គ្រាន់តែរឿងមើលមុខគ្នា ភ្ញៀវខាងប្រុសវាយភ្ញៀវខាងស្រី ហើយបាញ់មួយគ្រាប់ផ្អើលរោងការ
ភ្ញៀវកូនក្រមុំដែលត្រូវ ភ្ញៀវកូនកំលោះ វាយបែកក្បាល បាននិយាយតៗគ្នាថា ពួកគាត់កំពុងអង្គុយផឹកស៊ីធម្មតា តែមិនដឹងយ៉ាងម៉េច ឃើញភ្ញៀវដែលអង្គុយ រំលងតុមួយមើលទៅតុនោះ ស្រាប់តែឃើញទាញកែវគប់មកលើ ពួកគាត់ប្រាវ និងគប់មកលើតុ ដែលនៅជិតនោះ តែពួកគាត់មិនបាន តបទៅវិញទេ ។ បន្ទាប់មកឃើញភ្ញៀវ ដើរទៅបន្ទប់ទឹក ស្រាប់តែភ្ញៀវនោះ ដើរសំដៅទៅបន្ទប់ទឹកដែរ មួយសន្ទុះក្រោយមក ស្រាប់តែឮសំឡេងវាយតប់ ហើយស្រែកជួយផងៗ។
ពេលនោះភ្ញៀវខាងស្រី ដែលអង្គុយជិតបន្ទប់ទឹកនោះ ក៏នាំគ្នាដើរទៅមើល ស្រាប់តែក្រុមជនបង្ក ទាញខ្សែក្រវាត់វាយទៅលើពួកគាត់ ហើយដើរចេញមកក្រៅ ឡើងលើឡាន និងបានបាញ់មួយគ្រាប់។ ក្រុមជនបង្ក មានឡាន ២គ្រឿង សុទ្ធតែទំនើបៗ ដូចជារថយន្តឡង់រឺវែរ និង ឡង់គ្រីស័រ ៥៧០ពណ៌ខ្មៅ មិនស្គាល់ស្លាកលេខ បើកចេញពីកន្លែងកើតហេតុ ដោយសុវត្ថិភាព។ មួយសន្ទុះក្រោយមក ក៏ឃើញសមត្ថកិច្ច នគរបាលព្រហ្មទណ្ឌ កំរិតស្រាល៤ ទៅ៥ នាក់ ចុះមកអនាគមន៍ដល់ក្នុងហាងតែម្តង។
យ៉ាងណាក៏ដោយ ម្តាយខាងកូនក្រមុំ និងកូនកំលោះ បាននិយាយថា កូនកំលោះមានឈ្មោះ សែម សុខវាសនា ភេទប្រុស អាយុ ២៤ឆ្នាំ ធ្វើការផ្នែកលក់នៅភ្នំពេញ មករៀបការនៅខេត្តសៀមរាប ជាគូនិងកូនក្រមុំឈ្មោះ សោម ស្រីពី អាយុ ១៨ឆ្នាំ មុខរបរលក់ដូរ ស្នាក់នៅភូមិត្រពាំងសេះ សង្កាត់គោកចក ក្រុងសៀមរាប ហើយហេតុការណ៍នេះ បង្កឡើងដោយភ្ញៀវខាងប្រុស ។ ភ្ញៀវមួយចំនួន បានភ័យលស់ព្រលឹង នាំគ្នាត្រលប់ទៅផ្ទះភ្លេចចងដៃ តែមួយចំនួនទៀត បានវិលមកចងដៃ និងផឹកស៊ីបន្តផងដែរ៕
ប្រភពពី វត្តភ្នំ
