ឃាត់ខ្លួន ជនល្មោភកាម ស្រាតខោក្មេងស្រីអាយុ១៣ឆ្នាំ ប៉ុនប៉ងរំលោភ
ខេត្តព្រៃវែង ៖ ប្រជាពលរដ្ឋ និងកម្លាំងសមត្ថកិច្ច បានឃាត់ខ្លួន ជនល្មោភកាមម្នាក់ភ្លាមៗ នៅពេលដែលជននេះ កំពុងធ្វើសកម្មភាព ចាប់រំលោភក្មេងស្រីអាយុ ១៣ឆ្នាំ ដោយបង្ខំចាប់ស្រាត ខោអាវ ប៉ងចាប់រំលោភុ កាលពីវេលាម៉ោង ១រសៀល ថ្ងៃទី០៥ ខែកញ្ញា ឆ្នាំ២០១៣ ស្ថិតនៅផ្ទះក្មេងស្រីរងគ្រោះ ក្នុងភូមិពោធិ៍ព្រឹក្សា ឃុំព្រាល ស្រុកកញ្ជ្រៀច ខេត្ដព្រៃវែង។
ជនល្មោភកាមមានឈ្មោះ ឈិន ចាន់សិត អាយុ ២៥ឆ្នាំ រស់ នៅភូមិឆ្កឹស ឃុំថ្មពូន ស្រុកកញ្ច្រៀច ខេត្ដព្រៃវែង ហើយក្មេងស្រីរងគ្រោះ ឈ្មោះ ណសន អាយុ ១៣ឆ្នាំ រស់នៅភូមិឃុំ កើតហេតុខាងលើ ។
មុនពេលកើតហេតុ ជនសង្ស័យបាន ជិះកង់ទៅជួប ក្មេងស្រីរងគ្រាះ ដែលចុះពីលើផ្ទះដើម្បីបោកខោអាវ ។ ពេលឃើញឱកាសល្អ ជនសង្ស័យបានចាប់ក្មេងស្រីរងគ្រោះ អូសទាញទៅក្រោយផ្ទះ ហើយធ្វើសកម្មភាព ចាប់ស្រាតខោ ដើម្បីរំលោភ ប៉ុន្ដែត្រូវបានក្មេងស្រីរងគ្រោះ ស្រែកឆោឡោផ្អើល ប្រជាពលរដ្ឋនៅក្នុងភូមិ ក៏ប្តឹងឲ្យសមត្ថកិច្ច ឃាត់ខ្លួនតែម្តង៕
_______________________
ប្រភពព័ត៌មានពី៖ វាលឥន្ទ្រី
ប្រភពព័ត៌មានពី៖ វាលឥន្ទ្រី
