ចាប់ឆ្មាំពន្ធនាគារ ២នាក់ និងស្ត្រី ២ នាក់ ពីបទចែកចាយ គ្រឿងញៀននៅខេត្តពោធិ៍សាត់
ភ្នំពេញ: មន្ត្រីអនុរក្ស ឬឆ្មាំពន្ធនាគារ ម៤
មណ្ឌលអប់រំកែប្រែ ទី៤ ចំនួន ២នាក់ និងស្ត្រី ២ នាក់
ត្រូវបានចាប់ខ្លួន ពីបទចែកចាយគ្រឿងញៀន ក្នុងពន្ធនាគារ ម៤
នៅខេត្តពោធិ៍សាត់។ ពួកគេទាំងនោះ មានការទំនាក់ទំនងគ្នាជាមួយ
ក្នុងការចែកចាយគ្រឿងញៀន នៅក្នុងពន្ធនាគារ។ នេះបើតាមប៉ូលិស។
វេបសាយរបស់ប៉ូលិសជាតិ បានបង្ហាញថា ករណីនេះ បានកើតឡើង កាលពីថ្ងៃទី២៦ ខែឧសភា ឆ្នាំ២០១៤ កន្លងទៅនេះ ក្នុងទីតាំងមណ្ឌលកែប្រែទី៤ ដែលហៅកាត់ថា (ម៤) ស្ថិតក្នុងភូមិប្រហស្ថក្បាល ឃុំផ្ទះរុង ស្រុកភ្នំក្រវាញ ខេត្តពោធិ៍សាត់។
ជនសង្ស័យ ដែលសមត្ថកិច្ចនគរបាល ស្រុកភ្នំក្រវាញ សហការជាមួយនគរបាលប្រឆាំងគ្រឿងញៀន ខេត្តពោធិ៍សាត់ បានធ្វើការឃាត់ខ្លួននោះ៖ ១.ឈ្មោះ វ៉ា ម៉ូរ៉ា ភេទប្រុស អាយុ ២៥ឆ្នាំ, ២. ឡាយ សារិទ្ធ ភេទ ប្រុស អាយុ ២៣ឆ្នាំ អ្នកទាំងពីរជាមន្ត្រីអនុរក្ស (ម៤), ៣. ពុំ ម៉ានី ភេទ ស្រី អាយុ ៣១ឆ្នាំ ជាប្រជាពលរដ្ឋរស់នៅទីក្រុងភ្នំពេញ និងទី៤. លី គឹមលីម ភេទ ស្រី អាយុ ៣៥ឆ្នាំ ជាប្រជាពលរដ្ឋរស់នៅខេត្តកំពង់ឆ្នាំង។ ស្ត្រីទាំង២នាក់នេះ មានការទំនាក់ទំនងគ្នាជាមួយនឹងមន្ត្រីអនុរក្សខាងលើ ក្នុងការចែក ចាយគ្រឿងញៀន តាមចម្លើយសារភាព។
វេបសាយដដែល បង្ហាញថា ក្នុងការចាប់ខ្លួនជនសង្ស័យ ទាំង ៤នាក់នេះ សមត្ថកិច្ចធ្វើការឆែកឆេរត្រួតពិនិត្យ រកឃើញគ្រឿងញៀន ១៤កញ្ចប់ ធំ ប្រភេទម៉ាទឹកកក មានទម្ងន់ ៥៤,៤៣ក្រាម។
លោកវរសេនីយ៍ទោ ស៊ី សាវិន នាយការិយាល័យនគរបាល ប្រឆាំងគ្រឿងញៀនបានឲ្យដឹងថា ជនទាំង ៤នាក់នេះ ត្រូវបានជាប់ចោទពីបទចាត់ចែងសារធាតុ ដោយខុសច្បាប់។ បច្ចុប្បន្នត្រូវបានតុលាការ សម្រេចដាក់ពន្ធនាគារខេត្តពោធិ៍សាត់ រង់ចាំការបើកសវនាការ។
ក្នុងមាត្រា៥០ នៃច្បាប់ត្រួតពិនិត្យគ្រឿងញៀន គឺជនសង្ស័យទាំងបួននាក់ ត្រូវផ្តន្ទាទោសដាក់ពន្ធធនាគារ ពី ៥ឆ្នាំ ទៅ ១០ឆ្នាំ នឹងពិន័យជាប្រាក់ពី ១០លាន ទៅ ២០លានរៀល។
