យកភក់លាបមុខ លបសង្គ្រុបក្មេងស្រី កំពុងដេកក្នុងខ្ទមចាំ ចម្ការរំលោភខណៈ ម្ដាយនាងទៅផ្សារ
ខេត្ដ
ប៉ៃលិន ៖ ជនល្មោភកាមម្នាក់ បានលបសង្គ្រុបលើក្មេងស្រីកំពុងដេក
ក្នុងខ្ទមចាំចម្ការរួចរំលោភរហូតបាន សម្រេច
ខណៈដែលម្ដាយរបស់នាងទៅ ផ្សារនិងបងប្រុសទៅធ្វើការងារសំណង់ ។ករណីខាងលើនេះបានកើតឡើងកាល ពីវេលាម៉ោង១១និង៤៥នាទីព្រឹកថ្ងៃទី ១៣ ខែកញ្ញា ឆ្នាំ២០១៤ ស្ថិតនៅចំណុច ខ្ទមចាំស្រែខាងកើតភ្នំតូច ក្នុងភូមិកូនភ្នំ សង្កាត់អូរតាវ៉ៅ ក្រុង-ខេត្ដប៉ៃលិន ។
បើយោងតាមម្នាក់ អាយុ៦៤ឆ្នាំ ជាម្ដាយក្មេងស្រីរងគ្រោះបានឱ្យដឹងថា កូនស្រីរបស់គាត់ដែលត្រូវជនមិនស្គាល់មុខចាប់រំលោភយ៉ាងព្រៃផ្សៃ នេះឈ្មោះ ហ.ម អាយុ១៦ឆ្នាំ រស់នៅក្នុងបន្ទុក ។ នៅពេលកើតហេតុរូបគាត់មិនបាននៅខ្ទមចាំចម្ការទេ គឺធ្វើដំណើរទៅផ្សារ ដើម្បីទិញអង្ករនិងដែកគោល រីឯកូនប្រុសរបស់គាត់ម្នាក់ទៀតបានចេញទៅ ធ្វើការងារសំណង់ ។
បើតាមក្មេងស្រីរងគ្រោះបានរៀបរាប់ ប្រាប់នគរបាលនៅក្នុងពាក្យបណ្ដឹងរបស់នាងថា មុនពេលកើតហេតុនាងកំពុង ដេកនៅក្នុងខ្ទមម្នាក់ឯង ស្រាប់តែមាន បុរសម្នាក់អាយុប្រហែលជាង៤០ឆ្នាំ បានចូលមកចាប់ដៃនាងទាំង២សង្កត់រួចចាប់ហែកខោអាវរំលោភយ៉ាងកំរោល ។ ពេលធ្វើសកម្មភាពរំលោភនាងរួច ហើយជនកំណាចនោះបានគេចខ្លួនបាត់ ។ នាងបានបញ្ជាក់ថា មុនពេលដែល ជនសង្ស័យគេចខ្លួនចេញទៅគេបានគំរាមសម្លាប់នាងប្រសិនបើនាងយករឿង ទាំង នេះទៅប្ដឹងសមត្ថកិច្ច ។
នាងបានឱ្យដឹងទៀតថា ជនសង្ស័យ មានមាឌធំ តែនាងមិនស្គាល់មុខទេ ព្រោះជនសង្ស័យបានយកភក់លាបមុខ ដែលមិនអាចមើលស្គាល់ថាជាអ្នកណា នោះទេ ។ នៅពេលដែលជនសង្ស័យចាប់ សង្កត់ដៃនាងទាំង២ដើម្បីរំលោភនោះ នាងក៏ប្រឹងរើបម្រះស្រែកឱ្យ គេឯងជួយដែរ តែដោយសារខ្ទមចាំចម្ការរបស់នាងនៅឆ្ងាយពីភូមិទើបមិនមានអ្នកណាឮ ។ នាងបានបញ្ជាក់ថា ទោះបីយ៉ាងណានាង ក៏បានយកដៃខ្វាចធ្វើឱ្យកជនសង្ស័យដាច់រលាត់ខ្លះៗដែរ ។
ក្មេងស្រីរងគ្រោះបានឱ្យដឹងទៀតថា ជនសង្ស័យមុនពេលធ្វើសកម្មភាពរំលោភ គេបានទះកំផ្លៀងនាងចំនួន៣ដៃនិង វាយក្បាលពោះនាងមួយដៃឱ្យចុកឆ្អល់ ទើបចាប់ហែកខោហែកអាវរំលោភជា ក្រោយ ។
ម្ដាយក្មេងស្រីរងគ្រោះបានឱ្យដឹងដែរថា នៅព្រឹកថ្ងៃទី១៤ ខែកញ្ញា គាត់បាន នាំកូនស្រីទៅដាក់ពាក្យបណ្ដឹងនៅនគរ បាលប៉ុស្ដិ៍រួចហើយដើម្បីឱ្យសមត្ថកិច្ច ជួយស្រាវជ្រាវចាប់ខ្លួនជនសង្ស័យយក មកផ្ដន្ទាទោសទៅតាមផ្លូវច្បាប់ ។
ទាក់ទិននឹងករណីជនមិនស្គាល់មុខ ចាប់ក្មេងស្រីរំលោភទាំងកំរោលខាងលើ នេះនគរបាលសង្កាត់អូរតាវ៉ៅ នៅពុំទាន់ សន្និដ្ឋានចំពោះជនសង្ស័យថាជាអ្នកណា នៅឡើយទេ ។ បើទោះពុំទាន់មានការសន្និដ្ឋានពី សមត្ថកិច្ចក៏ដោយតែត្រូវបានអ្នកភូមិ ខ្លះលើកឡើងថា ការដែលជនសង្ស័យ យកភក់លាបមុខរួចចាប់រំលោភក្មេង ស្រីរងគ្រោះគឺជនសង្ស័យនិងក្មេងស្រីរង គ្រោះអាចជាមនុស្សស្គាល់គ្នាទើបគេ យកភក់មកលាបលើមុខដើម្បីកុំឱ្យក្មេង ស្រីរងគ្រោះស្គាល់រូបគេ(ជនសង្ស័យ) ៕
_____________
____
ប្រភពពីនគរវត្ត
