រា​ជ​ធានី​ភ្នំ​ពេញ ​៖ តា​រា​ស​ម្តែង​ អ្នក​នាង​ ឌួង​ ហ្សូ​រី​ដា និង​ជា​ពិធី​កា​រិនី​ប្រ​ចាំ​ទូរ​ទស្ស​ន៍​អាស៊ី ​អា​គ្នេ​យ៍​ ត្រូវ​បាន​សា​លា​ដំបូង​រា​ជ​ធា​នី​ភ្នំ​ពេញ កាត់​ទោស​កំ​បាំង​មុខ​កាល​ពី​ថ្ងៃ​ទី​២៩ ខែ​​ម​​ក​រា​ ឆ្នាំ​២​០​១​៤ ពី​បទ​បរិហា​កេរ្តិ៍​ជា​សា​ធា​រណៈ តាម​បណ្តាញ​ទំ​នាក់​ទំនង​សង្គម​ FaceBook ។
អ្នកនាង ឌួង ហ្សូរីដា អាយុ២៩ឆ្នាំ ជាប្រធានក្រុម តារា បង្ហាញម៉ូត  Super Model ត្រូវ​បាន​តំណា​ង​អយ្យការចោទប្រកាន់ពីបទ បរិហាកេរិ៍្តជា សាធារណៈ យោងតាមមាត្រា ៣​០​៥​ នៃ​ក្រម​ព្រហ្មទណ្ឌ ដែលមានអ្នកស្រី តាន់ ធារ៉ា ជាដើម បណ្តឹង ។ យ៉ាងណាក៏ដោយ​​បទ​ចោទ​ប្រកា​ន់​នេះ​គ្រា​ន់​​ត្រឹមតែ​​ ពិន័យជាប្រាក់ពី១សែនរៀល ដល់១០លានរៀល ប៉ុ​ណ្ណោះ​ ។ ពោ​ល​​​គឺគ្មា​នទោស​ជាប់​ពន្ធ​នាគារ ឡើយ ។
ក្នុងសវនា​ការមេធាវីតំណាងអ្នកស្រី តាន់ ធារ៉ា បានបញ្ជាក់ថា សារនៅលើ FaceBook រ​ប​ស់​នា​ង ឌួង ហ្សូរីដា ពិតជាបានធ្វើឲ្យប៉ះពាល់យ៉ាងធ្ងន់ធ្ងរដល់កេរ្តិ៍ឈ្មោះ និង​ក​តិ្ត​យ​ស​ របស់ អ្ន​ក​ស្រី​ តាន់ ធារ៉ា ។ មេធាវីរូបនេះ បានទាមទារសំណងជម្ងឺពីនាង ដួង ហ្សូរីដា ចំនួន៥ពាន់ ដុ​ល្លា​រ​ ។
ចំណែកតំណាងអយ្យការ​បានរក្សាបទចោទប្រកាន់លើ​​នាង ដួង ហ្សូរីដា ទុកជាបាន កា​រ​ដ​ដែ​ល​ និងសូមឲ្យចាត់ការលើជនជាប់ចោទទៅតាមច្បាប់ ។ ក្រោយបញ្ចប់ការសួរ ដេ​​ញ​​ដោ​ល​ សាលក្រមនេះ នឹងត្រូវប្រកាសនៅថ្ងៃទី ៦ ខែកុម្ភះ ឆ្នាំ២០១៤ ខាងមុខ ៕
ប្រភពពី ANN