លួចកាំភ្លើងAKមក ពីខេត្ដតាកែវដើរស្ពាយ ពេញភ្នំពេញត្រូវ នគរបាលឃាត់ខ្លួន
ភ្នំពេញ
៖
បុរសម្នាក់ត្រូវបានកម្លាំងនគរបាលប៉ុស្ដិ៍បឹងរាំងខណ្ឌដូនពេញធ្វើ
ការឃាត់ខ្លួនបន្ទាប់ពីបុរសរូបនេះបានស្ពាយកាំភ្លើងអាកាមួយដើម
ដើរពេញ ក្រុងភ្នំពេញក៏ត្រូវប្រជាពលរដ្ឋរាយការណ៍
ជូនសមត្ថកិច្ចឱ្យត្រួតពិនិត្យមើលពេល
ធ្វើការត្រួតពិនិត្យបុរសនោះគ្មានលិខិត កានន់កាប់អាវុធនោះទេ
ក៏ឃាត់ខ្លួនយក មកសាកសួរតែម្ដង ។
ករណីឃាត់ខ្លួនបុរសខាងលើនេះបាន
ប្រព្រឹត្ដឡើងកាលពីវេលាម៉ោង៣និង៣០នាទីរសៀល ថ្ងៃទី១៧ ខែសីហា
ឆ្នាំ ២០១៤ នៅចំណុចផ្លូវលេខ១៥៤ កែងផ្លូវលេខ៨១ ភូមិទី១០
សង្កាត់បឹងរាំង ខណ្ឌដូនពេញ ។
តាមប្រភពព័ត៌មានពីមន្ដ្រីនគរបាល
ខណ្ឌដូនពេញបានឱ្យដឹងថា បុរសដែល
ស្ពាយកាំភ្លើងអាកាដើរពេញក្រុងភ្នំពេញឈ្មោះខៀវ រ៉ាយូ
អាយុ២៣ឆ្នាំ មុខរបរ មិនពិតប្រាកដ ស្នាក់នៅភូមិចក ឃុំ
ត្រញំងសាប ស្រុកបាទី ខេត្ដតាកែវ ។
សមត្ថកិច្ចបានបន្ដទៀតថា បើតាម
ចម្លើយសារភាពរបស់ជនសង្ស័យខាងលើនេះបានរៀបរាប់ប្រាប់សមត្ថកិច្ចថា
ខ្លួន បានលួចកាំភ្លើងអាកាមួយដើមលេខ A5798
បង់មួយមានគ្រាប់២៩គ្រាប់ នៅម្ដុំលក់ឈើ ក្បែរផ្សារសំរោងយ៉ោង
ខេត្ដតាកែវ ហើយខ្លួនបានច្រកបាវស្ពាយ
ដើររហូតមកដល់ភ្នំពេញខ្លួនបានស្ពាយកាំភ្លើងអាកាដើរពេញក្រុងដូច
ជាមិន មានរឿងអ្វីកើតឡើងសោះ។ ពេលបុរស
រូបនោះបានស្ពាយកាំភ្លើងដើរពេញក្រុង
ក៏ត្រូវបានប្រជាពលរដ្ឋបានឃើញក៏រាយ
ការណ៍ជូនសមត្ថកិច្ចហើយត្រូវកម្លាំង
នគរបាលប៉ុស្ដិ៍បឹងរាំងបានទៅអន្ដរាគមន៍
និងឃាត់បុរសរូបនោះដកហូតយក កាំភ្លើងអាកាមួយដើមយកមកអធិការ
ដ្ឋាននគរបាលខណ្ឌដូនពេញដើម្បីសួរនាំ
និងកសាងសំណុំរឿងបញ្ជូនទៅសាលា
ដំបូងរាជធានីភ្នំពេញចាត់ការតាមផ្លូវច្បាប់ ។
គួរបញ្ជាក់ផងដែរថា ចំពោះករណី
នេះផងដែរត្រូវបានប្រជាពលរដ្ឋនាំគ្នា និយាយថា
ជនសង្ស័យជាមនុស្សសរសៃ ប្រសាទឬក៏ជាមនុស្សយ៉ាងណានោះទេ
បានជាលួចកាំភ្លើងបានហើយដើរស្ពាយ
ពេញទីក្រុងភ្នំពេញឱ្យគេឃើញបែបនេះ ៕
