ស្ត្រីវ័យក្មេងនៅផ្ទះម្នាក់ឯង ត្រូវក្រុមចោរយកកាំបិតចាក់និងអារក ប្លន់យកទ្រព្យសម្បត្ដិ
ស្ដ្រីរងគ្រោះមានឈ្មោះ អាត ស្រីណែត អាយុ ២២ឆ្នាំ មុខរបរកាត់ដេរ ស្នាក់នៅក្នុងផ្ទះតែម្នាក់ឯង ពេលនោះជនសង្ស័យ ៤-៥ នាក់ ខ្លះនៅក្រោមផ្ទះ និងខ្លះទៀតឡើងទៅលើផ្ទះបានសុំលុយចាយ ប៉ុន្ដែស្ដ្រីរងគ្រោះមិនឲ្យ ទើបពួកគេព្រួតគ្នា យកកាំបិតចុងស្រួច ចាក់លើដងខ្លួន និងចាប់អារក បណ្ដាលឲ្យរងរបួសធ្ងន់ រួចហើយគេចខ្លួនបាត់អស់។
ក្រោយពេលកើតហេតុ ប្រជាពលរដ្ឋ នៅក្បែរផ្ទះស្ដ្រីរងគ្រោះ បានហៅរថយន្ដរបស់មន្ទីរពេទ្យកាល់ម៉ែត ដឹកយកទៅសង្គ្រោះភ្លាមៗ ប៉ុន្ដែជនសង្ស័យម្នាក់ ត្រូវបានប្រជាពលរដ្ឋស្គាល់ឈ្មោះ ដែលជាអ្នករស់នៅ ក្បែរផ្ទះស្ដ្រីរងគ្រោះ។ បច្ចុប្បន្នកម្លាំងសមត្ថកិច្ចមូលដ្ឋាន បាននឹងកំពុងធ្វើការស្រាវជ្រាវ ដើម្បីចាប់ខ្លួន ជនសង្ស័យទាំងនេះ មក ផ្តន្ទាទោស តាមផ្លូវច្បាប់៕
ប្រភពព័ត៌មានពី៖ វត្តភ្នំ
