នេះ​ជា​របាយការណ៍​ចំណូល​ដ៏​ខ្លាំង​មួយ​របស់ Apple ទាក់ទង​ថ្លៃ​ភាគហ៊ុន​ឡើង​ដល់ ៦០០ដុល្លារ​ក្នុង ១ហ៊ុន ដែល​នេះ​រាប់​ទុក​ថា ជា​តម្លៃ​ហ៊ុន​ខ្ពស់​កប់​ពពក​មិន​ធ្លាប់​មាន​តាំង​ពី​ឆ្នាំ២០១២មក។

រាប់ ​គិត​មក​ដល់​ថ្ងៃ​ច័ន្ទ​នេះ តម្លៃ​ហ៊ុន​របស់​ក្រុមហ៊ុន​ម្ចាស់ iPhone ដែល​ល្បី​សុះសាយ​ពេញ​ពិភពលោក​នេះ គឺ ៦០០,៩៦ដុល្លារ​អាមេរិក/ហ៊ុន។ នេះ​គឺ​ចាត់​ទុក​លើក​ដំបូង​ហើយ ដែល​តម្លៃ​ភាគហ៊ុន​កើន​ឡើង​យ៉ាង​ខ្លាំងក្លា​ដូច្នេះ។ អំឡុង​ឆ្នាំ២០១២ តម្លៃ​ភាគហ៊ុន Apple ធ្លាប់​ឡើង​ដល់ ៧០០ដុល្លារ​ឯណោះ តែ​ក្រោយ​មក​ធ្លាក់​នៅ​ត្រឹមតែ ៤០០ដុល្លារ​ប៉ុណ្ណោះ គិត​ត្រឹម​ខែ​មេសា ឆ្នាំ២០១៣ កន្លង​ទៅ។
តាម​រយៈ​នេះ នឹង​ធ្វើ​ឱ្យ​អ្នក​ម្ចាស់​ភាគហ៊ុន​ទាំងឡាយ​កាន់​តែ​មាន​ទំនុក​ចិត្ត ជា​មួយ​អារម្មណ៍​សុទិដ្ឋិនិយម​ក្នុង​ការ​រំពឹង​លក់​ទូរសព្ទ iPhone 6 ដែល​នឹង​ចេញ​ចុង​ឆ្នាំ​២០១៤ ខាង​មុខ នឹង​រឹតតែ​មាន​ស្ថានភាព​ល្អ​ថែមទៀត​មិន​ខាន៕

​ប្រែ​សម្រួល៖ ឈុន ហួរ
ប្រភព & រូបភាព៖ bgr