ជនសង្ស័យពីរនាក់បាញ់ ប្លន់យកទូរស័ព្ទដៃពីនារីម្នាក់ បានដោយសុវត្ថិភាព
ភ្នំពេញ
៖
នារីម្នាក់ត្រូវរងរបួសដៃខាងឆ្វេងធ្ងន់ធ្ងរនៅពេលដែលរូបនាង
កំពុង តែដើរលើដងផ្លូវលេខ១៥៥ ហើយត្រូវ
ជនសង្ស័យពីរនាក់ប្រដាប់ដោយអាវុធខ្លីមួយដើមជិះម៉ូតូមកពីក្រោយ
ហើយធ្វើសកម្មភាពបាញ់ទៅលើរូបនាងប្លន់យក
ទូរស័ព្ទដៃIphone5ចំនួន១គ្រឿង នៅ ចំណុចផ្លូវលេខ១៥៥
កែងផ្លូវលេខ៤៦០ ក្នុងសង្កាត់ទួលទំពូងទី១ ខណ្ឌចំការមន ។
ហេតុការណ៍បាញ់ប្លន់នេះបានកើតឡើងកាលពីវេលាម៉ោង១០និង៣០នាទីយប់
ថ្ងៃទី២៥ ខែមិថុនា ឆ្នាំ២០១៤ ។
យោងតាមប្រភពព័ត៌មានពីកន្លែង
កើតហេតុបានឱ្យដឹងថា នៅមុនពេល
កើតហេតុគេបានឃើញនារីរងគ្រោះខាងលើធ្វើដំណើរដោយថ្មើរជើងដើរបណ្ដើរ
និយាយទូរស័ព្ទបណ្ដើរតាមបណ្ដោយផ្លូវ
លេខ១៥៥ក្នុងទិសដៅពីត្បូងទៅជើង ។ លុះមកដល់ចំណុចកើតហេតុខាងលើ
ស្រាប់តែមានជនសង្ស័យពីរនាក់ជិះម៉ូតូមិនស្គាល់ម៉ាកមួយគ្រឿង
ប្រដាប់ដោយកាំភ្លើងខ្លីមួយដើមបានជិះមកពីក្រោយ
ហើយធ្វើសកម្មភាពបាញ់ទៅលើនារីរង
គ្រោះចំនួនមួយគ្រាប់ចំដៃខាងឆ្វេងធ្លាយទៅជើងខាងឆ្វេងបញ្ឆិត
បណ្ដាលឱ្យរងរបួស យ៉ាងធ្ងន់ធ្ងរហើយប្លន់យកទូរស័ព្ទ
iphone5ចំនួន១គ្រឿងរួចហើយក្រុមចោរបានជិះម៉ូតូចេញទៅបាត់ដោយ
សុវត្ថិ ភាព ។ ចំណែកនារីរងគ្រោះបានរត់ឆ្លេឆ្លា
ស្រែកឆោឡោឱ្យគេអែងជួយទាំងដៃនិង
ភ្លៅខាងឆ្វេងរបស់ខ្លួនពោរពេញទៅដោយឈាមហូរស្រក់ចុះមក ។
ចំពោះអត្ដ សញ្ញាណនារីរងគ្រោះមិនទាន់បញ្ជាក់ បាននៅឡើយទេ
ព្រោះក្រោយកើតហេតុ
ភ្លាមៗនារីរងគ្រោះត្រូវបានសាច់ញាតិមកទទួលយកទៅសង្គ្រោះនៅ
មន្ទីរពេទ្យតែម្ដង ។
សូមបញ្ជាក់ផងដែរថា ក្នុងភូមិសាស្ដ្រ
សង្កាត់ទួលទំពូងទី១ខាងលើ គឺមួយរយៈ កន្លងមកនេះតែងតែមានករណីលួច
ឆក់
ក៏ដូចជាបាញ់ប្លន់យកទ្រព្យសម្បត្ដិផ្សេងៗពីប្រជាពលរដ្ឋជាញឹកញាប់
ណាស់មិន ដែលឃើញសមត្ថកិច្ចក្នុងមូលដ្ឋានបង្ក្រាបបាននោះទេ
ដូចជាករណីខាងលើនេះគឺ នារីរងគ្រោះត្រូវក្រុមជនសង្ស័យបាញ់
មួយគ្រាប់ប្លន់យកទូរស័ព្ទទៅបាត់ដោយសុវត្ថិភាពទៅហើយនៅមិនទាន់
ឃើញមានកម្លាំងសមត្ថកិច្ចដែលល្បាតក្នុង
មូលដ្ឋានចុះមកអន្ដរាគមន៍ទៀត ។
ដូច្នេះហើយសូមសមត្ថកិច្ចក៏ដូចជាមន្ដ្រី
ពាក់ព័ន្ធទាំងអស់មេត្ដាពង្រឹងនិង
យកចិត្ដទុកដាក់ក្នុងការយាមកាមឱ្យ
បានខ្ពស់ក្នុងមូលដ្ឋានរបស់ខ្លួនដើម្បី បញ្ចៀសនូវករណី លួច ឆក់
ប្លន់ និងករណី
ផ្សេងៗទៀតដូចជាករណីខាងលើនេះដែលតែងតែបង្កឱ្យមានមនុស្សរងរបួស
និង បាត់បង់ទ្រព្យសម្បត្ដិ ៕
ប្រភពពី នគរវត្ត
