ចោរប្រុសស្រី មួយគូប្លន់ម៉ូតូបាន សំរេចប្រម៉ាណ ១០នាទីសមត្ថកិច្ច ក្របួចបានមកវិញ
ភ្នំពេញ ៖ ជនសង្ស័យ ប្រុស ស្រីមួយគូបានធ្វើសកម្មភាពប្លន់ម៉ូតូជនរងគ្រោះបានសម្រេច បានរយៈពេលប្រមាណ១០នាទី ត្រូវសមត្ថកិច្ចនគរបាលស្រាវជ្រាវឃាត់ខ្លួន រួមនឹងវត្ថុតាង កាលពីវេលាម៉ោង១២និង៣០នាទីរំលងអធ្រាត្រ ឈានចូលថ្ងៃទី១៨ ខែកក្កដា ឆ្នាំ២០១៣ នៅចំណុចមុខផ្ទះលេខ៨២៧ ផ្លូវឌឿងហែម ខាងក្រោយក្រុមហ៊ុនទូរស័ព្ទqb ស្ថិតក្នុងភូមិ ៥ សង្កាត់ផ្សារដើមថ្កូវ ខណ្ឌចំកាមន។
ជនសង្ស័យជាចោរប្លន់ម៉ូតូដែលសមត្ថកិច្ចឃាត់ខ្លួនបាន មានឈ្មោះ កែវ សារុំ ហៅអាគោ ភេទប្រុស អាយុ២៥ឆ្នាំ មុខរបរមិនពិតប្រាកដ បច្ចុប្បន្នស្នាក់នៅមិនពិតប្រាកដ និង២-ជា ស្រីនួន អាយុ២០ឆ្នាំ ស្នាក់នៅផ្ទះជួលគ្មានលេខ សង្កាត់ច្បារអំពៅ២ ខណ្ឌមានជ័យ មុខរបរលក់សណ្តែកដីតាមហាងផឹកស៊ី ។ ចំណែកជនរងគ្រោះឈ្មោះ កែវ រដ្ឋា ភេទប្រុស អាយុ២៤ឆ្នាំ និងអ្នកជិះពីក្រោយម្នាក់ទៀតត្រូវជាប្អូនជីដូនមួយ ឈ្មោះ បាន វិសាល ស្នាក់នៅបច្ចុប្បន្នភូមិ- សង្កាត់តាក្ដុល ក្រុងតាខ្មៅ ខេត្តកណ្តាល ។
តាមសម្តីជនរងគ្រោះបានឲ្យដឹងថា ដំបូងរូបគាត់បានជិះម៉ូតូមួយគ្រឿងម៉ាកគុប៩០ ពណ៌ស្ករ ពាក់ស្លាកលេខភ្នំពេញ1AB- 71 28 ឌុបប្អូនជីដូនមួយដើលេងចេញពីម្តុំពោចិនតុង លុះជិះមកដល់ចំណុចកើតហេតុ ក៏ជួបនិងជនសង្ស័យធ្វើសកម្មភាភប្រើដំបង និងអំពូលម៉ែត្រ វ៉ែដណ្តើមយកម៉ូតូយ៉ាងសាហាវ រហូតបានសំរេច ហើយក្រុមជនសង្ស័យបានអូសម៉ូតូយកទៅលាក់ទុកនៅផ្ទះមួយកន្លែងនៅខាងក្រោយក្រុមហ៊ុនqbតាមផ្លូវឌឿងហែមក្នុងសង្កាត់ផ្សារដើមថ្កូវ ខណៈនោះជនរងគ្រោះបានស្រែកឲ្យគេឯងជួយ គាប់ជួនពេលនោះនគរបាលប៉ុស្តិ៍ផ្សារដើមថ្កូវល្បាតជិតកន្លែងកើតហេតុក ប្រទះឃើញជនសង្ស័យក៏ដេញចាប់បញ្ជូនមកកាន់អធិការដ្ឋាននគរបាលខណ្ឌចំការមន ដើម្បីចាត់ការតាមនិតិវិធីបញ្ជូនទៅសាលាដំបូងរាជធានីភ្នំពេញ។ រីឯម៉ូតូសមត្ថកិច្ចបាដកហូតពីជនសង្ស័យប្រគល់ឲ្យម្ចាស់ជាជនរងគ្រោះវិញ ៕
ប្រភពពីនគរវត្ត
