បុរសគ្មានគោល ដៅម្នាក់សង្ស័យ ស្រវឹងស្រាខ្យល់ គរដួលស្លាប់
ខេត្ដបាត់ដំបង ៖ ប្រជាពលរដ្ឋបាន ប្រទះឃើញបុរសគ្មានផ្ទះសម្បែងម្នាក់ ដេកស្លាប់នៅក្បែររបងដីឡូត៍មួយកន្លែង ដែលគេទុកចោលខាងលិចហាងខារ៉ាអូខេខេធូK2ដោយសង្ស័យថាបុរសនេះស្រវឹងស្រា បណ្ដាលឱ្យខ្យល់គរដួលស្លាប់ព្រោះ នៅក្បែរខ្លួនមានស្រាកន្លះដប នេះបើ តាមការសន្និដ្នានរបស់សមត្ថកិច្ចដែលចុះមកពិនិត្យសពកាលពីវេលាម៉ោង៨ ព្រឹកថ្ងៃទី១៤ ខែកក្កដា ឆ្នាំ២០១៣ ឋិត ក្នុងភូមិកម្មករ សង្កាត់ស្វាយប៉ោ ក្រុង បាត់ដំបងខេត្ដបាត់ដំបង ។
លោកស៊ន កុសល នាយផ្នែកព្រហ្មទ័ណ្ឌនៃអធិការដ្ឋាននគរបាលក្រុងបាត់ ដំបងបានឱ្យដឹងថា បុរសដែលស្លាប់មាន ឈ្មោះ ខ្មៅ អាយុ២៨ឆ្នាំ មានមុខរបរដើរ រើសអេតចាយគ្មានទីលំនៅពិតប្រាកដ ។ សពជនរងគ្រោះមានស្នាមបាក់ក្ដោង ច្រមុះចេញឈាមពេលដួលផ្កាប់មុខ ។
អ្នកភូមិនៅក្បែរកន្លែងកើតហេតុបាន ប្រាប់សមត្ថកិច្ចថា បុរសនេះគេតែងតែ ដើររើសអេតចាយយកទៅលក់ទិញស្រា ផឹកស្រវឹងជាប្រចាំហើយអ្នកភូមិហៅឈ្មោះថាអាម៉ៅ ។ ពេលខ្លះឃើញជនរងគ្រោះ ដេកនៅក្នុងប៉ុស្ដិ៍ប្រជាការពារក្បែរនេះ ក៏មាន ។
លោកស៊ន កុសល នាយផ្នែកព្រហ្ម ទ័ណ្ឌបានបញ្ជាក់ថា តាមការធ្វើកោស ល្យវិច័យរបស់ជំនាញសាកសពបុរសរូប នេះស្លាប់តាំងពីម៉ោង១រំលងអធ្រាត្រ ឈានចូលថ្ងៃទី១៤ ខែកក្កដា ឆ្នាំ២០១៣ មកម្ល៉េះដោយសង្ស័យខ្យល់គរ ព្រោះតែ ផឹកស្រាស្រវឹងខ្លាំងពេក ។ ក្រោយពីពិនិត្យរួចអាជ្ញាធរសង្កាត់ និងសមត្ថកិច្ចបានដឹកសាកសពនេះយកទៅបូជានៅវត្ដដំរីសតាមប្រពៃណី ៕
- ប្រភពពីនគរវត្ត
