កំលាំងកម្មករ- កម្មការិនីជាង៦០ម៉ឺន នាក់នឹងធ្វើអោយ ការបោះឆ្នោត នៅកម្ពុជាប្រែប្រួល
ក្នុងរយៈពេលចុងក្រោយនៃយុទ្ធនាការឃោសនាបោះឆ្នោតអាណត្តិទី៥នេះ មេដឹកនាំសហជីពធំៗនៅកម្ពុជាបានបង្ហាញមុខចំៗក្នុងការគាំទ្រទៅលើគណបក្សនយោបាយ។
កាលពីពេលថ្មីៗនេះ លោករ៉ុង ឈុន ប្រធានសហភាពសហជីពកម្ពុជា និងជាប្រធានសមាគមគ្រូបង្រៀនកម្ពុជាឯករាជ្យ និងលោកជា មុន្នី ប្រធានសហជីពសេរីកម្មករនៃព្រះរាជាណាចក្រកម្ពុជាបានបង្ហាញជំហរច្បាស់លាស់ក្នុងការគាំទ្រគណបក្សសង្គ្រោះជាតិដែលជាគណបក្សប្រឆាំង។
ចំណែកឯលោកសោម អូន ប្រធានសម្ព័ន្ធសហជីពកម្ពុជាវិញ កាលពីថ្ងៃអាទិត្យកន្លងទៅក៍បានដឹកនាំក្បួនកម្មកររាប់ម៉ឺននាក់ដង្ហែរក្បួនឃោសនាអោយគណបក្សប្រជាជនកម្ពុជាវិញផងដែរ។
ប្រការនេះដោយគេជឿជាក់ថា កំលាំងកម្មករ-កម្មការិនីលើវិស័យកាត់ដេរដែលមានចំនួនជាង ៦០ម៉ឺននាក់នៅកម្ពុជា នឹងធ្វើអោយការបោះឆ្នោតជាតិអាណត្តិទី៥នេះ មានការប្រែប្រួល។
យ៉ាងណាក៍ដោយលោកអាត់ ធន់ ប្រធានសហភាពសហជីពការងារកម្ពុជាបានបញ្ជាក់ថា សហជីពទាំងអស់ត្រូវរក្សាជំហរអព្យាក្រឹត្យរបស់ខ្លួន ដើម្បីបំរើដល់ផលប្រយោជន៍របស់កម្មករ-កម្មការិនី។
សូមស្តាប់នាទីហេតុការណ៍សំខាន់នេះ ដោយមានបទសំភាសន៍របស់វ៉ា សំណព្វ ជាមួយលោកអាត់ ធន់ ប្រធានសហភាពសហជីពការងារកម្ពុជា!
សំលេងៈ
ប្រភពពីវាយោ
