ថៅកែសណ្ឋាគារម្នាក់រងភាពអយុត្តិធម៌ដង្ហោយហៅថ្នាក់ដឹកនាំជួយអន្តរាគមន៍
ការអំពាវនាវរបស់ លោកយូ ស៊ុនណាឆុងនេះ ត្រូវបានធ្វើឡើងនៅក្នុងសន្និសីទកាសែត មួយដែល បានប្រារព្ធធ្វើនៅខាងមុខសណ្ឋាគាររបស់គាត់ ដែលមានទីតាំង ស្ថិតនៅក្នុងភូមិ១៩ សង្កាត់ស្រះចក់ ខណ្ឌដូនពេញ ដោយមានវត្តមានអ្នកកាសែតជាតិ និង អន្តរជាតិ ជាច្រើនចូលរួម កាលពីព្រឹក ថ្ងៃ ទី ១៧ ខែ មករា ២០១៤ នេះ ។
លោក យូ សុ៑នណាឆុង បាននិយាយថា៖ សណ្ឋាគារ«ហ្គោលដិនស្តេឌាម» (Golden Stadium HOTEL) គឺចំណុះឱ្យក្រុមហុ៑ន ឆុង ស៑ូនគ្រុប ខូអិលធីឌី ដែលមានរូបលោកជាប្រធានផ្ទាល់។ ក្រុមហ៊ុននេះ បានរក សុីរួមគ្នាលើអចលនះទ្រព្យ រួមមាន ទិញ លក់ដី សង់ផ្ទះ ល្វែងលក់ និងអាជីវកម្ម សណ្ឋាគារ ដែលចូលហុ៑នគ្នាជាមួយប្អូន ស្រីបង្កើត គឺលោកស្រី យូច័ន្ទដាវី និងប្តី ឈ្មោះ លោក មៀច សុផាន់ណា ( បច្ចុប្បន្ន អនុរដ្ឋលេខាធិកា នៃ ក្រសួងមហាផ្ទៃ រួមជា មួយនឹងឱពុកមាម្នាក់ទៀតនៅប្រទេសបារាំង ឈ្មោះ អ៊ឹង គឹមហៀង ។
លោក យូ សុ៑នណាឆុង បានរៀបរាប់រឿងរាវដ៏សែនអយុត្តិធម៌ និងការឈឺចាប់រកទីបំផុតគ្មាន ថា៖« ពួកគាត់បានបង្កើតក្រុមហុ៑នមួយនេះតាំងពីឆ្នាំ២០០៥ ហើយបានរកស៊ីអាជីវកម្មសណ្ឋាគារ និងអចលនះទ្រព្យជាមួយគ្នា រហូតដល់ឆ្នាំ២០០៨ពេលដែលទូទាំងពិភពលោក ក៏ដូចជា ប្រទេសកម្ពុជាជួបនូវវិបត្តិសេដ្ឋកិច្ច ពេលនោះក្រុមហុ៑នរបស់គាត់ ក៏បានជួបវិបត្តិសេដ្ឋកិច្ចដូចគ្នា ពោលគឺយើងបានរកស៊ីខាតឡុងចុង រហូតដល់ជំពាក់បំណុល ធនាគារ ១៨០មុឺនដូល្លារ ។
លោក យូ ស៑ុនណាឆុង បានបន្តថា ពេលនោះហើយដែលបង ប្អូនរបស់គាត់បាន នាំគ្នាដកភាគហុ៑នចេញ ដោយគ្មានធ្វើការជំរះបញ្ជីអ្វីទាំងអស់ ហើយឱ្យលោកទទួលរ៉ាប់រងតែម្នាក់ឯង ដោយប្អូនស្រីនិងប្តី របស់គេអាងអំណាចបានជ្រើស រើស យក ដីល្អៗដែលទិញចូលគ្នា ជាច្រើនកន្លែង និងដីកន្លែងណាអន់ៗគេប្រគល់ឱ្យគាត់រួមទាំងសណ្ឋាគារ ហ្គោលដិនស្តេឌាម ដែលមានភាគហុ៑ន ចំណែកឳពុកមានៅប្រទេសបារាំង ចំនួន ១៥០ ម៉ឺន ដូល្លារនិងបំណុលធនាគារ ១៨០ ម៉ឺនដូល្លារ ដូច្នេះលោកមិនមានចំណែកប្រាក់នៅសល់ទេថែមទាំងជាប់បំណុលធនាគារទៀតផង សូម្បីតែផ្ទះរបស់គាត់ក៏ជាប់បំណុលធនាគារដែរ ។ ដូច្នេះ ក្នុងការបើកក្រុមហុ៑ន មួយ ហើយពេលក្ស័យធន់ ឬក្រុមហុ៑ននោះត្រូវលក់ ឬផ្ទេ អាជ្ញាបណ្ណទេសចរនេះ អាចប្រព្រឹត្តទៅបាន លុះត្រាណាតែម្ចាស់អាជ្ញាបណ្ណ បានបំពេញកាតព្វកិច្ចពន្ធ តាមច្បាប់ជាធរមាន និងបានដោះស្រាយរួចរាល់ បញ្ហាផ្សេងៗជាមួយបណ្តា ភាគីពាក់ពន្ធ័ របស់ខ្លួន ឬបុគ្គលពីអ្នកទទួលអាជ្ញាបណ្ណ ពីការផ្ទេរឬការទិញអាជ្ញាបណ្ណ យល់ព្រមជាលាយលក្ខណ៍អក្សរ បំពេញកាតព្វកិច្ចពន្ធ ដោះស្រាយបញ្ហាដែលនៅសេសសល់ លើកលែងតែការព្រមព្រាងជាលាយលកខណ៍អក្សរផ្សេងពីនោះ រវាងភាគីពាក់ពន្ធ័ តែរវាងលោក និងភាគីពាក់ពន្ធ័មិនបានធ្វើការជំរះបញ្ជីតាមច្បាប់នោះទេ គឺគេគំរាមឱ្យផ្តិតមេដៃក្នុងកិច្ចព្រមព្រាង ហើយរំលោភលើកិច្ចព្រមព្រៀងទៀតផង ។
លោក យូ សុ៑នណាឆុង បានបន្តថា បច្ចុប្បន្នលោកត្រូវរងការគំរាមកំហែងគៀបសង្កត់យ៉ាងធ្ងន់ធ្ងរ លោកសុឹងតែមិនអាច មានផ្លូវរស់បានឡើយ ដោយគេបានប្តឹងទៅតុលាការ ទាំងរំលោភបំពាន លើកិច្ចព្រមព្រាង ដែលបានចុះកិច្ចព្រមព្រាងជាមួយគ្នា កាលពីពេលកន្លងមក ។ នៅក្នុងកិច្ចព្រមព្រាង កាលពីថ្ងៃទី ៩ និងថ្ងៃទី ១៣ ខែមិថុនាឆ្នាំ២០១១ បានប្រគល់សណ្ឋាគារ ហ្គោលដិនស្តេឌាមឱ្យទៅលោក ហើយលោកមានសិទ្ធិលក់ដោយទុករយះពេល២ឆ្នាំ ហើយ កំណត់ថា លក់យ៉ាង តិចឱ្យបាន ៣លានដូល្លារ ដើម្បីយកលុយចំនួន១៥០ ម៉ឺនដុល្លារ មកសងឳពុកមា ហើយចំណែកលុយនៅសល់ ត្រូវឱ្យលោករ៉ាប់រង សង បំណុលធនាគារ ប៉ុន្តែខណះលោក កំពុងតែរកម៉ូយលក់ បាន២នាក់ ក្នុងតម្លៃ៥លានដុល្លារនិងជាង ៥លានដុល្លារ នោះស្រាប់ តែឱពុកមារបស់លោក ឱ្យតំណាង ដាក់ពាក្យបណ្តឹងទៅតុលាការ ដើម្បីទប់ស្កាត់ មិនឱ្យលោកលក់សណ្ឋាគារនោះ បានឡើយ ដោយបំពានលើកិច្ចព្រមព្រាង ព្រោះមិនទាន់ដល់ពេលកំណត់រយះពេល២ឆ្នាំនៅឡើយ ហើយបានយកទៅដេញ ថ្លៃលក់សណ្ឋាគារនេះឡាយឡុង ឱ្យទៅឈ្មួញដែល មករកទិញគាត់លើកមុននោះដដែល ក្នុងតម្លៃតែ៣លានដុល្លារ ប៉ុណ្ណោះ ហើយគេមិនឱ្យភាគីដែលជាបងប្អូន របស់គាត់ជួបនិយាយ គ្នាបានឡើយ។
លោកបាននិយាយទាំងហួសចិត្តទៀតថា អ្នកមានអំណាចបានឃុបឃិតជាមួយ ប្រពន្ធ័តុលាការ គៀបសង្កត់លោក មិនឱ្យរើរួចបានឡើយ ហើយបានរំលោភសិទ្ធិមនុស្សយ៉ាងធ្ងន់ធ្ងរ ជាទីបំផុត ។ ដែលលោកបានហៅការធ្វើនេះ ថា ប្រៀបបីដូចជាប្លន់លោកទាំងរស់ ដោយដៃម្ខាងគំរាម ចាប់ដាក់គុកនិងដៃម្ខាង កៀបយកទ្រព្យសម្បត្តិរបស់លោក ។
សណ្ជាគារ«ហ្គោលដិនស្តេឌាម»។ រូបថត ភ្នំពេញ ប៉ុស្តិ៍