សូមបញ្ជាក់ថា នេះជាលើកទី៤ ហើយ ដែលសមត្ថកិច្ច នគរបាលបង្ក្រាបករណីគ្រឿង ញៀន ក្នុងមណ្ឌលកែប្រែទី៤ ដែលមានមនុស្សប្រុសស្រី ចំនួន ១១នាក់ ត្រូវបានចាប់ ខ្លួនបញ្ជូន ទៅតុលាការចោទប្រកាន់ មុននឹងបញ្ជូនទៅឃុំឃាំងនៅពន្ធនាគារ៕
ប្រភពពី CEN
វេបសាយរបស់ប៉ូលិសជាតិ បានបង្ហាញថា ករណីនេះ បានកើតឡើង កាលពីថ្ងៃទី២៦ ខែឧសភា ឆ្នាំ២០១៤ កន្លងទៅនេះ ក្នុងទីតាំងមណ្ឌលកែប្រែទី៤ ដែលហៅកាត់ថា (ម៤) ស្ថិតក្នុងភូមិប្រហស្ថក្បាល ឃុំផ្ទះរុង ស្រុកភ្នំក្រវាញ ខេត្តពោធិ៍សាត់។
ជនសង្ស័យ ដែលសមត្ថកិច្ចនគរបាល ស្រុកភ្នំក្រវាញ សហការជាមួយនគរបាលប្រឆាំងគ្រឿងញៀន ខេត្តពោធិ៍សាត់ បានធ្វើការឃាត់ខ្លួននោះ៖ ១.ឈ្មោះ វ៉ា ម៉ូរ៉ា ភេទប្រុស អាយុ ២៥ឆ្នាំ, ២. ឡាយ សារិទ្ធ ភេទ ប្រុស អាយុ ២៣ឆ្នាំ អ្នកទាំងពីរជាមន្ត្រីអនុរក្ស (ម៤), ៣. ពុំ ម៉ានី ភេទ ស្រី អាយុ ៣១ឆ្នាំ ជាប្រជាពលរដ្ឋរស់នៅទីក្រុងភ្នំពេញ និងទី៤. លី គឹមលីម ភេទ ស្រី អាយុ ៣៥ឆ្នាំ ជាប្រជាពលរដ្ឋរស់នៅខេត្តកំពង់ឆ្នាំង។ ស្ត្រីទាំង២នាក់នេះ មានការទំនាក់ទំនងគ្នាជាមួយនឹងមន្ត្រីអនុរក្សខាងលើ ក្នុងការចែក ចាយគ្រឿងញៀន តាមចម្លើយសារភាព។
វេបសាយដដែល បង្ហាញថា ក្នុងការចាប់ខ្លួនជនសង្ស័យ ទាំង ៤នាក់នេះ សមត្ថកិច្ចធ្វើការឆែកឆេរត្រួតពិនិត្យ រកឃើញគ្រឿងញៀន ១៤កញ្ចប់ ធំ ប្រភេទម៉ាទឹកកក មានទម្ងន់ ៥៤,៤៣ក្រាម។
លោកវរសេនីយ៍ទោ ស៊ី សាវិន នាយការិយាល័យនគរបាល ប្រឆាំងគ្រឿងញៀនបានឲ្យដឹងថា ជនទាំង ៤នាក់នេះ ត្រូវបានជាប់ចោទពីបទចាត់ចែងសារធាតុ ដោយខុសច្បាប់។ បច្ចុប្បន្នត្រូវបានតុលាការ សម្រេចដាក់ពន្ធនាគារខេត្តពោធិ៍សាត់ រង់ចាំការបើកសវនាការ។
ក្នុងមាត្រា៥០ នៃច្បាប់ត្រួតពិនិត្យគ្រឿងញៀន គឺជនសង្ស័យទាំងបួននាក់ ត្រូវផ្តន្ទាទោសដាក់ពន្ធធនាគារ ពី ៥ឆ្នាំ ទៅ ១០ឆ្នាំ នឹងពិន័យជាប្រាក់ពី ១០លាន ទៅ ២០លានរៀល។
សូមបញ្ជាក់ថា នេះជាលើកទី៤ ហើយ ដែលសមត្ថកិច្ច នគរបាលបង្ក្រាបករណីគ្រឿង ញៀន ក្នុងមណ្ឌលកែប្រែទី៤ ដែលមានមនុស្សប្រុសស្រី ចំនួន ១១នាក់ ត្រូវបានចាប់ ខ្លួនបញ្ជូន ទៅតុលាការចោទប្រកាន់ មុននឹងបញ្ជូនទៅឃុំឃាំងនៅពន្ធនាគារ៕
ប្រភពពី CEN
