កណ្ដាល ៖ យុវជន ២នាក់ បានរងរបួសធ្ងន់ និងម្នាក់ទៀត បានស្លាប់តាមផ្លូវ ខណ:កំពុងដឹកយកទៅ សង្គ្រោះ នៅមន្ទីរឯរាជធានីភ្នំពេញ កាលពីវេលាម៉ោង ២និង១០នាទីរសៀល ថ្ងៃទី២៧ ខែកក្កដា ឆ្នាំ ២០១៤ នៅភូមិជ្រោយដង ឃុំសំរោងធំ ស្រុកកៀនស្វាយ ខេត្ដកណ្ដាល ចន្លោះគីឡូ ម៉ែត្រលេខ ៣៧-៣៨ ។

សាក្សីដែលឃើញហេតុការណ៍ គ្រោះថ្នាក់ចរាចរណ៍នេះ បាននិយាយថា រថយន្តបង្ក ជាប្រភេទរថយន្ដ ទួរីសដឹកអ្នកដំណើរ ប៉ុន្ដែមិនចាំស្លាកលេខនោះទេ បន្ទាប់ពីកើតហេតុ អ្នកបើកបររថយន្ដ បានបន្ថែមល្បឿនបាត់ស្រមោល ។

ជនរងគ្រោះទាំង ២នាក់ មានឈ្មោះ មឿន បូរ៉ា ភេទប្រុស អាយុ១៩ឆ្នាំ បានស្លាប់តាមផ្លូវពេលដឹកទៅមន្ទីរពេទ្យ ជាអ្នកបើកម៉ូតូ ចំណែកអ្នកជិះខាងក្រោយ ឈ្មោះ អ៊ុក វិចិត្រ ភេទប្រុស អាយុ១៧ឆ្នាំ ។ ជនរងគ្រោះទាំង ២ នាក់ មានទីលំនៅក្នុងស្រុកលើកដែក ខេត្ដកណ្ដាល ជិះម៉ូតូម៉ាក គុបមូល ពាក់ស្លាកលេខ ឃ-២៤៥៨ ភព១ ។

តាមប្រភពព័ត៌មាន ពីអ្នកឃើញហេតុការណ៍បានឱ្យដឹងថា មុនពេលកើតហេតុ ជនរងគ្រោះជិះម៉ូតូក្នុងទិសដៅពីកើតទៅលិច (ពីអ្នកលឿងមកភ្នំពេញ) ពេលមក ដល់កន្លែងកើតហេតុ ក៏មានរថយន្ដ២គ្រឿង បើកក្នុងទិសដៅស្របគ្នា ហើយពេលនោះ រថយន្ដកុងតឺន័របានបើកជែង រថយន្ដទួរីស បណ្ដាលឱ្យ     រថយន្ដទួរីសបួង ចង្កូតមកចិញ្ចើមផ្លូវ ហើយកៀរម៉ូតូ ជនរងគ្រោះដួលបោកនឹងថ្នល់ជាតិ ចំណែកម៉ូតូធ្លាក់ទៅចិញ្ចើមផ្លូវ ។

បន្ទាប់ពីកើតហេតុ ជនរងគ្រោះត្រូវ បានប្រជាពលរដ្ឋហៅរថយន្ដសង្គ្រោះ របស់មន្ទីរពេទ្យបង្អែកកៀន ស្វាយ ដែលប្រចាំការ នៅមណ្ឌលសុខភាពសំរោងធំ ដឹកយកមកសង្គ្រោះនៅភ្នំពេញ ប៉ុន្ដែបានពាក់ កណ្ដាលផ្លូវ ជនរងគ្រោះម្នាក់បានស្លាប់ និងជនរងគ្រោះម្នាក់ទៀត ដឹកមកសង្គ្រោះនៅមន្ទីរពេទ្យបង្អែកកៀនស្វាយ។ ក្រោយកើតហេតុ សាកសពជនរង គ្រោះត្រូវសមត្ថកិច្ចប្រគល់់ឱ្យក្រុមគ្រួសារ ធ្វើបុណ្យ ៕

____________________

ផ្តល់សិទ្ទិដោយ៖dap-news