ម.ស.ម.ក និងលោក អាត់ ធន់ នៅតែសុំចូលសួរសុខទុក្ខលោកវន់ ពៅ នៅមណ្ឌលកែប្រែទី ៣
នៅក្នុងលិខិត ផ្ញើជូន លោកឧបនាយករដ្ឋមន្ត្រី ស ខេងបានបញ្ជាក់ថា អង្គការសង្គម ស៊ី វិលនិងសហជីពបានសម្ដែងនូវស្ដោកស្ដាយជា ខ្លាំងជុំវិញការ បដិសេធរបស់អគ្គនាយដ្ឋានពន្ធនាគារ របស់ក្រសួងមហាផ្ទៃកាលពីថ្ងៃទី២៤ ខែមករា ឆ្នាំ២០១៤ចំពោះសំណើរបស់តំណាង អង្គការ សង្គមស៊ីវល ក្នុងគោលបំណងទៅសួរសុខទុក្ខលោកវន់ ពៅ និងសកម្មជនសិទ្ធិមនុស្ស ចំនួន០៧ នាក់ផ្សេងទៀត ដែលត្រូវបានចាប់ខ្លួនកាលពីថ្ងៃទី២ ខែ មករា ឆ្នាំ២០១៤ ។
ក្នុងលិខិតនោះបញ្ជាក់ថា យើងខ្ញុំពុំមានគោលបំណងអាក្រក់អ្វីទេ យើងខ្ញុំមានគោល បំណង តែ មួយគត់របស់យើងខ្ញុំគឺដើម្បីសួរសុខទុក្ខលោក វន់ ពៅ និងអ្នកជាប់ឃុំចំនួន ៧ នាក់ផ្សេងទៀត ក្នុង ឋានៈជាដៃគូ និងមិត្តភក្តិដែលបម្រើការងារក្នុងវិស័យសង្គមស៊ីវិល ដើម្បីលើកស្ទួយការ គោរពសិទ្ធិ មនុស្ស និងលទ្ធិប្រជាធិបតេយ្យនៅកម្ពុជា។ លើសពីនេះទៅទៀតយើងខ្ញុំសូមជម្រាបឯកឧត្តមថា យើង ខ្ញុំពុំមានអ្វីដែលត្រូវរារាំង ឬ ជ្រៀតជ្រែកដល់ ដំណើរការនៃការស៊ើប សួរដ៏ត្រឹមត្រូវរបស់ តុលាការចំពោះសំនុំរឿងនេះទេ។
រហូតមកដល់ថ្ងៃនេះ ពុំទាន់មានការឆ្លើយតបណាមួយចំពោះសំណើរនេះនៅឡើយទេ៕
ប្រភពពី Free Press Magazine
