សិង្ហបុរី៖ បណ្តាញទំនាក់ទំនង សង្គម (Facebook) បានប្រាប់ដល់បណ្តា អ្នកប្រើប្រាស់ទាំងឡាយថា មុននឹង Share អ្វីមួយសូមមេត្តាគិតគូ ឲ្យបានច្បាស់លាស់ ចៀសវាងការប៉ះពាល់ ដល់សង្គម និងបង្កជាបញ្ហា ណាមួយ កើតឡើង ។

បណ្តាញទំនាក់ទំនងសង្គម ដ៏មានប្រជាបិ្រយភាព នាពេលបច្ចុប្បន្ននេះ បានបញ្ជាក់ថា មុនពេល Share ត្រូវគិត យ៉ាងហោចណាស់ ឲ្យបានពីរដងសិន សុំធ្វើការ សម្រេចចិត្តជាក្រោយ ព្រោះវាជាបង្ហាញឲ្យដឹងនូវអ្វី ដែល ទាក់ទងនឹងសង្គម ។

លោកស្រី Marne Levine អនុប្រធានគ្រប់គ្រង គោលការណ៍សាធារណៈពិភពលោក នៃបណ្តាញទំនាក់ទំនងសង្គម បានលើកឡើងថា “មានក្រុមយុវវ័យជាច្រើន ដែលចង់បង្ហាញអំពីអ្វីដែលខ្លួនមាន និងជាលក្ខណៈឯកជន របស់ ពួកគេ ប៉ុន្តែអ្វីដែលពួកគេចង់បង្ហាញនោះ គួរគប្បីមិនត្រូរបង្ហាញ ឬស្តែងចេញជាសាធារណៈ ទាំងស្រុងនោះទេ ព្រោះថា ការ Share នោះវាមិនដឹងថា តើមានការទទួលខុសត្រូវ លើករណីនេះ ។  ខ្ញុំគ្រាន់តែគិតថា ការធ្វើបែប នោះនឹង ផ្តល់ផលមិនល្អ មកលើខ្លួនឯងផង និងសង្គមផង ដូច្នេះត្រូវពិចារណាឡើងវិញឲ្យច្បាស់ ” ។

ការផ្តល់ជាសារយ៉ាងដូច្នេះ គឺមានបំណងចង់ឲ្យបណ្តាអ្នកប្រើប្រាស់ បណ្តាញសង្គមមួយនេះ មានការគិតដ៏ឆ្លាសវៃ នៅពេលដែលពួកគេ Share អ្វីមួយតាមរយៈ អ៊នឡាញ ដូចជាការបង្ហោះព័ត៌មានផ្ទាល់ខ្លួន និងរូបភាព ក៏ដូចជាអ្វី ដែលអ្នកផ្ញើរ ទៅកាន់អ្នកប្រើប្រាស់ដូចគ្នា ៕

_____________

ផ្តល់សិទ្ទិដោយ៖dap-news.com