AirAsia បើកដំណើរ ការជើងហោះហើរ ប្រចាំថ្ងៃពី ខេត្តសៀមរាប ទៅ ទីក្រុងបាងកក
AirAsia បើកដំណើរការជើងហោះហើរប្រចាំថ្ងៃពី ខេត្តសៀមរាប ទៅ ទីក្រុងបាងកក
ចាប់ពីថ្ងៃទី 1 ខែ តុលា ឆ្នាំ 2013 តទៅ
សូមកក់សំបុត្រនៅថ្ងៃនេះ ដើម្បីទទួលបានតម្លៃដ៏ទាប ចាប់ពី 2 ដុល្លារក្នុងមួយជើង*!
ថ្ងៃទី 15 ខែកក្កដា ឆ្នាំ 2013- AirAsia ដែលជាក្រុមហ៊ុនទទួលបានចំណាត់ថ្នាក់ជាក្រុមហ៊ុន
អាកាសចរណ៍ផ្តល់តម្លៃទាបល្អបំផុតរយៈពេលប្រាំឆ្នាំជាប់គ្នា ដោយយោងតាមរបាយការណ៍របស់ Skytrax (2009-2013) បានបើកដំណើរការជើងហោះហើរពីខេត្តសៀមរាប ទៅអាកាសយានដ្ឋានអន្តរជាតិ បាងកក ដនមឿង ចាប់ពីថ្ងៃទី 1 ខែ តុលា ឆ្នាំ 2013 តទៅ។ ដើម្បីអបអរសាទរចំពោះព្រឹត្តិការណ៍ដ៏គួរឲ្យចាប់អារម្មណ៍នេះ AirAsia កំពុងផ្តល់កម្មវិធីពិសេសសម្រាប់ជើងហោះហើរដែលមានតម្លៃទាបទៅកាន់ទីក្រុងបាងកក ចាប់ពី 2 ដុល្លារឡើងទៅក្នុងមួយជើង (តម្លៃមិនទាន់រួមបញ្ចូលពន្ធ អាកាសយានដ្ឋាន
និងប្រេងឥន្ធនៈ)។ អតិថិជនត្រូវធ្វើការកក់សំបុត្រទុកជាមុនដោយផ្ទាល់តាមរយៈ www.airasia.com ចាប់ពីថ្ងៃនេះ រហូតដល់ថ្ងៃទី 24 ខែ កក្កដា ឆ្នាំ 2013 សម្រាប់ការធ្វើដំណើរក្នុងចន្លោះពីថ្ងៃទី 1 ខែ តុលា ឆ្នាំ 2013 រហូតដល់ថ្ងៃទី 5 ខែ សីហា ឆ្នាំ 2014**។
លោក Tassapon
Bijleveld អគ្គនាយកក្រុមហ៊ុន Thai AirAsia បានឲ្យដឹងថា “យើងមានភាពរីករាយក្នុងការពង្រីកបណ្តាញរបស់យើងពីទីក្រុងបាងកក ទៅទីតាំងនានាក្នុងតំបន់ ហើយសម្រាប់ឆ្នាំនេះ យើងផ្តោតលើតំបន់ឥណ្ឌូចិន។ អ្នកដំណើរនៅខេត្តសៀមរាប ឥឡូវនេះអាចរីករាយជាមួយនឹងជើងហោះហើរប្រចាំថ្ងៃ ជាមួយតម្លៃដ៏ទាបទៅកាន់ទីក្រុងបាងកក ដែលជាទីក្រុងដ៏អស្ចារ្យមួយ។ ក្រៅពីកំពុងក្លាយជាមណ្ឌលដ៏សំខាន់ដែលផ្តល់ភាពងាយស្រួលសម្រាប់ការធ្វើដំណើរទៅកាន់បណ្តាទិសដៅដ៏ទាក់ទាញជាច្រើនក្នុងប្រទេសថៃដូចជា ភូកេត ក្រាក់ប៊ី និង ឈៀងម៉ៃ ក្នុងចំណោមទិសដៅជាច្រើនទៀត បាងកកក៏ជាឋានសួគ៍ចម្រុះជាតិសាសន៍មួយផងដែរ សម្រាប់អ្នកដែលចូលចិត្តទិញទំនិញ ដើរកំសាន្តពេលរាត្រី គយគន់ទេសភាព និងចំណីអាហារដ៏ឈ្ងុយឆ្ងាញ់។ ទីក្រុងនេះ មានអ្វីគ្រប់យ៉ាងសម្រាប់អ្នកគ្រប់គ្នា និងជាកន្លែងសម្រាប់ការទស្សនារយៈពេលខ្លីដែលស័ក្តសមចំពោះពេលវេលានាចុងសប្តាហ៍។ សម្រាប់អ្នកធ្វើដំណើរឆ្លងកាត់អាស៊ីអាគ្នេហ៍ តម្លៃទាបសមរម្យ និងភាពងាយស្រួលនៃទំនាក់ទំនងនៅក្នុងតំបន់របស់ AirAsia ធ្វើឲ្យក្រុមហ៊ុនអាកាសចរណ៍មួយនេះក្លាយជាជម្រើសដ៏ល្អបំផុត”។
សៀមរាប គឺជាទិសដៅហោះហើរទី 6 របស់ Thai AirAsia នៅឥណ្ឌូចិន ខណៈដែលជើងហោះហើរពីបាងកកទៅកាន់ទីក្រុងផ្សេងទៀតក្នុងតំបន់នេះរួមមាន យ៉ង់ហ្គូន ម៉ាន់ដាឡៃ ហាណូយ ហូជីមីញ និងភ្នំពេញ។ ដើម្បីទទួលបានតម្លៃពិសេសចាប់ពី 2 ដុល្លារឡើងទៅក្នុងមួយជើង (តម្លៃមិនទាន់រួមបញ្ចូលពន្ធ អាកាសយានដ្ឋាន និងប្រេងឥន្ធនៈ) នេះ អ្នកដំណើរត្រូវធ្វើការកក់ទុកជាមុនតាមរយៈគេហទំព័រ www.airasia.com ចាប់ពីថ្ងៃនេះ រហូតដល់ថ្ងៃទី 24 ខែ កក្កដា ឆ្នាំ 2013 សម្រាប់ការធ្វើដំណើរក្នុងចន្លោះពីថ្ងៃទី 1 ខែ តុលា ឆ្នាំ 2013 រហូតដល់ថ្ងៃទី 5 ខែ សីហា ឆ្នាំ 2014**។
ការកក់សំបុត្រក៏អាចធ្វើឡើងផងដែរតាមរយៈកម្មវិធីសម្រាប់ទូរសព្ទរបស់ AirAsia នៅលើ iPhone សម្ភារដែលប្រើប្រព័ន្ធប្រតិបត្តិការ Android និង Blackberry 10 ក៏ដូចជា គេហទំព័រសម្រាប់ទូរសព្ទដៃ mobile.airasia.com ផងដែរ។ ទម្រង់កម្មវិធីសម្រាប់ទូរសព្ទដៃ iPhone និង Android ឥឡូវនេះត្រូវបានធ្វើកំណែប្រែរួចហើយជាមួយនឹងមាតិកា “Manager My Booking” ដែលអតិថិជនអាចឆែកមើលការកក់ទុកជាមុនរបស់ខ្លួន ការត្រួតពិនិត្យសម្រាប់ការធ្វើដំណើរ ក៏ដូចជាការរៀបចំបន្ថែមទាក់ទងនឹង ចំណីអាហារ ការជ្រើសរើសកៅអី ការត្រួតពិនិត្យឥវ៉ាន់ និងសម្ភារកីឡា ការទិញធានារ៉ាប់រង ជាដើម។
អតិថិជនត្រូវបានលើកទឹកចិត្តឲ្យ កក់ ការត្រួតពិនិត្យសម្ភារតាមប្រព័ន្ធអនឡាញជាមុន ជាមួយនឹងការកក់ជើងហោះហើរ ព្រោះពួកគេអាច សន្សំសំចៃបានរហូតដល់ 66% បើប្រៀបធៀបនឹងការត្រួតពិនិត្យសម្ភារនៅអាកាសយានដ្ឋាន។
