រដ្ឋបាលព្រៃឈើសហការជាមួយនគរបាលក្រុងបានលុងនិងព្រះរាជអាជ្ញាឆែកឆេរលំនៅឋានជនជាតិវៀតណាមលួចផ្ទុកឈើប្រណីត
ប្រភពពីមន្ដ្រីនគរបាលក្រុងបានលុងឱ្យដឹងថា ម្ចាស់លំនៅឋានដែលលួចលាក់ផ្ទុកឈើប្រណីតខុសច្បាប់នោះមានឈ្មោះ ចូវ វាំងហាយ ភេទប្រុស អាយុ ៤២ឆ្នាំ ជនជាតិវៀតណាម ហើយការ ចុះបង្ក្រាបនេះលោក លាវ ស្រេង បានប្រគល់តួនាទីនេះឱ្យលោក ម៉ម វណ្ណដា ព្រះរាជអាជ្ញារងអមសាលាដំបូងចុះ បង្ក្រាបបន្ដ ។ ក្នុងនោះបានដកហូតឈើប្រណីត៦ រ៉ឺម៉កម៉ូតូ មានឈើប្រណីតប្រភេទពក ជាច្រើននិងមានប្រភេទឈើសន្លឹក (ច្រៀក)ខ្លះដែរ ។
ប្រភពពីប្រជាពលរដ្ឋរស់នៅកន្លែង កើតហេតុបានខ្សឹបឱ្យដឹងថា ជនជាតិ វៀតណាមឈ្មោះ ចូវ វាំងហាយ ដែល លួចផ្ទុកឈើប្រណីតនេះបានរកស៊ីឈើ យូរឆ្នាំមកហើយៗឈើទាំងនេះគេបាន ប្រមូលទិញឈើប្រណីតយកមកស្ដុកទុកនៅលំនៅឋានរបស់គេដើម្បីដឹកទៅ លក់នៅប្រទេសវៀតណាមតែមិនដែលឃើញ ជំនាញខាងណាបង្ក្រាបឡើយ ។
ប្រភពដដែលបន្ដទៀតថា ជនជាតិ វៀតណាមខាងលើនេះមិនត្រឹមតែជា ឈ្មួញរកស៊ីទិញឈើប្រណីតនោះទេ ពោល គឺគេជាឈ្មួញដែលល្បីល្បាញខាងប្រមូលទិញសត្វព្រៃផងដែរ ។
ប្រភពដដែលបញ្ជាក់ទៀតថា ជនជាតិវៀតណាមដែលមករស់នៅក្នុងខេត្ដរតនគិរី ភាគច្រើនពួកគេតែងតែប្រកប របររកស៊ីឈើប្រណីត និងទិញលក់សត្វព្រៃ ។ របរទាំងនេះហើយធ្វើឱ្យពួកគេធ្វើ មានធ្វើបាន ហើយភាគច្រើនជនជាតិ វៀតណាមទាំងនេះច្រើនតែបើកសិប្ប កម្មកែច្នៃឈើប្រណីតបានយ៉ាងរលូន ដោយសំអាងថា សិប្បកម្មរបស់ពួកគេ មានច្បាប់អនុញ្ញាត ។
គួរបញ្ជាក់ថា ករណីចុះបង្ក្រាបឆែក ឆេរទីតាំងផ្ទុកឈើប្រណីតខុសច្បាប់នេះជាករណីលើទី៤ ហើយដែលជំនាញរដ្ឋ បាលព្រៃឈើដឹកនាំដោយលោកព្រះរាជអាជ្ញាចុះបង្ក្រាបទីតាំងស្ដុកឈើ ប្រណីត ខុសច្បាប់តែករណីបង្ក្រាបផ្ទះលាក់ឈើ ខាងលើនេះសមត្ថកិច្ចមិនទាន់ឃាត់ខ្លួនជនសង្ស័យជាម្ចាស់ឈើនៅឡើយទេ ៕
