ដឹកប្រពន្ធកូនដើរលេងជ្រុលទៅបុកម៉ូតូ ក្រឡាប់ផ្ងាជើង នាំគ្នាលូនចេញទាំងលស់ព្រលឹង
អ្នកបើករថយន្តបង្ក មានឈ្មោះ ម៉េង ហេង ភេទប្រុស អាយុ ៣១ឆ្នាំ រស់នៅសង្កាត់ ស្ទឹងមានជ័យ រាជធានីភ្នំពេញ រួមដំណើរជាមួយប្រពន្ធ និងកូនតូច ២នាក់ទៀត បានបើករថយន្តម៉ាកកូរ៉ូឡា ពណ៌ទឹកមាស ពាក់ស្លាកលេខ ភ្នំពេញ 2U-8295 ។ ចំណែកអ្នកជិះម៉ូតូ ដែលរងរបួសស្រាល មានឈ្មោះ ជុំ វិរៈ ភេទប្រុស អាយុ ១៨ឆ្នាំ មានទីលំនៅភូមិអំពិលដាំទឹក ឃុំវិហារហ្លួង ជិះម៉ូតូម៉ាក ហុងដា សេ១២៥ ពណ៌ខ្មៅ ស៊េរីឆ្នាំ២០១២ ពាក់ស្លាកលេខ ភ្នំពេញ 1BL-2953។
សាក្សីបានឲ្យដឹងថា មុនពេលកើតហេតុ គេឃើញរថយន្តបង្ក បានបើកពីជើងទៅត្បូង សំដៅទៅភ្នំពេញ បានបើកជែងរថយន្ត មួយគ្រឿងទៀតតែមិនផុត ក៏ជ្រុលទៅបុកម៉ូតូសេ១២៥ ដែលជិះម្នាក់ឯង បើក ច្រាស់ទិសគ្នា បណ្តាលឲ្យអ្នកបើកម៉ូតូ ដួលបោកទៅនឹងផ្លូវជាតិ ហើយរថយន្តបង្ក ក៏បានក្រឡាប់ផ្ងាជើងឡើងលើខ្លួនឯង តែសំណាងល្អអ្នកបើករថយន្ត និងក្រុមគ្រួសារទាំងអស់មានគ្នា ៤នាក់ គ្រាន់តែរងរបួសស្រាល បានបើកទ្វាររថយន្ត លូនចេញមកក្រៅ ទាំងព្រលឹងចុងសក់៕
ប្រភពពី វត្តភ្នំ
