្រតប់គ្នានៅចំណុចកើតហេតុតាម
បណ្ដោយផ្លូវលំវាលស្រែក្នុងភូមិធ្វើឱ្យជន សង្ស័យឈ្មោះ លឿត ចំរើន
ខឹងក៏ចាប់ ស្ដ្រីរងគ្រោះជ្រមុជទឹកនៅវាលស្រែ ។
ជនសង្ស័យនៅបានចម្លើយប្រាប់
សមត្ថកិច្ចថា ខ្លួនពិតជាបានធ្វើសកម្ម
ភាពចាប់ស្ដ្រីរងគ្រោះជ្រមុជទឹកមែន
មូលហេតុដោយសារជនរងគ្រោះបង្ខំរូបគេឱ្យរួមរ័ក្សជាមួយ
តែពេលធ្វើសកម្ម
ភាពចាប់ជ្រមុជទឹកនោះស្ដ្រីរងគ្រោះមិនទាន់ស្លាប់នៅឡើយទេហើយគេ
ក៏បាន អូសស្ដ្រីរងគ្រោះឡើងគោកវិញដែររួច
ក៏បានទៅផ្ទះដោយទុកឱ្យស្ដ្រីរងគ្រោះនៅកន្លែងកើតហេតុ។
មន្ដ្រីនគរបាលក្រុងសំរោងបានបញ្ជាក់ ថា
មូលហេតុដែលស្ដ្រីរងគ្រោះដេក ស្លាប់ទាំងអាក្រាតកាយនោះសង្ស័យ
ដោយសារស្ដ្រីរងគ្រោះដោះសម្លៀក
បំពាក់ខ្លួនឯងចេញដើម្បីបង្ខំឱ្យជនសង្ស័យ
រួមរ័កជាមួយហើយដោយយោងចម្លើយសារភាពរបស់ជនសង្ស័យនៅពេលជនសង្ស័យយក
ស្ដ្រីរងគ្រោះមកលើគោក
វិញនោះស្ដ្រីរងគ្រោះក៏មិនទាន់ស្លាប់ដែរ
តែដោយសារឈ្លក់ទឹកនិងស្រវឹងស្រាផងនោះទើបធ្វើឱ្យស្ដ្រីរងគ្រោះ
ស្លាប់តែម្ដង ទៅ។ បច្ចុប្បន្នជនសង្ស័យ លឿត ចំរើន
ត្រូវបានសមត្ថកិច្ចនគរបាលក្រុងសំរោង
ឃាត់ខ្លួនដើម្បីកសាងសំណុំរឿងបញ្ជូន
បន្ដទៅសាលាដំបូងខេត្ដចាត់ការតាម នីតិវិធី ។
អ្នកតាមដានករណីឃាតកម្មខាងលើ
នេះបានលើកឡើងថា តាមចម្លើយសារ ភាពជនសង្ស័យជាឃាតកគឺគ្រាន់តែជា
ការដោះបន្ទុកប៉ុណ្ណោះ ព្រោះស្ដ្រីខ្មែរបើ
អត់ឃ្លានយ៉ាងណាក៏មិនដល់ថ្នាក់ស្រាត
ខោដោះអាវបង្ខំឱ្យមនុស្សប្រុសមករួម រ័កនោះដែរ ។
ប្រភពបានបន្ដថា ចំពោះការសន្និ
ដ្ឋានរបស់សមត្ថកិច្ចក៏ដូចជាមិនសមរម្យ
ដែលមើលទៅហាក់បីដូចជាស៊ីចង្វាក់ ជាមួយនឹងចម្លើយជនសង្ស័យ ។ ដូច្នេះ
តុលាការគួរតែពិនិត្យសំណុំរឿងករណី ឃាតកម្មទៅលើស្ដ្រីមេម៉ាយខាងលើ
នេះឱ្យមានយុត្ដិធម៌ដើម្បីឱ្យស្ដ្រីរងគ្រោះ ស្លាប់បិទភ្នែកជិត ៕
ប្រភពពីនគរវត្ត
