ពលរដ្ឋខ្មែរម្នាក់ទៅដាក់ អន្ទាក់សត្វត្រូវពលរដ្ឋ ថៃបាញ់សម្លាប់
ខេត្ដប៉ៃលិន ៖ ពលរដ្ឋខ្មែរម្នាក់ដែលបានចូលទៅដាក់អន្ទាក់សត្វនៅក្នុងទឹកដី ថៃត្រូវពលរដ្ឋថៃជាម្ចាស់ចម្ការបានបាញ់ សម្លាប់ដែលគេសង្ស័យថា ការបាញ់ សម្លាប់នោះជនដៃដល់បានធ្វើឡើងនៅវេលាម៉ោង៣និង៣០នាទីរសៀលថ្ងៃទី ២៦ ខែមីនា ឆ្នាំ២០១៤ ។
ខេត្ដប៉ៃលិន ៖ ពលរដ្ឋខ្មែរម្នាក់ដែលបានចូលទៅដាក់អន្ទាក់សត្វនៅក្នុងទឹកដី ថៃត្រូវពលរដ្ឋថៃជាម្ចាស់ចម្ការបានបាញ់ សម្លាប់ដែលគេសង្ស័យថា ការបាញ់ សម្លាប់នោះជនដៃដល់បានធ្វើឡើងនៅវេលាម៉ោង៣និង៣០នាទីរសៀលថ្ងៃទី ២៦ ខែមីនា ឆ្នាំ២០១៤ ។
សាកសពជនរងគ្រោះត្រូវបានបងប្រុស បង្កើតប្រទះឃើញនៅព្រឹកថ្ងៃទី២៧ ខែ មីនា ឆ្នាំ២០១៤ ក្នុងចំណុចចម្ការតាង៉ែន ស្ថិតក្នុងភូមិម៉ារំ ឃុំខ្លងយ៉ៃ ស្រុកពោងណាំរ៉ន់ ខេត្ដច័ន្ទបុរី ចម្ងាយ៣៥០ម៉ែត្រ ពីព្រំដែននៃចំណុចភូមិអូរឈើក្រំ ឃុំ ស្ទឹងកាច់ ស្រុកសាលាក្រៅ ។
លោក យ៉ាន យ៉ុង នាយបុស្ដិ៍នគរ បាលឃុំស្ទឹងកាច់បានឱ្យដឹងថា ជនរង គ្រោះឈ្មោះ ថេង សុឡា ភេទប្រុស អាយុ២៧ឆ្នាំ មុខរបរជាកសិករ មានទី លំនៅភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្ដប៉ៃលិន ។
ក្រុមគ្រួសារជនរងគ្រោះបានឱ្យដឹងថា មុនពេលកើតហេតុនៅម៉ោងប្រហែល ជា២រសៀលថ្ងៃទី២៦ ខែមីនា ជនរង គ្រោះបានឆ្លងដែនចូលទៅដាក់អន្ទាក់ សត្វនៅក្នុងទឹកដីថៃជាមួយបងប្រុស របស់គេ។លុះដល់យប់មិនឃើញត្រឡប់មកវិញនិងទូរស័ព្ទចូលជាច្រើនដងមិន ទទួលទើបនៅម៉ោងប្រហែលជា៦ព្រឹក ថ្ងៃទី២៧ ខែមីនា បងប្រុសជនរងគ្រោះ បានចូលទៅតាមរកកន្លែងដែលជនរង គ្រោះធ្លាប់ដាក់អន្ទាក់សត្វ ។ ពេលទៅដល់ ក៏ឃើញសាកសពសប្អូនស្លាប់នៅក្នុង ចម្ការតាង៉ែនក្នុងទឹកដីថៃក៏រាយការណ៍ ប្រាប់សមត្ថកិច្ចដើម្បីចុះពិនិត្យ ។ សាក សពជនរងគ្រោះត្រូវបានភាគឺថៃយកទៅធ្វើកោសល្យវិច័យនៅមន្ទីរស្រុកថៃដើម្បី ស្វែងរកចាប់ខ្លួនជនដៃដល់ ។
ទាក់ទងនឹងករណីនេះលោក ទី សុខា ប្រធានក្រុមការងារទំនាក់ទំនងព្រំដែន កម្ពុជា-ថៃ ខេត្ដប៉ៃលិនបានឱ្យដឹងថា ករណីបាញ់សម្លាប់បុរសជនជាតិខ្មែរម្នាក់ នេះ គឺមិនមែនជាទាហានថៃទេអ្នកបាញ់ នោះ គឺជាប្រជាពលរដ្ឋថៃ ។ ចំពោះមូល ហេតុនៃការបាញ់សម្លាប់នេះប្រហែល ជាជនរងគ្រោះចូលទៅលួចរបស់របរគេ ព្រោះនៅព្រំដែនខេត្ដប៉ៃលិនខាងទាហាន ថៃនិងទាហានខ្មែរនៅតាមព្រំដែនមាន ទំនាក់ទំនងគ្នាល្អមិនដែលមានរឿងបាញ់សម្លាប់បែបនេះទេ តែបើមានបញ្ហាអ្វី ដោះស្រាយគ្នាដោយសន្ដិវិធី ។
លោកបានបញ្ជាក់ថា ជនរងគ្រោះគឺ ត្រូវគេបាញ់ស្លាប់នៅម៉ោងប្រហែល ជា៣និង៣០នាទីរសៀល តែសាកសព ត្រូវបានគេរកឃើញនៅម៉ោងប្រហែលជា៦ព្រឹកថ្ងៃទី២៧ ខែមីនា ។ ក្រោយទទួល ដំណឹងភ្លាមលោកក៏បានទំនាក់ទំនងទៅ ខាងភាគីថៃដើម្បីចុះទៅពិនិត្យកន្លែង កើតហេតុនិងនាំយកសាកសពជនរង គ្រោះមកទឹកដីខ្មែរ តែភាគីថៃបានសុំ យកសពជនរងគ្រោះទៅធ្វើកោសល្យវិច័យ នៅមន្ទីរពេទ្យស្រុកថៃសិន ៕
ប្រភពពី នគរវត្ត
