រឿងទំនាស់ព្រំដីចម្ការ កាប់បុរសម្នាក់ស្លាប់ ក្នុងថ្លុកឈាមស្រាវ ជ្រាវឃាត់ខ្លួនបាន ៧នាក់
ខេត្តរតនគិរី ៖
ករណីឃាតកម្មដ៏សាហាវមួយ បានកើតឡើង កាលពីថ្ងៃទី១១
ខែសីហា ឆ្នាំ២០១៤ វេលាម៉ោងប្រហែល ១៧និង៣០ នាទី
ដោយក្រុមឃាតករ បានកាប់ជនរងគ្រោះ និងកាំបិតខ្វែងដងវែង
បណ្តាលអោយស្លាប់ យ៉ាងអាណោចអាធ័ម
នៅចំណុចចំការកៅស៊ូ របស់ជនរងគ្រោះ ស្ថិតនៅក្នុងភូមិកាជូតលើ
ឃុំញ៉ាង ស្រុកអណ្តូងមាស ខេត្តរតនគិរី ហើយសមត្ថកិច្ច
បានស្រាវជ្រាវឃាត់ខ្លួន ជនសង្ស័យចំនួន ៧នាក់។
ជនរងគ្រោះ ដែលត្រូវគេកាប់ឲ្យស្លាប់
មានឈ្មោះ សៀង លឹម ភេទប្រុស អាយុ ៥០ឆ្នាំ ជនជាតិខ្មែរ មុខរបរធ្វើចំការ
មានស្រុកកំណើត នៅចំការលើ ខេត្តកំពង់ចាម។ នគរបាលស្រុកអណ្តូងមាស
បានឲ្យដឹងថា ជនរងគ្រោះត្រូវជនល្មើស កាប់នឹងកាំបិតខ្វែងដងវែង
ចំកញ្ចឹងកស្លាប់ភ្លាមៗ នៅនឹងកន្លែងកើតហេតុ ហើយឃាតកម្ម
ដ៏សាហាវព្រៃផ្សៃនេះ កើតឡើងដោយសារទំនាស់រឿងព្រំដី ចំការកៅស៊ូ។
ក្រោយពេលកើតហេតុ សមត្ថកិច្ចបានស្រាវជ្រាវ
ឃត់ខ្លួនជនសង្ស័យបាន ៧នាក់ រូមមាន ១.ឈ្មោះ ម៉ៅ ច្រន ភេទប្រុស អាយុ
២.ឈ្មោះ ជ្រុយ សំបូរ ភេទប្រុស អាយុ ២០ឆ្នាំ ៣.ឈ្មោះ ជ្រុយ សម្បត្តិ
ភេទប្រុស អាយុ ២៤ឆ្នាំ ៤.ឈ្មោះ ធុង រដ្ឋា ភេទប្រុស អាយុ ១៨ឆ្នាំ
អ្នកទាំង៤ មានស្រុកកំណើត ភូមិសុពណ៌ ឃុំតាអុង ស្រុកចំការលើ
ខេត្តកំពង់ចាម មុខរបរមិនពិតប្រាកដ។
៥.ឈ្មោះ សឿង ម៉ាប់ ភេទប្រុស អាយុ ២៣ឆ្នាំ
ជនជាតិខ្មែរ មានស្រុកកំណើត ភូមិបុស្សស្បែង ឃុំច្រនៀង ស្រុកបារាយ
ខេត្តកំពង់ធំ មុខរបរមិនពិតប្រាកដ ៦. ឈ្មោះ សោរ សុគុណ ភេទប្រុស អាយុ
២៦ឆ្នាំ ជនជាតិខ្មែរ មានស្រុកកំណើតភូមិក្រាំងសំរោង ឃុំច្រនៀង
ស្រុកបារាយ ខេត្តកំពង់ធំ មុខរបរមិនពិតប្រាកដ និង៧.ឈ្មោះ ឯម សុខុម
ភេទស្រី អាយុ ៤៣ឆ្នាំ ជនជាតិខ្មែរ មានស្រុកំណើត ភូមិក្រលែងមាន ឃុំពូ
ស្រុកចំការលើ ខេត្តកំពង់ចាម មុខរបរមិនពិតប្រាកដ។
សមត្ថកិច្ចជំនាញ
ការិយាល័យព្រហ្មទណ្ឌកំរិតធ្ងន់ នៃស្នងការនគរបាលខេត្ត
បានសាកសួរជនសង្ស័យ អស់រយៈពេល ២៤ម៉ោង ហើយជនសង្ស័យ ទាំង ៧នាក់
ដែលពាក់ព័ន្ធនិងករណីឃាតកម្មខាងលើ ត្រូវបានបំពេញសំណុំបែបបទ
បញ្ជូនទៅសាលាដំបូងខេត្ត នៅព្រឹកថ្ងៃទី១៤ ខែសីហា ដើម្បីចាត់ការបន្ត
តាមនីតិវិធីច្បាប់៕ ដោយ បានលុង
ប្រភពពី វត្តភ្នំ
