រូបភាពពីផ្កាយ រណបបង្ហាញយន្តហោះដ៏ អាថ៌កំបាំងចុះចតកណ្ដាលព្រៃ
រូបភាពពីផ្កាយរណបមួយបានបង្ហាញពីយន្តហោះដែលបាត់ខ្លួនរបស់ជើងហោះហើរម៉ាឡេស៊ី MH370 ហោះពីលើចុងព្រៃដ៏ក្រាស់មួយកន្លែង។
រូបភាពត្រូវបានថតដោយ Tomnod ដែលជាគេហទំព័រផែនទីដែលកំពុងត្រូវបានប្រើប្រាស់ដោយមនុស្សរាប់ពាន់នាក់ក្នុងគោលបំណងស្វែងរកយន្តហោះដែលបាត់ខ្លួនតាំងពីថ្ងៃ ៨ មិនាមក និងត្រូវបានគេបង្ហោះចូឡទៅក្នុងគេហទំព័ររូបភាព Reddit កាលពីថ្ងៃអាទិត្យ។ បើពិនិត្យឲ្យច្បាស់ទៅរូបភាពហាក់ត្រូវបានគេគូសវាសឲ្យក្លាយជាពណ៌ស។
រូបភាពយន្តហោះអាថ៌កំបាំងដែលត្រូវថតបានពីផ្កាយរណប
ប្រភពពិតប្រាកដនៃដើមកំណើតរូបភាពនេះមិនត្រូវបានដឹងឡើយ តែបើតាមសារព័ត៌មាន Taiwan’s China Times រាយការណ៍ថា រូបភាពត្រូវបានរកឃើញដោយក្រុមនិស្សិតសាកលវិទ្យាល័យមួយរបស់តៃវ៉ាន់។
អត្ថបទពាក់ព័ន្ធ៖ នាវាចិនចាប់ផ្ដើមសម្រុករកយន្តហោះម៉ាឡេស៊ីសាជាថ្មី (វីដេអូ)
ការលេចចេញរូបភាពនេះគឺដំណាលគ្នានឹងព័ត៌មានដែលថា មានអ្នកភូមិម៉ាឡេស៊ីមួយចំនួនបានអះអាងថា ឃើញយន្តហោះបាត់ខ្លួននៅភាគឦសាននៃប្រទេសប្រហែលចន្លោះម៉ោងដែលយន្តហោះត្រូវបានគេវាយតម្លៃថាបានហោះត្រឡប់ក្រោយដែរ។ ចំណែកនៅតំបន់មហាសមុទ្រឥណ្ឌា ក៏មានប្រជាជនរស់នៅដែនកោះម៉ាល់ឌីវអះអាងថា ឃើញយន្តហោះស្រដៀងនឹងយន្តហោះបាត់ខ្លួន Boeing 777 ដែរ។
ទោះជាយ៉ាងណាក៏ដោយមកទល់នឹងពេលនេះមិនទាន់មានប្រភពច្បាស់ការណ៍ណាមួយបញ្ជាក់ពីទីកន្លែងពិតប្រាកដរបស់ជើងហោះហើរ MH370 នៅឡើយទេ ខណៈដែលប្រទេសចំនួន ២៥ កំពុងដុតដៃដុតជើងបន្តស្វែងរកយន្តហោះនេះតទៅទៀត៕
ប្រែសម្រួល៖ Zac
ប្រភព៖ Dailymail
ប្រភព៖ Dailymail
