សហព្រះរាជ អាជ្ញាអន្តរជាតិ Adrew Cayley លាលែងពីសាលា ក្តីខ្មែរក្រហម
សហព្រះរាជអាជ្ញាអន្តរជាតិ លោក Andrew Cayley បានលាឈប់ពីសាលាក្តីខ្មែរក្រហមនៅថ្ងៃទី១៦កញ្ញាខាងមុខនេះ។ មូលហេតុនៃការលាឈប់ដែលសហព្រះរាជអាជ្ញាជនជាតិអង់គ្លេសរូបនេះ ភ្ជាប់ជាមួយបញ្ហាផ្ទាល់ខ្លួន។ សហព្រះរាជអាជ្ញាថ្មីជនជាតិអាមេរិក ឈ្មោះ Nicholas Koumjian ត្រូវគេរំពឹងថានឹងមកកាន់មុខងារសហព្រះរាជអាជ្ញាអន្តរជាតិនៅសាលាក្តីខ្មែរក្រហមបន្តពីលោក Andrew Cayleyនេះ។
ចាប់ពីថ្ងៃទី១៦កញ្ញាសប្តាហ៍ក្រោយនេះទៅ សហព្រះរាជអាជ្ញាអន្តរជាតិ លោក Andrew Cayley នឹងលែងមានវត្តមាននៅក្នុងតុលាការខ្មែរក្រហមនេះទៀតហើយ។ សហព្រះរាជអាជ្ញាជនជាតិអង់គ្លេសដែលបានចាប់ផ្តើមការងារនៅសាលាក្តីខ្មែរក្រហមកាលពីឆ្នាំ២០០៩រូបនេះ បានសុំលាលែងពីដំណែង ដើម្បីទៅរស់នៅជាមួយគ្រួសារនៅប្រទេសកំណើតវិញ។ ការលាលែងនេះត្រូវបានលោកសហព្រះរាជអាជ្ញានិយាយភ្ជាប់ទៅនឹងមូលហេតុផ្ទាល់ខ្លួនតែប៉ុណ្ណោះ។ ការប្រកាសលាលែងនេះត្រូវបានធ្វើឡើងនៅក្នុងសេចក្តីប្រកាសព័ត៌មានផ្ទាល់ខ្លួនលោក Andrew Cayley ដែលត្រូវបានផ្សព្វផ្សាយនៅថ្ងៃចន្ទនេះ។
នេះគឺជាសហព្រះរាជអាជ្ញាអន្តរជាតិទី២ហើយ ដែលបានលាលែងពីដំណែងនៅតុលាការខ្មែរក្រហម។ សហព្រះរាជអាជ្ញាទីមួយគឺលោក Robert Petit ជនជាតិកាណាដា ដែលបានលាលែងចុងឆ្នាំ២០០៩ មុនការមកដល់របស់លោក Adrew Cayleyនេះ។
អ្នកនាំពាក្យសាលាក្តីខ្មែរក្រហម លោកនេត ភក្ត្រាបានអះអាងប្រាប់វិទ្យុបារាំងថា ការលាលែងរបស់សហព្រះរាជអាជ្ញាអន្តរជាតិនឹងពិតជាមិនធ្វើអោយប៉ះពាល់តំណើរការនីតិវិធីតុលាការពិសេសឡើយ ដ្បិតនៅក្នុងការិយាល័យសហព្រះរាជអាជ្ញា នៅមានសហព្រះរាជអាជ្ញាជាតិ និងសហព្រះរាជអាជ្ញារងអន្តរជាតិ។ ហើយថាទន្ទឹមគ្នានេះនឹងការស្នើបេក្ខភាពសហព្រះរាជអាជ្ញាអន្តរជាតិបម្រុងជនជាតិអាមេរិក គឺលោក Nicholas Koumjian។ យោងតាមសេចក្តីព័ត៌មានរបស់លោក Andew Cayley សហព្រះរាជអាជ្ញាអន្តរជាតិបម្រុង Nicholas Koumjian នឹងមកដល់កម្ពុជានៅខែតុលាខាងមុខនេះ។
យោងតាមនីតិវិធី បេក្ខភាពរបស់សហព្រះរាជអាជ្ញា Nicholas Koumjian នឹងត្រូវបញ្ជូនទៅឧត្តមក្រុមប្រឹក្សានៃអង្គចៅក្រមដើម្បីសម្រេច។
អ្នកនាំពាក្យសាលាក្តីខ្មែរក្រហម លោកនេត ភក្ត្រាបានអះអាងប្រាប់វិទ្យុបារាំងថា ការលាលែងរបស់សហព្រះរាជអាជ្ញាអន្តរជាតិនឹងពិតជាមិនធ្វើអោយប៉ះពាល់តំណើរការនីតិវិធីតុលាការពិសេសឡើយ ដ្បិតនៅក្នុងការិយាល័យសហព្រះរាជអាជ្ញា នៅមានសហព្រះរាជអាជ្ញាជាតិ និងសហព្រះរាជអាជ្ញារងអន្តរជាតិ។ ហើយថាទន្ទឹមគ្នានេះនឹងការស្នើបេក្ខភាពសហព្រះរាជអាជ្ញាអន្តរជាតិបម្រុងជនជាតិអាមេរិក គឺលោក Nicholas Koumjian។ យោងតាមសេចក្តីព័ត៌មានរបស់លោក Andew Cayley សហព្រះរាជអាជ្ញាអន្តរជាតិបម្រុង Nicholas Koumjian នឹងមកដល់កម្ពុជានៅខែតុលាខាងមុខនេះ។
យោងតាមនីតិវិធី បេក្ខភាពរបស់សហព្រះរាជអាជ្ញា Nicholas Koumjian នឹងត្រូវបញ្ជូនទៅឧត្តមក្រុមប្រឹក្សានៃអង្គចៅក្រមដើម្បីសម្រេច។
ការលាលែងរបស់សហព្រះរាជអាជ្ញាអន្តរជាតិ បានកើតឡើងចំពេលដែលសាលាក្តីពិសេសនេះកំពុងជួបប្រទះវិបត្តិហិរញ្ញវត្ថុ។ វិបត្តិហិរញ្ញវត្ថុដែលកើតមានតែទៅលើបុគ្គលិកជាតិប៉ុណ្ណោះ ហើយលោកសហព្រះរាជអាជ្ញាAndrew Cayley បានថ្លែងជូនពរអោយវិបត្តិនេះត្រូវបានដោះស្រាយ។
អ្នកនាំពាក្យសាលាក្តីខ្មែរក្រហមបានបញ្ជាក់ថា រហូតថ្ងៃទីនេះបុគ្គលិកជាតិប្រមាណ១៤០នាក់ដែលរួមមានទាំងមន្ត្រីនៃការិយាល័យច្បាប់ផងកំពុងបន្តកូដកម្មមិនបំពេញការងារ រហូតដល់ថ្ងៃដែលពួកគេត្រូវទទួលបានប្រាក់បៀវត្សរឡើងវិញ។ ប្រាក់បៀវត្សរដែលពួកគេបានខកខានមិនបានបើកចំនួន៣ខែមកហើយ៕
ប្រភពពី RFI