**សំបុត្រ សម្រាប់កម្មវិធីបញ្ចុះតម្លៃនេះអនុវត្តតាមគោលការណ៍ “អ្នកមកមុន ទទួលបានមុន”។ លក្ខខណ្ឌផ្សេងៗត្រូវបានអនុវត្ត។
កាលវិភាគជើងហោះហើរ៖
អាកាសយានដ្ឋានអន្តរជាតិ បាងកក ដនមឿង- សៀមរាប
ចាប់ពីថ្ងៃទី 1 ខែ តុលា ឆ្នាំ 2013 តទៅ
ជើងហោះហើរ
|
ទិសដៅហោះហើរ
|
ពេលវេលា
|
ចំនួន
|
FD2851
|
សៀមរាប-ដនមឿង
|
12.15 – 13.15
|
រាល់ថ្ងៃ
|
FD2850
|
ដនមឿង-សៀមរាប
|
10.30 - 11.30
|
រាល់ថ្ងៃ
|
អំពី AirAsia
AirAsia ជាក្រុមហ៊ុនអាកាសចរណ៍ដែលមានតម្លៃទាបឈានមុខគេ និងធំជាងគេបំផុតនៅអាស៊ី ដែលផ្តល់សេវាកម្មទូលំទូលាយបំផុតជាមួយនឹងបណ្តាញទិសដៅធ្វើដំណើរចំនួន 85 ទីតាំង។ នៅក្នុងរយៈពេល 11 ឆ្នាំ នៃប្រតិបត្តិការរបស់ខ្លួន AirAsia បានដឹកជញ្ជូនអ្នកដំណើរជាង 180 លាននាក់ និងបានបង្កើនចំនួនយន្តហោះរបស់ខ្លួនដែលពីមុនមានត្រឹមតែ 2 គ្រឿងប៉ុណ្ណោះ មកជាង 137 គ្រឿងនាពេលបច្ចុប្បន្ន។ ក្រុមហ៊ុននេះបច្ចុប្បន្នកំពុងទទួលបានមោទនភាពយ៉ាងខ្លាំងដែលបានក្លាយជាក្រុមហ៊ុនអាកាសចរណ៍អាស៊ាន (សមាគមប្រជាជាតិអាស៊ីអាគ្នេហ៍) ដ៏ពិតប្រាកដមួយ ជាមួយនឹងប្រតិបត្តិការដែលមានមូលដ្ឋាននៅប្រទេស ម៉ាឡេស៊ី ឥណ្ឌូនេស៊ី ថៃ និងហ្វីលីពីន ដែលកំពុងផ្តល់បណ្តាញសេវាកម្មនៅទូទាំងសមាគមប្រជាជាតិអាស៊ីអាគ្នេហ៍ ព្រមទាំងប្រទេស ចិន ឥណ្ឌា និងអូស្ត្រាលី។ AirAsia ត្រូវបានប្រសិទ្ធនាមជាក្រុមហ៊ុនអាកាសចរណ៍ដែលផ្តល់តម្លៃទាប ល្អជាងគេបំផុតក្នុងពិភពលោក នៅក្នុងការសិក្សាពីបណ្តាក្រុមហ៊ុនអាកាសចរណ៍នៅទូទាំងពិភពលោកប្រចាំឆ្នាំ ដែលធ្វើឡើងដោយ Skytrax រយៈពេល 5 ឆ្នាំជាប់ៗគ្នា ចាប់តាំងពីឆ្នាំ 2009 រហូតដល់ 2013។
Media
Queries:
Krittiyawadee
Pongpanich
krittiyawadeep@airasia.com
Nuttawut
Jitardharn
nuttawutj@airasia.com
Piyasuda
Archasantisuk
piyasudaa@airasia.com
Domneng7
