យុវជនដែលបង្ហោះរូបភាពសិចលើគ្រែជាមួយសង្សាររបស់ខ្លួនក្នុងបណ្តាញសង្គម Facebook ត្រូវបានចាប់ខ្លួន…
យុវជនដែលបង្ហោះរូបភាពសិចលើគ្រែ
ជាមួយសង្សារនៅក្នុង Status របស់ខ្លួន ដោយប្រើប្រាស់ Account
ឈ្មោះ Leanny Kal ប្រកាសនាថ្ងៃទី២៦ ខែធ្នូ ឆ្នាំ២០១៣ថា
នៅសល់ពេលវេលាមិនដល់៣ថ្ងៃទៀតទេនឹងស្លាប់
ហើយក៏បានបញ្ចេញរូបភាពសិចលើគ្រែជាមួយសង្សាររបស់ខ្លួនជាច្រើន
សន្លឹក និងមានរូបភាពជាវីដេអូឃ្លីបទៀតផង
ដើម្បីចង់បង្ហាញប្រាប់គេឯងថា ខ្លួននិង
សង្សារជាដៃគូស្នេហាលើគ្រែស្រឡាញ់គ្នាណាស់នោះ
ត្រូវបានសមត្ថកិច្ចប៉ូលិសចាប់ខ្លួនហើយ កាលពីថ្ងៃទី៣០ ខែធ្នូ
ឆ្នាំ២០១៣ ពីបទបង្ខូចកេរ្តិ៍ឈ្មោះ និងគំរាមកំហែងសម្លាប់ ។
Account Facebook ឈ្មោះ Leanny Kal ដែលបានបង្ហោះរូបភាពសិចលើគ្រែជាមួយសង្សាររបស់ខ្លួនជាសាធារណៈ ក្នុងបណ្តាញសង្គម Facebook នោះ បានបញ្ជាក់ឲ្យដឹងថា ខ្លួនមានឈ្មោះ សុខ ហេង រស់នៅខេត្តកំពង់ស្ពឺ (ផ្ទះនៅទល់មុខពន្ធនាគារខេត្ត) ស្រឡាញ់គ្នាជាមួយឈ្មោះ បញ្ញា មានរយៈពេល៣ឆ្នាំហើយៗជិតរៀបការទៀត ស្រាប់តែពុកម៉ែឈ្លោះគ្នា ។
នៅថ្ងៃទី៣០ ខែធ្នូ ឆ្នាំ២០១៣កន្លងទៅថ្មីៗនេះ ស្រាប់តែ Account Facebook ឈ្មោះ Leanny Kal ដដែល បាន Post បញ្ជាក់នៅក្នុង Status របស់ខ្លួនសាជាថ្មីទៀតថា “ទឹម សុបញ្ញា ដែលបានបង្ហោះរូបភាពរបស់គេជាមួយ សុខ ហេង ត្រូវបានប៉ូលិសចាប់ហើយ ពីបទបង្ខូចកេរ្តិ៍ឈ្មោះ និងគំរាមកំហែងសម្លាប់” ។ ការ Post នូវដំណឹងថ្មីក្នុង Status របស់ខ្លួននេះ គឺ Account Facebook ឈ្មោះ Leanny Kal បានលុប Profile និង Cover ព្រមទាំងរូបភាពសិចលើគ្រែដ៏រំជើបរំជួលរបស់ខ្លួនជាមួយដៃគូស្នេហា នោះចោលអស់ទៅហើយ ។
យោងតាមព័ត៌មានដែលបង្ហើបប្រាប់ឲ្យ ដឹងតាមរយៈ Account Facebook ឈ្មោះ Leanny Kal នេះ គឺអាចឲ្យេគេសន្និដ្ឋានជាបឋមបានថា ឈ្មោះ បញ្ញា ជាអ្នកបង្ហោះរូបភាពសិចលើគ្រែជាមួយសង្សាររបស់ខ្លួនឈ្មោះ សុខ ហេង ដោយខ្លួនប្រើប្រាស់ Password រួមគ្នាជាមួយសង្សារ និងបានបញ្ជាក់ប្រាប់ថាខ្លួន(ដើរតួជាភាគីខាងស្រីឈ្មោះសុខ ហេង) រស់មិនដល់៣ថ្ងៃទៀតទេ និងបានអះអាងទៀតថា ខ្លួនស្រឡាញ់គ្នាជាមួយសង្សារអស់រយៈពេល៣ឆ្នាំ ហើយជិតរៀបការ ស្រាប់តែពុកម៉ែឈ្លោះគ្នា ។ មានន័យថា ឈ្មោះ បញ្ញា ដោយមានបញ្ហាជាមួយសង្សាររបស់ខ្លួនឈ្មោះ សុខ ហេង ក៏សម្រេចបង្ហោះរូបភាពសិចលើគ្រែរបស់ខ្លួនជាមួយសង្សារជាដៃគូ ស្នេហា និងធ្វើការគំរាមកំហែងសម្លាប់សង្សារ រួចហើយនឹងធ្វើអត្តឃាតសម្លាប់ខ្លួនឯងតាមក្រោយ ទើបប្រើពាក្យថា ខ្លួនរស់មិនដល់៣ថ្ងៃទៀតនោះ ។ ប៉ុន្តែក្រោយមក បន្ទាប់ពីមានការចុះផ្សាយយ៉ាងព្រោងព្រាតពីសំណាក់សារព័ត៌មាននានា ឈ្មោះ បញ្ញា ក៏ត្រូវបានប៉ូលិសចាប់ខ្លួនតែម្តង ពីបទបង្ខូចកេរ្តិ៍ឈ្មោះ និងគំរាមកំហែងសម្លាប់សង្សាររបស់ខ្លួន ។
នេះគឺជាបទពិសោធន៍មួយសម្រាប់យុវជន អ្នកលេង Facebook និងក៏អាចចាត់ទុកជាមេរៀនសម្រាប់យុវជនខ្មែរទាំងឡាយ មិនត្រូវយកគំរូតាមជាដាច់ខាតនូវអំពើរបស់គូសង្សារ និងជាអ្នកលេង Facebook មួយគូនេះឡើយ ៕
__________________________
ប្រភពព័ត៌មានពី៖ ដើមត្នោត
