ភ្នំពេញ ៖ ឈើប្រណីតជិត២០តោនរបស់ ឧត្ដមសេនីយ៍យោធា ផ្កាយ២ហាញ់ ចំរ៉ុង ស្ថិត នៅក្នុងដីឡូតិ៍ មួយកន្លែងខាងលិចវត្ដ សំរោងអណ្ដែត ក្នុងក្រុមទី៥ ភូមិច្រេះ សង្កាត់ ភ្នំពេញថ្មី ខណ្ឌសែនសុខ ត្រូវបានកម្លាំង សមត្ថ កិច្ចនិងខាងរដ្ឋបាលព្រៃឈើរាជធានី

ភ្នំពេញ  ដឹកនាំដោយតំណាងអយ្យការ ចុះទៅបង្ក្រាប និងដកហូតកាលពីវេលាម៉ោង៣និង៣០នាទីរសៀលថ្ងៃទី២៨ ខែកក្កដា ឆ្នាំ២០១៤ ។

យោងតាមប្រភពព័ត៌មានពីសមត្ថកិច្ច ដែលចូលរួមក្នុងប្រតិបត្ដិការខាងលើនេះបានឱ្យដឹងថា ឈើប្រណីតដែលដកហូតបានជិត ២០តោននៅក្នុងដីឡូតិ៍ របស់ឧត្ដមសេនីយ៍ យោធារូបនេះ ជាប្រភេទបេង នាងនួន កកោះ និងធ្នង់ជាដើម ។

សមត្ថកិច្ចបានបន្ដទៀតថា ក្រោយពីទទួល បានព័ត៌មាននៃកន្លែងស្ដុកឈើខាងលើនេះ និងសង្ស័យថា ពុំមានច្បាប់អនុញ្ញាតត្រឹម ត្រូវនោះ កម្លាំងសមត្ថកិច្ចទាំង នគរបាលនិង អាវុធហត្ថ ព្រមទាំងកម្លាំងរដ្ឋបាលព្រៃឈើដឹកនាំដោយលោក អ៊ុន វណ្ណារិទ្ធ នាយរងសង្កាត់រដ្ឋបាលព្រៃឈើរាជធានីភ្នំពេញ ជាច្រើននាក់ បានចុះទៅ ឡោមព័ទ្ធនិងចូល ទៅឆែកឆេរ ដោយរកឃើញឈើប្រណីតជា ច្រើននៅទីនោះ ។

យ៉ាងណាក៏ដោយ នៅក្នុងប្រតិបត្ដិការនេះ សមត្ថកិច្ចមិនទាន់បានឃាត់ខ្លួនជនសង្ស័យណាម្នាក់នោះឡើយ ៕

_________________

ផ្តល់សិទ្ទិដោយ៖dap-news