តណ្ហាដឹកមុខ បងថ្លៃស្រីលួចសាហាយ ស្មន់ជាមួយប្អូនថ្លៃ ប្តីតាមទាន់ប្រាប់ថាអស់និស្ស័យ
ខេត្តកំពត ៖ ប្អូនថ្លៃនិងបងថ្លៃស្រី ត្រូវតណ្ហាដឹកមុខ
បានលួចលាក់សាហាយស្មន់ជាមួយគ្នា
និងបានធ្វើដំណើរទៅក្រេបទឹកឃ្មុំ ក្នុងផ្ទះសំណាក់
ត្រូវបានប្ដីតាមទាន់ ប្ដឹងសមត្ថកិច្ចឲ្យចាប់ខ្លួន
ដើម្បីបកស្បែកមុខ ប្រពន្ធផិតក្បត់ បង្កឲ្យមានការភ្ញាក់ផ្អើល
កាលពីវេលាម៉ោង ១៣រសៀលថ្ងៃទី៦ ខែមីនា ឆ្នាំ២០១៤
ស្ថិតក្នុងផ្ទះសំណាក់ពិភពថ្មី ក្នុងភូមិទ្វីខាងត្បូង
សង្កាត់អណ្ដូងខ្មែរ ក្រុងកំពត ខេត្តកំពត។សមត្ថកិច្ចនគរបាលក្រុងកំពត បានឲ្យដឹងថា ករណីឃាត់ខ្លួននេះ ទាក់ទិនរឿងផិតក្បត់ ដោយយោងតាមបណ្តឹងរបស់បុរសជាប្តី ទើបសមត្ថកិច្ចឃាត់ខ្លួនដើម្បីសាកសួរ ខណៈដែលប្អូនថ្លៃនិងបងថ្លៃ សាងស្នេហ៍ខុសតម្រាទាំង ២នាក់នេះ កំពុងលួចលាក់ជួលផ្ទះសំណាក់ យីហោពិភពថ្មី ដើម្បីក្របទឹកឃ្មុំ។ ស្ត្រីផិតក្បត់នេះ មានឈ្មោះ សាំង គន្ធា អាយុ ៣៧ឆ្នាំ ត្រូវជាបងថ្លៃរបស់ឈ្មោះ មុំ លិន ភេទប្រុស អាយុ ៣៩ ឆ្នាំ។
ទាំង ២នាក់នេះ បានលួចសហាយស្មន់នឹងគ្នា ច្រើនឆ្នាំមកហើយ មិនមែនម្ដងនេះទេ គឺបុរសជាប្តីធ្លាប់តាមទាន់ ២ដងមកហើយ ទើបលើកនេះអត់ទ្រាំមិនបាន ក៏ដាច់ចិត្តប្ដឹងសមត្ថកិច្ចប៉ូលិស ក្រុងកំពត ឲ្យឃាត់ខ្លួនចាត់ការតាមច្បាប់តែម្ដង។ បុរសជាប្តីបានឲ្យដឹងថា គាត់អស់និស្ស័យ នឹងប្រពន្ធរបស់គាត់ហើយ មិនគួរហ៊ានលួចសហាយស្មន់ ជាមួយប្អូនថ្លៃខ្លួនឯងមិនព្រមកែខ្លួនសោះ៕
ប្រភពពី វត្តភ្នំ
