ក្រុមហ៊ុន​ Google បាន​បោះ​ទុន​យ៉ាង​ច្រើន​ក្រាស់​ក្រែល ៣០០ លាន​ដុល្លារ​​ទៅ​លើ​គម្រោង​បង្កប់​ខ្សែ​កាប​ក្រោម​បាត​សមុទ្រ​ពី​ជប៉ុន​ទៅ​​ អាមេរិក។ ខ្សែ​កាប​ក្រោម​​បាត​សមុទ្រ​នេះ​នឹង​ជួយ​ពន្លឿន​​ល្បឿន​អ៊ីនធឺណិត​នៅ​ទូទាំង ​ពិភពលោក​​​ជាពិសេស​គឺ​ជប៉ុន ​និង​អាមេរិក​ ហើយ​ខ្សែ​កាប​ដ៏​ធំ​មហិមា​នោះ​អាច​បញ្ជូន​ទិន្នន័យ (​តាម​រយៈ​ខ្សែ​កាប​អុបទិក​៦គូ​ផ្គុំ​គ្នា​) បាន​រហូត​ដល់​ទៅ ៦០Tb ក្នុង​មួយ​វិនាទី​ (60 Terabit per second)​។

Google គឺ​ជា​ក្រុម​ហ៊ុន​មួយ​ក្នុង​ចំណោម​ក្រុមហ៊ុន​ទាំង​ទាំង​៦ (China Mobile International, China Telecom Global, Global Transit, Google, KDDI និង Singte)ដែល​បាន​ចូល​រួម​សហការ​ទៅ​លើ​គម្រោង​មួយ​នេះ។ ខ្សែ​កាប​អុបទិក​​​នឹង​ភ្ជាប់​ពី​​ពី​តំបន់​ Chikura និង Shima ប្រទេស​ជប៉ុន​ទៅ​​​​ទីក្រុង​ Los Angeles, San Francisco, Portland និង Seattle សហរដ្ឋអាមេរិក។
​​
លោក​ Woohyong Choi ​ដែល​មាន​តួនាទី​​ជា​ប្រធាន​​គណៈកម្មាធិការ​ប្រតិបត្តិ​គ្រប់គ្រង​គម្រោង​ Faster (គម្រោង​បង្កប់​ខ្សែ​កាប​អុបទិក​ក្រោម​បាត​សមុទ្រ) បាន​ឲ្យ​ដឹង​ថា​​ខ្សែ​កាប​​ដែល​អុបទិក​នោះ​នឹង​ផ្ដល់​ផល់​ចំណេញ​ដល់​អ្នក​ ប្រើ​ប្រាស់​នៅ​ជុំវិញ​ពិភព​លោក​ក្នុង​ការ​ប្រើ​ប្រាស់​អ៊ីនធឺណិត​ដ៏​មាន​ ល្បឿន​លឿន​ ហើយ​គម្រោង​នេះ​​នឹង​ចប់​សព្វ​គ្រប់​នៅ​ត្រី​មាស​ទី​២​ក្នុង​ឆ្នាំ​ ២០១៦៕

ចុច​អាន៖ ដាណឺម៉ាក​ផលិត​បច្ចេកវិទ្យា​អ៊ីនធឺណិត​​ផ្លេក​បន្ទោរ​មាន​ល្បឿន​រហូត​ដល់​ ៤៣ Tb ក្នុង​មួយ​វិនាទី​

ចុច​អាន៖ តោះ​!​ ទៅ​មើល​ 3D ដ៏​សែន​រន្ធត់​នៅ​ក្នុង​លោក

ប្រែ​សម្រួល៖ ប៉ែត ផាន់និត
ប្រភព៖ theinquirer