មិនដែលស្គាល់ សោះហេតុតែចង់ បានប្រាក់ទូរស័ព្ទ គំរាមកំហែងគេ
ខេត្ដកំពង់ធំ ៖ មន្ដ្រីកងរាជអាវុធ ហត្ថខេត្ដកំពង់ធំបានកសាងសំណុំរឿង និងបញ្ជូនស្ដ្រីម្នាក់ដែលត្រូវបានចាប់ ខ្លួន កាលពីថ្ងៃទី១៨ ខែកញ្ញា ឆ្នាំ ២០១៣ យោងទៅតាមពាក្យបណ្ដឹង របស់ជនរងគ្រោះដែលចោទស្ដ្រីរូប នេះបានរំខាន ដល់គ្រួសាររបស់គាត់និងគំរាមទារ ប្រាក់តាមប្រព័ន្ធទូរស័ព្ទ ។
ទង្វើនិងសកម្មភាពដ៏ស្ទើរភ្លើងរបស់ ស្ដ្រីរូបនេះ បច្ចុប្បន្នវាហួសសម័យទៅ ហើយ សូមស្ដ្រីគ្រប់រូបកុំយកតម្រាប់ តាមព្រោះវាគ្រោះថ្នាក់ណាស់ ។
បើតាមការឱ្យដឹងពីមន្ដ្រីកងរាជអាវុធ ខេត្ដកំពង់ធំបានបញ្ជាក់ថា ស្ដ្រីដែល ជាប់ចោទពីករណីរំខានទៅលើគ្រួសារ របស់គេ និងគំរាមទារប្រាក់តាមប្រព័ន្ធ ទូរស័ព្ទដែលត្រូវបានស្រាវជ្រាវចាប់ខ្លួន នេះ គឺធ្វើឡើងនៅមុខសណ្ឋាគារអារុណ រះ ក្នុងភូមិលេខ៧ សង្កាត់កំពង់ធំ ក្រុង ស្ទឹងសែន ។
បើតាមការឱ្យដឹងពីមន្ដ្រីកងរាជអាវុធ ខេត្ដកំពង់ធំបានបញ្ជាក់ថា ស្ដ្រីដែល ជាប់ចោទពីករណីរំខានទៅលើគ្រួសារ របស់គេ និងគំរាមទារប្រាក់តាមប្រព័ន្ធ ទូរស័ព្ទដែលត្រូវបានស្រាវជ្រាវចាប់ខ្លួន នេះ គឺធ្វើឡើងនៅមុខសណ្ឋាគារអារុណ រះ ក្នុងភូមិលេខ៧ សង្កាត់កំពង់ធំ ក្រុង ស្ទឹងសែន ។
លោក ប៊ុន ឃី អនុប្រធានមន្ទីរ ស្រាវជ្រាវ និងយុត្ដិធម៌នៃកងរាជអាវុធ ហត្ថខេត្ដកំពង់ធំបានឱ្យដឹងថា ស្ដ្រីដែល ចាប់ខ្លួនឈ្មោះ ជា លៀងហៀប អាយុ ២៤ឆ្នាំ មានស្រុក កំណើតភូមិ ឃុំដារ ស្រុកមេមត់ ខេត្ដកំពង់ចាម និងមាន មុខរបរមិនច្បាស់លាស់ ។ ចំណែកជន រងគ្រោះត្រូវបានគេដឹងថាជាមន្ដ្រីរាជ ការមួយរូបបម្រើការងារនៅក្នុងខេត្ដ កំពង់ធំ ហើយក្នុងការជំរិតទារប្រាក់តាម ប្រព័ន្ធទូរស័ព្ទនេះគឺជនសង្ស័យទាមទារ ចំនួន៥ពាន់ដុល្លារ ។ តែជនរងគ្រោះបាន តថ្លៃរហូតធ្លាក់មកនៅត្រឹម៥០០ដុល្លារ ទើបណាត់មកជួបឱ្យទទួលប្រាក់រួចចាប់ខ្លួនតែម្ដង ។
បើតាមការរៀបរាប់ពីជនរងគ្រោះ ប្រាប់សមត្ថកិច្ចថា រូបគាត់និងនារីជា ជនសង្ស័យនោះ មិនដែលស្គាល់គ្នានិង មានទំនាក់ទំនងអ្វីឡើយ តែមួយរយៈ កន្លងមក មិនដឹងថានាងបានលេខទូរស័ព្ទ របស់គាត់ពីណានោះទេ ។ គេចេះតែទូរ ស័ព្ទចូលរំខានជាញឹកញាប់រហូតដល់ គ្រួសាររបស់គាត់ថ្នាំងថ្នាក់ចោទប្រកាន់ថាគាត់មានស្រីក្រៅទៀតផង ។
ជនរងគ្រោះបានឱ្យដឹងទៀតថា ដោយ មិនអស់ចិត្ដពីការគំរាមតាមទូរស័ព្ទជា ញឹកញាប់នោះមក គាត់បានប្ដឹងទៅ សមត្ថកិច្ចឱ្យជួយស្រាវជ្រាវហើយក៏ ណាត់ជួបដើម្បីឱ្យលុយ ទើបចាប់ខ្លួនបាន។
ជនសង្ស័យជា លៀងហៀប បានឆ្លើយ សារភាពចំពោះសមត្ថកិច្ចថា ខ្លួននិង ជនរងគ្រោះមិនដែលស្គាល់គ្នានោះឡើយ តែឮគេថា គាត់ជាអ្នកមានជីវភាពធូរ ធារ ក៏បានស្រាវជ្រាវសួរគេសួរឯងរក លេខទូរស័ព្ទបានហើយក៏ទំនាក់ទំនង រួច បែកគំនិតគំរាមដើម្បីចង់បានប្រាក់។ ប៉ុន្ដែទង្វើដ៏ល្ងង់ខ្លៅបែបនេះត្រូវបានបរាជ័យក្រោមការបង្ក្រាបរបស់សមត្ថកិច្ច ហើយកិត្ដិយសរបស់ខ្លួនត្រូវបានជះភាយស្អុយចេញមកក្រៅព្រោះតែភាពចង់ បាននិងលោភលន់ ៕
_________________________
ប្រភពពីនគរវត្ត
