ចាប់​អតីត​ប៉ូលិស​ក្រុង​កំពង់ឆ្នាំង​និង​ស្រី​ស្នេហ៍ ធ្វើ​សកម្មភាព​ចែក​គ្រឿងញៀន ក្នុងផ្ទះ​សំណាក់​

3/27/2014 0 Comments A+ a-


drug_cen3កំពង់ឆ្នាំង: ប៉ូលិស ​ខេត្ត​និង​ក្រុង​កំពង់ឆ្នាំង បាន​ឃាត់ខ្លួន​គូរ​ស្នេហ៍​មួយគូរ ដែល​ពួកគេ​ធ្វើ​សកម្មភាព​ចែកចាយ និង​ប្រើប្រាស់​គ្រឿងញៀន នៅក្នុង​បន្ទប់​ផ្ទះសំណាក់​មួយ ក្នុង​សង្កាត់​កំពង់ឆ្នាំង កាលពី​វេលា​ម៉ោងជាង​៤​រសៀល​ថ្ងៃទី​២៦ ខែមីនា ឆ្នាំ​២០១៤​។ 
​    ​
​ជនសង្ស័យ​ឈ្មោះ នុ​ល វាសនា ភេទ​ប្រុស អាយុ​៣១​ឆ្នាំ រស់នៅ​សង្កាត់​ខ្សា​ម ក្រុង​កំពង់ឆ្នាំង និង​ជា​អតីត​ប៉ូលិស​ក្រុង​កំពង់ឆ្នាំង ហើយក៏​ធ្លាប់​ជាប់ពន្ធនាគារ​ពីបទ​ចែកចាយ​និង​ប្រើប្រាស់​គ្រឿងញៀន​ផងដែរ និង​ម្នាក់ទៀត​ឈ្មោះ​ចាំង បូរ៉ា ភេទ​ស្រី អាយុ​ជាង​២០​ឆ្នាំ មាន​ទីលំនៅ​ក្នុង​ខេត្តកំពង់ធំ និង​ត្រូវជា​គូរ​ស្នេហ៍​របស់​នុ​ល វាសនា​។​
​    ​
​សមត្ថកិច្ច​ដែល​ស្ថិតក្នុង​ប្រតិបត្តិ​ការណ៍​នេះ បានអោយដឹងថា ក្រោយពី​ទទួល​ព័ត៌មាន​ពី​ភ្នាក់ងារ​សម្ងាត់ កម្លាំង​សមត្ថកិច្ច​ប៉ូលិស​ខេត្ត និង ក្រុង​កំពង់ឆ្នាំង បាន​សហការគ្នា​ឡោមព័ទ្ធ និង​ឃាត់ខ្លួន​ជនសង្ស័យ បាន​២​នាក់ និង​ចូល​ឆែកឆេរ​បន្ទប់​ដែល​ពួកគេ​ស្នាក់នៅ រកឃើញ​ថ្នាំញៀន​ប្រភេទ​ម៉ា​ទឹកកក​ចំនួន​១​កញ្ចប់​ធំ និង ១៥​កញ្ចប់​តូច វិទ្យុទាក់ទង​១​គ្រឿង (​អាយកូម​) រួម​និង​ឧបករណ៍​ជក់​មួយចំនួនទៀត​៕ L

ប្រភពពី CEN