នគរបាលញៀនថ្នាំ ម្នាក់ត្រូវក្រុមអ្នកញៀន ថ្នាំកាប់ឱ្យស្លាប់
ខេត្ដកំពង់ចាម ៖ មន្ដ្រីនគរបាលប៉ុស្ដិ៍តាប្រុកម្នាក់ដែលគេអះអាងថា ញៀនថ្នាំត្រូវបានក្រុមអ្នកញៀនថ្នាំដូចគ្នាកាប់ឱ្យស្លាប់កាលពីវេលាម៉ោង៨យប់ថ្ងៃទី១៨ ខែសីហា ឆ្នាំ២០១៤ នៅក្នុងភូមិថ្នល់បែកលិច ឃុំស្វាយទាប ស្រុកចំការលើ ខេត្ដកំពង់ចាម។
ខេត្ដកំពង់ចាម ៖ មន្ដ្រីនគរបាលប៉ុស្ដិ៍តាប្រុកម្នាក់ដែលគេអះអាងថា ញៀនថ្នាំត្រូវបានក្រុមអ្នកញៀនថ្នាំដូចគ្នាកាប់ឱ្យស្លាប់កាលពីវេលាម៉ោង៨យប់ថ្ងៃទី១៨ ខែសីហា ឆ្នាំ២០១៤ នៅក្នុងភូមិថ្នល់បែកលិច ឃុំស្វាយទាប ស្រុកចំការលើ ខេត្ដកំពង់ចាម។
បើតាមសមត្ថកិច្ចនគរបាលស្រុក ចំការលើឱ្យដឹងថា ជនរងគ្រោះជាមន្ដ្រី នគរបាលប៉ុស្ដិ៍តាប្រុកដែលត្រូវជន សង្ស័យញៀនថ្នាំដូចគ្នាសម្លាប់ឈ្មោះ ឆៃ លី ជាមន្ដ្រីនគរបាលប៉ុស្ដិ៍តាប្រុក បច្ចុប្បន្ន រស់នៅភូមិ-ឃុំកើតហេតុខាងលើ ។
មន្ដ្រីនគរបាលបានឱ្យដឹងទៀតថា ក្រោយសម្លាប់ជនរងគ្រោះបានប្រមាណ ៩០នាទីសមត្ថកិច្ចបានឈានទៅចាប់ ខ្លួនជនដៃដល់២នាក់ដែលបានសម្លាប់ ជនរងគ្រោះ ។ ជនដៃដល់ដែលត្រូវបាន ចាប់ខ្លួនមាន ទី១-ឈ្មោះ ឈីន ប៊ុនលី អាយុ២៥ឆ្នាំ មានទីលំនៅភូមិថ្នល់បែក កើត និងទី២-ឈ្មោះ សូ ទីន អាយុ១៩ឆ្នាំ មានទីលំនៅភូមិ-ឃុំកើតហេតុខាងលើ។
នគរបាលបានបញ្ជាក់ថា ជនដៃដល់ ឈ្មោះ ឈីន ប៊ុនលី ជាមុខសញ្ញាជួញដូរ និងប្រើប្រាស់គ្រឿងញៀនដ៏សកម្ម និង ទើបដោះលែងចេញពីគុកពេលថ្មីៗកន្លង ទៅនេះ ។
មន្ដ្រីនគរបាលជំនាញស្រុកបានឱ្យដឹង ដែរថា ជនរងគ្រោះនិងជនសង្ស័យគេពុំ ដឹងថា កើតមានជម្លោះអ្វីទេ នៅសុខៗ ជនដៃដល់ទាំង២បានប្រើកាំបិទក្វែវកាប់ មកលើជនរងគ្រោះបណ្ដាលឱ្យស្លាប់នៅ ក្នុងថ្លុកឈាមតែម្ដង ។
បើតាមការសន្និដ្ឋានករណីនេះអាច បណ្ដាលមកពីជនរងគ្រោះនិងជនសង្ស័យ ក្រោយថ្នាំញៀន ហើយក៏កើតជម្លោះ ពាក់ព័ន្ធការចែកថ្នាំញៀនឱ្យគ្នាជក់មិនស្មើ ។
ទាក់ទិនករណីខាងលើនេះនគរបាល កំពុងស្រាវជ្រាវបន្ដ និងកសាងសំណុំរឿង បញ្ជូនជនសង្ស័យទាំង២នាក់មកកាន់ ស្នងការដ្ឋាននគរបាលខេត្ដដើម្បីចាត់ការបន្ដតាមច្បាប់ ៕
.jpg)
ប្រភពពី នគរវត្ត
