ជំនាញម្ហូបអាហារគួរចុះ ពិនិត្យការផលិតសាច់ ប្រហិតត្រីសមុទ្រនៅ តំបន់ទំនប់រលកផង
ខេត្ដព្រះសីហនុ ៖
មន្ដ្រីកាំកុងត្រូលនគរបាលសេដ្ឋកិច្ចមន្ដ្រីក្រសួងសុខាភិបាល
និងអាជ្ញាធរខេត្ដព្រះសីហនុគប្បីនាំគ្នាចុះពិនិត្យលើសិប្បកម្ម
ផលិតប្រហិតត្រីសមុទ្រមួយកន្លែងនៅតំបន់ទំនប់រលក សង្កាត់លេខ១
ក្រុងព្រះសីហនុ (ផែលេខ៦៤) របស់អ្នកស្រីជាផលា្លផង ដោយសារនៅ
ពេលថ្មីៗនេះពលរដ្ឋនៅទីនោះបានរាយការណ៍ថា
មានភាពមិនប្រក្រតីលើផ្នែក
អនាម័យនិងមានដាក់ម្សៅអ្វីម្យ៉ាងដែលធ្វើឱ្យសាច់ត្រីនៅស្រស់រហូតមិនហើមស្អុយទៀតផង ។ តើករណីនេះមានហេតុ ផលយ៉ាងណា?
ពលរដ្ឋនៅទីនោះបានខ្សឹបប្រាប់ថា
ការផលិតសាច់ប្រហិតរបស់អ្នកស្រីជាផល្លានោះ ពិតជាយ៉ាប់ណាស់ហើយ
សព្វថ្ងៃគាត់ទិញយកត្រីណាដែលមាន
តម្លៃថោកបំផុតយកមកឱ្យកម្មករដើរ
ជាន់ពីលើនិងដងទឹកសមុទ្រស្អុយក្រោម ផែមកលាងសម្អាត
ហើយកិនតែម្ដង ប៉ុន្ដែអ្វីដែលគួរឱ្យសង្ស័យបំផុតនោះ
គឺត្រង់កម្មករយកត្រីទៅកិនចេញជា
សាច់ប្រហិតដោយមានលាយម្សៅអ្វី
ម្យ៉ាងដែលធ្វើឱ្យសាច់ត្រីនៅស្រស់មិនស្អុយមិនហើមរហូតទោះទុក
យូរប៉ុនណាក៏ដោយ ។
ពាក់ពន្ធ័នឹងករណីមិនប្រក្រតីនេះ
នគរវត្ដមិនអាចទំនាក់ទំនងសុំការបំភ្លឺពីអ្នកស្រី ជា ផល្លា
ម្ចាស់សិប្បកម្មនោះបានទេ
ដោយគាត់ចេះតែព្យាយាមគេចវេះពីអ្នកកាសែត ។
ទោះជាយ៉ាងនេះក្ដីពលរដ្ឋនៅទីនោះសូម
អំពាវនាវដល់ស្ថាប័ន និងអង្គភាព
ពាក់ពន្ធ័មេត្ដាចុះពិនិត្យមើលសិប្បកម្ម
នោះផងដើម្បីជៀសវាងការប៉ះពាល់ដល់សុខភាពប្រជាពលរដ្ឋ ៕
