រដ្ឋផ្លរីដា៖ ស្ត្រីអាយុ២៥ឆ្នាំម្នាក់ឈ្មោះ Brigitte Matzke និងប្តីរបស់នាងឈ្មោះ Alex Caldwell អាយុ២៦ឆ្នាំ រស់នៅក្នុងរដ្ឋផ្លរីដា សហរដ្ឋអាមេរិក ត្រូវប៉ូលីស នៅតំបន់ Port Orange ចាប់ខ្លួនបន្ទាប់ពីពួកគេ បានចូលទៅប្លន់ផ្ទះរបស់ ជីដូនអាយុ៨៣ឆ្នាំហើយបាន ប្រើអំពើហិង្សាលើលោកយាយ ថែមទៀត។

ប៉ូលីសនិយាយថា លោកយាយ Aida Matzke បានរាយការណ៍ប្រាប់ពួកគេ អោយមកកាន់ផ្ទះក្រោយ ពីពេលដែលប្តីប្រពន្ធទាំងពីរ ចាកចេញទៅដោយ គាត់និយាយថា នាង Brigitte Matzke និងប្តីបានមករកលុយពីគាត់ដើម្បីយក ទៅដេកសណ្ឋាគារ មួយយប់តម្លៃ $80 ប៉ុន្តែគាត់មិនព្រមឲ្យទើបពួក គេច្រានគាត់ ចេញដោយប្រតាយប្រតប់គ្នា រហូតដល់រហែកអាវក្នុង ក្រោយមកប្តីប្រពន្ធទាំងពី រនេះបានរើកកាយយកគ្រឿងអលង្ការ ទូរស័ព្ទ និងប្រាក់របស់លោកយាយចំនួន $1900 ហើយក៏ចេញទៅបាត់។

មិនបានប៉ុន្មានថ្ងៃក្រោយ ប៉ូលីសក៏ចាប់បាននាង Brigitte Matzke និងប្តីតាមពាក្យបណ្តឹង ពីស្ត្រីជាជីដូនហើយបញ្ជូន ពួកគេទៅឲ្យ តុលាការធ្វើការកាត់ទោស ក្រោមការចោទប្រកាន់ ពីបទប្លន់និងប្រើប្រាស់ ថ្នាំញៀនផងដែរ៕