លោក បានលើកឡើងទៀតថា ការដេញថ្លៃលក់ឡាយឡុងសណ្ឋាគាររបស់លោកពីសំណាក់ មន្ត្រីតុលាការនោះទៀតសោតក៏មានភាពមិនប្រក្រតីកើតឡើងដែរ ដោយអ្នកចូលរួមត្រូវតំកល់ប្រាក់ ចំនួន៣០មុឺនដូល្លារ ប៉ុន្តែ ផ្ទុយ ទៅវិញ អ្នកដែលចូលរួមដេញថ្លៃបាននោះ បានដាក់សែកស្អុយមិនមាន ទឹកប្រាក់ទេ ពោលគឺ នៅក្នុងសែក ដែលចេញដោយ ធនាគារអេស៊ីលីដានោះមានទឹកប្រាក់តែជាង៣០០ដូល្លារតែប៉ុណ្ណោះ ហើយអ្នកដែលដេញថ្លៃបាន នោះគេជាម៉ូយ ធ្លាប់ចុះកិច្ចសន្យា ទិញសណ្ឋាគាររបស់ក្នុងតម្លៃ ៥លានដុល្លារកាលពីមុខនោះតែម្តង ។រឿងដែលចំលែកនោះអ្នកយកសែកស្អុយមកប្រើក្នុងការដេញថ្លៃទិញឡាយឡុង សណ្ឋាគារ នោះមិនមានទោសនោះទេ បើទោះលោកប្តឹងក៏ដោយ ក៏តុលាការមិនមានចំណាត់ការ ដែរហើយ បានច្រានចោលការប្តឹងរបស់លោកទៀតផង ។
លោក យូ សុ៑នណាឆុង បានលើកឡើងទៀតថា អំពើទាំងអស់នេះ វាអយុត្តិធម៌ជាទីបំផុត សំរាប់ លោក ហើយ លោកសូមសំណូមពរទៅថ្នាក់ដឹកនាំរាជរដ្ឋាភិបាល ជាពិសេស សម្តេចអគ្គមហាសេនាបតីតេជោហុ៑នសែន នាយករដ្ឋមន្ត្រីនៃព្រះរាជាណាចក្រកម្ពុជា និងអង្គភាពប្រឆាំងអំពើពុករលួយមេត្តាជួយតាមដានរឿងនេះ ផងព្រោះគាត់បានរងនូវអំពើ អយុត្តិធម៌ជាទីបំផុត ហើយត្រូវការសម្តេចជួយ បើមិនដូច្នេះទេ លោកច្បាស់ជាមិនអាចរស់ បានទ្បើយ ។
ឆ្លើយតបចំពោះការលើឡើងរបស់ លោក យូ សុ៑នណាឆុង ខាងលើនេះ លោកមេធាវី ខៀវ សំបូរ តំណាងឲ្យភាគីម្ចាស់បំណុលបានបដិសេធយ៉ាងដាច់អហង្ការចំពោះ ការចោទប្រកាន់លោក យូ សុ៑នណាឆុង។
លោកមេធាវីសំបូរ បានមានប្រសាសន៍ នៅក្នុងសន្និសីទកាសែត បន្ទាប់ពី ការធ្វើសន្និសីទកាសែត របស់លោក យូ សុ៑នណាឆុងនៅក្នងភោជនីដ្ឋានសេវិនប្រាយថា៖ ការសម្រេចរបស់តុលាការគ្រប់ជាន់ថ្នាក់ (ទាំងសាលាដំបូងរាជធានីភ្នំពេញ សាលាឧទ្ទរណ៍ និង តុលាការកំពូល) ក្នុងសំណុំរឿខាងលើនេះ ត្រូវបានធ្វើឡើង ដោយអនុវត្តទៅច្បាប់ត្រឹមត្រូវ និងពុំបានរំលោភច្បាប់ឡើយ។ ចំណែកឯ ការចុះអនុវត្តន៍ ដីកាស្ថាពររបស់ភាគីតុលាការ និងអាជ្ញាធម៌ពាក់ព័ន្ធផ្សេងៗទៀតទៅ លើ សណ្ឋាគារ«ហ្គោលដិនស្តេឌាម»ទៀតសោត ក៏ត្រូវបានអនុវត្តតាមនីតិវីធីច្បាប់យ៉ាងល្អឥតខ្ចោះផងដែរ ។
លោកមេធាវីថ្លែងថា៖«យោងតាមសាលដីកាស្ថាពររបស់តុលាការកំពូល ចាប់ពីពេលនេះតទៅ ឈ្មោះ យូ សុ៑នណាឆុង ពុំមានលក្ខណៈសម្បត្តិ និងមិនមែនជាម្ចាស់សណ្ឋាគារ Golden Stadium HOTEL ទៀតទេ»។
ពាក់ព័ន្ធទៅនឹងបុគ្គលិកដែលបាត់បង់ការងារដោយសារតែការបិទសណ្ឋាគារ Golden Stadium HOTEL ខាងលើនេះ លោកមេធាវីខៀវ សំបូរ បានបញ្ជាក់ថាៈ ភាគីអ្នកដេញថ្លៃឈ្នះ នឹងជួយដោះ ស្រាយប្រាក់ខែជូនពួកគេ។ ឥឡូវនេះ ភាគីអ្នកដេញថ្លៃ បានកំពុងតែ ស្រាវរកបញ្ជីបុគ្គលិក ដើម្បី បើកប្រាក់ខែ ជូនពួកគាត់៕
___________________________
ប្រភពព័ត៌មានពី៖ ភ្នំពេញប៉ុស្តិ៍
