១៩នាក់បានស្លាប់ និង២០នាក់ផ្សេងទៀត បានរងរបួសនៅក្នុងគ្រោះថ្នាក់ចរាចរ ដោយរថយន្ដក្រុងបុកជាមួយរថយន្ដដឹកស៊ីម៉ងត៍
ប្រទេសថៃ៖ កាលពីព្រឹកថ្ងៃអង្គារ ទី២៣ ខែកក្កដា ឆ្នាំ២០១៣មានគ្រោះថ្នាក់ចរាចរណ៍មួយកើតឡើងស្ថិតនៅកណ្ដាលទីប្រជុំជន នៃខេត្ដសារ៉ាបុរី ដែលគ្រោះថា្នក់នេះបង្កឡើងដោយរថយន្ដក្រុង ដឹកអ្នកដំណើរ បុកជាមួយរថយន្ដ កាម៉ាសដឹកស៊ីម៉ងត៍ ហើយក៏បានផ្ទុះឆេះ ដែលបណ្តាលមនុស្សចំនួន ១៩នាក់បាន ស្លាប់បាត់បង់ជីវិត និង២០នាក់ផ្សេងទៀត បានរងរបួស។
សាក្សីនៅកនែ្លងកើតហេតុបានឲ្យដឹងថា រថយន្ដក្រុងបានធ្វើដំណើរពីទីក្រុងបាងកក ឆ្ពោះទៅកាន់តំបន់ រោយអ៊ីត លុះពេលមកដល់ចំណុចកើតហេតុ ត្រូវរថយន្ដកាម៉ាស់ដឹកស៊ីម៉ង់ត៍ បើកបុកហើយផ្ទុះឆេះតែម្ដង ហើយនៅកន្លែងកើតហេតុ គេឃើញរថយន្ដ៣គ្រឿង បានរងការឆេះ នៅសល់តែគ្រោងដែក ហើយប៉ូលិសបានចាប់ខ្លួនអ្នកបើកបររថយន្ដ កាម៉ាស់ដឹកស៊ីម៉ង់ត៍ ដែលបាត់បង់ម្ចាស់ការ ហើយបង្កគ្រោះថ្នាក់ដ៏រន្ធត់នេះ ។ ប៉ូលីសបានបញ្ជាក់ថា រថយន្ដដឹកស៊ីម៉ង់ត៍ បានបើករំលោភច្បាប់ចរាចរណ៍ ទៅបុកជាមួយរថយន្ដក្រុង ហើយរថយន្ដផិកអាប់ មួយគ្រឿងទៀតដែលបើកបរពីក្រោយរថយន្ដក្រុងនោះ ក៏ទទួលរងគ្រោះដំណាលគ្នាតែម្ដង ហើយគួរបញ្ជាក់ផងដែរ ថា មានមនុស្សជាង ៩៧០០នាក់ត្រូវបានស្លាប់ដោយសារគ្រោះថា្នក់ចរាចរនៅតាមដងផ្លូវក្នុងប្រទេសថៃកាលពីឆាំ្នមុន ៕
